Read Chol Levitico 13 Bible Online

Levitico 13 - Chol bible

Levitico 13

¹Lac Yum tsi' sube Moisés yic'ot Aarón: Che' mi' sijt'el i pʌchʌlel juntiquil, mi leselix ti' pʌchʌlel, mi tsa' coli i chʌcajl tac, bʌbʌq'uen mi' tejchel leco* bʌ i tsoyil i pʌchʌlel. Yom mi' pʌjyel tilel ba'an jini motomaj, mi Aarón, mi i yalobil.

³Jini motomaj la' i wen q'uelben jini tsoy ti' bʌc'tal. Mi sʌsʌquix tsa' sujti jini i tsutsel ya' ti' pʌchʌlel, mi wen tamix i tsoyil ti' bʌc'tal, che' jini lecojix i tsoy. Jini motomaj wersa yom mi' tsictesan cha'an bibi' tic wut.

⁴Pero mi to'o sʌc petan jach i pʌchʌlel i bʌc'tal i c'ʌb, mi ma'anic i tsoy, mi mach sʌsʌquic woli' majlel i tsutsel i c'ʌb, che' jini, la' i yʌc' ti ñujp'ejl wucp'ejl q'uin.

⁵Che' ti' wucp'ejlel q'uin la' i cha' q'uel jini motomaj. Mi yic'ot jach jini i c'amʌjel, mi ma'anic woli' pam pujquel ti pejtelel i bʌc'tal, che' jini yom mi' cha' choc ti ñujp'ejl yambʌ wucp'ejl q'uin.

⁶Che' ti wucp'ejlel q'uin yom mi' cha' q'uel jini motomaj bajche' yilal. Mi tsa'ix sʌc jili jini leco bʌ i tsoy, mi ma'anic tsa' pam pujqui ti' pʌchʌlel, che' jini an ti wenta jini motomaj cha'an mi' tsictesan sʌquix jini winic. Jini c'amʌjel tsa' bʌ i taja, jini jach sujluyel i pʌchʌlel, pero wersa yom mi' wuts' jini i bujc. Che' jini sʌc mi' cʌytʌl.

⁷Mi ñumeñix tsa' p'ojli i c'amʌjel che' bajche' tsi' ñaxan q'uele jini motomaj, che' jini yom mi' cha' pʌs i bʌ ba'an jini motomaj.

⁸Che' mi' cha' q'uele' jini motomaj, mi tsa'ix utsi pam pujqui ti pejtelel i bʌc'tal, che' jini yom mi' tsictesan an i bibi'lel tic wut, come an leco bʌ i tsoy.

⁹Che' mi' pasel leco tac bʌ i tsoy, wersa yom mi' pʌjyel tilel ba'an jini motomaj. Mi caj i wen q'uel mi jiñʌch leco bʌ c'amʌjel am bʌ ti' pʌchʌlel, mi wolix i sʌc'an i tsutsel i pʌchʌlel o mi woli' tam'an i tsoy.

¹⁰

¹¹Mi tsiquilix pejtelel jini, an ti' wenta jini motomaj cha'an mi' tsictesan bibi'ix ili winic. Mach yomix mi' chʌn ac' ti ñujp'ejl come an leco bʌ i tsoy.

¹²Mi tsa' utsi caji ti p'ojlel ti pamol i bʌc'tal, mi tejchem c'ʌlʌl ti jol c'ʌlʌl ti' yoc baqui jach mi' q'uel jini motomaj,

¹³che' jini, jini motomaj mi caj i cha' tsictesan cha'an c'oq'uix jini am bʌ leco bʌ i tsoy, cha'an cha' sʌquix i pʌchʌlel. Tsa'ix lajmi.

¹⁴Pero che' mi' q'uejlel yic'ot jach i c'amʌjel, an leco bʌ i tsoy jini winic. Tsiquilʌch come ma'anix i pʌchʌlel ya' ba'an i tsoy.

¹⁵

¹⁶Pero ti wi'il bʌ ora mi tsa' cha' sujti ti sʌsʌc jini i pʌchʌlel ba' puru i bʌc'tal jax tsa' cʌle, yom mi' cha' pʌs i bʌ ba'an jini motomaj. Che' mi' wen q'uele' jini motomaj, mi tsa'ix junyajlel lajmi i pʌchʌlel, yom mi' cha' tsictesan cha'an lajmenix jini winic.

¹⁷

¹⁸Mi tsa' lajmi leco bʌ i tsoy juntiquil winic, pero tsa' to cʌle ts'ita' i yejtal, mi bulul, mi sʌc petan, mi chʌc petan, che' jini wersa yom mi' pʌsben jini motomaj.

¹⁹

²⁰Jini motomaj mi caj i wen q'uele'. Mi tsa'ix utsi p'ojli majlel ti' pʌchʌlel, mi sʌsʌquix tsa' majli i tsutsel i pʌchʌlel, awilan an ti wenta jini motomaj cha'an mi' tsictesan cha'an bibi'ʌch, come jiñʌch leco bʌ tsoy.

²¹Mi ma'anic tsiquil jini sʌsʌc bʌ i tsutsel che' mi' q'uel jini motomaj, mi mach ti' cotolic an jini i chʌmel ti' pʌchʌlel, che' jini yom to mi' ñujp'ejl wucp'ejl q'uin.

²²Awilan mi tsa' utsi caji ti pujquel majlel ti' pamol i bʌc'tal, jini motomaj muq'uix i tsictesan jiñʌch leco bʌ i tsoy.

²³Pero mi ma'anix tsa' chʌn pujqui ti pejtelel i bʌc'tal, che' jini i yejtal jach i lojwel an. Jini motomaj la' i tsictesan cha'an sʌcʌch.

²⁴Che' ja'el che' an majqui mi' pulel ti c'ajc, mi tsa' cʌle i yejtal ba' tsa' puli, mi sʌsʌc, mi chʌchʌc jini i pʌchʌlel,

²⁵la' i wen q'uele' jini motomaj. Mi sʌsʌquix tsa' sujti i tsutsel ba' tsa' puli, mi woli' tam'an ochel jini i tsoy, che' jini jiñʌch leco bʌ tsoy tsa' bʌ i taja ti pulel. Jini motomaj mi caj i tsictesan jiñʌch leco bʌ tsoy.

²⁶Pero che' mi' q'uele' jini motomaj, mi mach sʌsʌquic tsa' cʌle i tsutsel ya' ba' tsa' puli, mi ma'anic tsa' tam'a ochel jini i tsoy, wersa yom mi' yʌc' ti ñujp'ejl wucp'ejl q'uin.

²⁷Che' ti' wucp'ejlel q'uin jini motomaj mi caj i cha' q'uele' bajche' yilal. Mi tsa' utsi' pujqui ti' pʌchʌlel, che' jini la' i tsictesan jini motomaj lecojʌch jini i tsoy.

²⁸Mi ma'anic tsa' pujqui jini chʌctocan bʌ i tsoy, mi ma'anix tsa' chʌn pujqui ti' pʌchʌlel, che' jini i yejtal jach ba' tsa' puli. Awilan la' i tsictesan jini motomaj mach lecojic jini tsoy.

²⁹Mi an winic mi x'ixic mu' bʌ i pasel leco bʌ i tsoy ti' jol mi ti' tsucti', jini motomaj mi caj i wen q'uele' bajche' yilal. Mi tam jini tsoy, mi c'ʌnc'ʌnix tsa' majli jini i tsutsel, awilan jini motomaj mi caj i tsictesan jiñʌch leco bʌ tsoy.

³⁰

³¹Che' ujtemix i wen q'uele' jini motomaj, mi ya' jach ti' pʌchʌlel an i yejtal, mi i'ic i tsutsel ya' ti pʌchʌlel, awilan jini motomaj mi caj i yʌc' ti ñujp'el wucp'ejl q'uin jini am bʌ i tsoy.

³²Jini motomaj mi caj i cha' q'uele' che' ti' wucp'ejlel q'uin. Mi jontol bʌ tsoy, mi ma'anic tsa' chʌn pujqui, mi mach c'ʌnc'ʌnic tsa' majli i tsutsel i jol, mi mach cabʌlic i tsoy,

³³la' i set'ben i jol. Mi an ti' wut, la' i jujchin i tsucti'. Pero mach yomic mi' jujchin ya' ba'an i tsoy. Che' jini, jini motomaj mi caj i cha' ac' ti ñujp'ejl.

³⁴Che' ti' wucp'ejlel q'uin yom mi caj i cha' wen q'uele'. Mi ma'anic tsa' utsi pujqui jini i c'osil, mi mach tamic i tsoy, awilan la' i tsictesan jini motomaj cha'an sʌquix. Yom mi' wuts' i pislel cha'an sʌquix mi' cʌytʌl.

³⁵Mi tsa' utsi caji ti pujquel jini i tsoy che' ujtemix ti subentel ti sʌc, awilan jini motomaj mi caj i cha' q'uele' jini tsoy. Mi tsa' utsi pujqui, jini motomaj mach yomix mi' chʌn pijtan cha'an mi' q'uel. Mi c'ʌnc'ʌn jini i tsutsel, la' i tsictesan jiñʌch leco bʌ tsoy.

³⁶

³⁷Pero mi jini i yejtal i tsoy ya' ti' jol junsujm jach an, mi tsa' cha' caji ti colel i tsutsel, che' jini lajmenix. Jini motomaj mi caj i tsictesan cha'an tsa'ix lajmi.

³⁸Che' ja'el che' an winic mi x'ixic am bʌ sʌsʌc tac bʌ ti' pʌchʌlel, mi woli' lajmel tac, mach lecojic jini tsoy. Jiñʌch pasem bʌ ti' pʌchʌlel c'ʌlʌl ti yalobiyel. Awilan jini winic sʌcʌch.

³⁹

⁴⁰Che' ja'el che' xbulux i jol winic i tilelʌch. Sʌcʌch jini winic.

⁴¹Mi ti' tojel i pam mi' laj yajlel i tsutsel i jol i tilelʌch. Bulux i pam pero sʌcʌch jini winic.

⁴²Pero mi ya' ba' tsa' yajli i tsutsel i jol an ts'ita' i tsoyil, mi sʌsʌc, mi chʌchʌc, tic'ʌl mi woli' tejchel leco bʌ i tsoy.

⁴³Awilan jini motomaj mi caj i wen q'uele'. Mi an ts'ita' i tsoyil ya' ti' jol, mi sʌsʌc, mi chʌchʌc, o mi jontol yilal, awilan jiñʌch leco bʌ tsoy. Jini motomaj mi caj i tsictesan.

⁴⁴

⁴⁵Juntiquil winic am bʌ leco bʌ i tsoy wersa mi caj i tsil i bujc. Che' jax wajtsuc'tic yom i jol. La' i pʌch'cʌm i pʌchʌlel i yej am bʌ ti chan. La' i yʌl: “Bibi'onix, an leco bʌ c tsoy”.

⁴⁶Ti pejtelel ora che' chʌn an jini leco bʌ i tsoy, bibi' mi' yajñel. Wersa mi' bajñel chumtʌl ti' pat jini tejclum.

⁴⁷Mi an i cuxemal i tsuts, mi lino bʌ pisil, mi pʌchi, mi yʌxquich'an, mi chʌchʌc jini i pislel o mi pʌchi, che' jini tic'ʌl mi leco jini cuxemal. Yom mi' wersa pʌsbentel jini motomaj cha'an mi' q'uel.

⁴⁸

⁴⁹

⁵⁰Jini motomaj mi caj i wen q'uele' bajche' yilal jini i cuxemal. Mi caj i yʌc' ti ñujp'el wucp'ejl q'uin. Che' ti' wucp'ejlel q'uin la' i cha' wen q'uele'. Mi tsa' utsi wen pujqui jini i pʌjq'uemal ya' ti' pʌchi, mi ya' ti' pisil, che' jini lecojʌch jini i pʌjq'uemal.

⁵¹

⁵²Wersa yom mi' pul jini pisil, lino mi tsuts, mi pʌchi. Come jiñʌch leco bʌ i pʌjq'uemal. Wersa mi' pulel.

⁵³Pero che' mi' cha' q'uel jini motomaj che' ti' wucp'ejlel q'uin, mi ma'anix tsa' chʌn pujqui jini i pʌjq'uemal ya' ti' pislel mi ti pʌchi, jini motomaj mi caj i yʌc' ti pojquel, mi caj i cha' ñup' yambʌ wucp'ejl q'uin.

⁵⁴

⁵⁵Che' ñumeñix wucp'ejl q'uin, mi' ma'anic tsa' ts'ita' lajmi jini i pʌjq'uemal, mi yic'ot jach, che' jini jiñʌch leco bʌ i pʌjq'uemal. Yom mi' pulel jini pisil mi pʌchi, come laj pʌjq'uemix.

⁵⁶Mi tsa' ts'ita' yajpi jini i pʌjq'uemal che' bʌ tsi' cha' q'uele' che' bʌ tsa'ix pojqui, la' i tsep loq'uel jini motomaj.

⁵⁷Pero mi tsa' cha' tsictiyi, jiñʌch leco bʌ i pʌjq'uemal. Wersa mi' pulel.

⁵⁸Pero mi ma'anix tsa' tsictiyi che' wuts'bil, yom mi' cha' wuts' ti' cha'yajlel. Che' jini uts'at mi' cha' c'ʌjñel, che'en lac Yum.

⁵⁹Jiñʌch lac tic'ol ti' tojlel leco bʌ cuxemal mu' bʌ i pʌc' lac pislel yic'ot chuqui tac melbil bʌ ti pʌchi.