Read Chol Cantares 3 Bible Online

Cantares 3 - Chol bible

Cantares 3

¹(Jini xch'oc:) Ti ac'ʌlel che' ñololon tic wʌyib, tsac sʌcla jini mu' bʌ i c'uxbiñon, pero ma'anic tsac taja. Tsac pʌyʌ, pero ma'anic tsi' jac'ʌ.

²Tsajni c sʌclan ñumel ti' bijlel tejclum yic'ot ti choñoñibʌl. Pero mach c tajayic jini c'uxbibil bʌ c cha'an.

³Jini xq'uel tejclumob tsi' tajayoñob. Tsaj c'ajtibeyob mi q'uelel i cha'añob jini mu' bʌ j c'uxbin.

⁴Che' bʌ tsaj cʌyʌyob, mach jalic tsac taja jini mu' bʌ j c'uxbin. Tsac tsʌts chucu tij c'ʌb cha'an ma'anic mi' cʌyon. Tsac pʌyʌ ochel ti' yotot c ña', ti' wʌyibʌl c ña' tsa' bʌ i cʌntayon.

⁵Mic subeñetla, xch'oquet bʌ la ti Jerusalén, ame la' bʌc'tesan jini ña'me' yic'ot tatme' ti jamil, mach la' xic'ben jini mu' bʌ i c'uxbiñon. La'to ajnic jinto che' mi' bajñel ña'tan i pʌsbeñon i c'uxbiya. (Jini xch'ocob ti Jerusalén:)

⁶¿Majqui jini woli bʌ ti tilel ti jochol lum che' bajche' buts' tomtoña bʌ am bʌ xojocña bʌ i yujts'il mirra yic'ot pom yic'ot pejtel yan tac bʌ xojocña bʌ?

⁷Q'uelela i buchlib Salomón joyol bʌ ti uxc'al soldadojob yajcʌbilo' bʌ i cha'an.

⁸Wen yujilob guerra ti espada. Chajpʌbilob cha'an mi' coltañob i yum. Ti jujuntiquil lʌpʌl i cha'an i yespada cha'an mi' coltan i yum mi tsa' tili bʌbʌq'uen bʌ ti ac'ʌlel.

⁹Jini rey Salomón tsi' yʌc'ʌ ti melol i buchlib. Tsi' c'ʌñʌ te' ch'oyol bʌ ti Líbano.

¹⁰An i yoyel melbil bʌ ti tsucul taq'uin. Tsi' yotsa oro ti' jol. Chʌccojan i mal. An i tajsil ba' joch'bil ili t'an: “A majtan mu' bʌ i yʌq'ueñetob jini xch'ocob ti Jerusalén”. Che'ʌch joch'bil. (Jini xch'oc:)

¹¹Cucula. La' majlicob pejtel x'ixicob chumulo' bʌ ti Jerusalén. Q'uelela jini rey Salomón. Q'uelela i ch'ʌjlib i jol tsa' bʌ i c'ʌcchocobe i ña' che' ti' yorajlel i ñujpuñel, ti jini q'uin che' cabʌl i tijicñʌyel i pusic'al.