Read Chol Cantares 7 Bible Online

Cantares 7 - Chol bible

Cantares 7

¹I t'ojol jax a woc ti' cacte'. Sac'uñayet ma' cha'len xʌmbal che' bajche' x'ixic bʌ rey. Bʌyʌcña a ya'. I t'ojol jax che' bajche' ujʌl tac wen letsem bʌ i tojol. I melbalʌch jini wen yujil bʌ i melol.

²Lajalʌch a wutbal bajche' alʌ taza but'ul ti vino. Che'ʌch yilal a ñʌc' bajche' jumujch' trigo joyol bʌ ti lirio.

³Lajal a chu' che' bajche' cha'cojt alʌme', loj bʌ.

⁴Chan a bic' che' bajche' i t'ojol jax bʌ q'ueloñib melbil bʌ ti marfil. Lajal a wut che' bajche' sʌc ja' ti Hesbón, am bʌ ti' ti' jini tejclum Batrabim. Che'ʌch a ni' bajche' Líbano am bʌ ti' tojel Damasco.

⁵Che'ʌch a jol bajche' jini wits Carmel. Wen i'ic' i tsutsel a jol jalbil bʌ ti' ch'ʌjlil, a t'ojol jax. Jal ti q'uelol a wut. Mach mejlic c mʌy c wut, come c'ux mi cubiñet. Wen tijicña c pusic'al ti a tojlel.

⁶A t'ojol jax che' bajche' jini xan. Che'ʌch a chu' bajche' cha'tsojc ts'usub.

⁷Tsac ña'ta letsel ti jini xan. Tsa cʌlʌ mux c chucben i c'ʌb. La' c taj a chu' che' bajche' c'unix bʌ ts'usub. Xojocña i yiq'uilel a wej che' bajche' i yujts'il durazno.

⁹Che' ma' ts'ujts'ubeñon c wut, ma' q'uixñesan c pusic'al che' bajche' tsaj bʌ vino mu' bʌ i yʌc'ob ti t'an jini wʌyʌlo' bʌ. (Jini xch'oc:)

¹⁰I cha'añoñʌch. Jini c'uxbibil bʌ c cha'an mi' c'uxbiñon.

¹¹Conla, c'uxbibilet bʌ c cha'an. Conla ti jamil. La' jijliconla ti xchumtʌl.

¹²Sebto mi caj lac ch'ojyel cha'an mi laj q'uel mi woli ti nich jini ts'usubil yic'ot jini granada. Ya'i mi caj j c'uxbiñet.

¹³Ya' mi' yʌc' i perfume jini nichim. Ya'an pejtel i wut te' sumuc bʌ ti c'uxol, jini c'unix bʌ yic'ot jini lotbil bʌ tsa' bʌ ujti c tuc'. Tsa'ix c lotbeyet jini wen tac bʌ, c'uxbibilet bʌ c cha'an.