Read Chol Isaias 35 Bible Online

Isaias 35 - Chol bible

Isaias 35

¹Ti jim bʌ ora jini tiquin bʌ lum mi caj i yubin i tijicñʌyel. Mi' caj ti nich ya' ba' jochol jini lum.

²Cabʌl mi' caj ti nich. Ya' mi caj i tajtʌl tijicña bʌ. Mi caj i cha'leñob c'ay. Mi caj i cha' t'ojlʌwel jini tiquin bʌ lum che' bajche' Líbano yic'ot jini potrero tac am bʌ ti Carmelo yic'ot Sarón. Mi caj i tsictiyel i ñuclel lac Yum, i yutslel lac Dios.

³Ñuq'uesʌben i pusic'al jini ch'ijiyem bʌ. La' p'ʌtac i c'ʌb yic'ot i pix jini c'uño' bʌ.

⁴Subeñob jini woliyo' bʌ ti bʌq'uen: La' ñuc'ac la' pusic'al. Mach mi la' cha'len bʌq'uen, come la' wilan talix lac Dios. Tal i jisan la' contrajob. Mi caj i tilel Dios cha'an mi' coltañetla, che'etla.

⁵Mi caj i cha' c'otel i wut jini xpots'ob. Mi caj i jajmel i chiquin jini xcojcob.

⁶Jini q'uichq'uichña bʌ i yoc mi caj i tijp'el. Mi' caj ti c'ay jini x'uma'. Ya' ti tiquin bʌ lum mi' caj ti wʌjlel loq'uel ja'. Yolocña mi' caj ti ajñel.

⁷Ya' ba' ticʌw ji', on mi caj i tilel tsʌwan ja'. Ya' ba' ma'anic ja' mi' caj ti wʌjlel loq'uel. Mi caj i sujtel ti jamil yic'ot amʌyol jini jochol bʌ lum ba' mi' yajñel bʌte'el.

⁸Ya'i mi caj i ñumel colem bij. Jini bij mi caj i yotsʌbentel i c'aba' Ch'ujul bʌ bij. Come ma'anic mi caj i xʌñob jini año' bʌ i mul. Lac Yum mi caj i cha'len xʌmbal a wic'ot ti jini bij. Ma'anic mi caj i chʌn sajtel jini mu' bʌ i cha'len xʌmbal ya'i anquese ma'anic i ña'tʌbal.

⁹Ma'anic bajlum ya'i. Ma'anic jontol tac bʌ bʌte'el. Cojach winicob x'ixicob mʌmbilo' bʌ i cha'an lac Yum mi caj i cha'leñob xʌmbal ya'i.

¹⁰Wen tijicñayob i pusic'al mi caj i sujtelob jini mʌmbilo' bʌ i cha'an lac Yum. Cha' talob ti jini bij cha'an mi' majlelob ti Sion. Ti pejtelel ora tijicña mi caj i yubiñob. Mi' cajelob ti c'ay. Mi caj i lajmel wocol yic'ot c'amʌjel.