Read Chol Levitico 3 Bible Online

Levitico 3 - Chol bible

Levitico 3

¹Che' an juntiquil yom bʌ i yʌq'ueñon c majtan cha'an mi' taj i tijicñʌyel i pusic'al, mi mejlel i yʌc' wacax, mi i tat mi ña'al, mach bʌ wis anic i c'amʌjel mi i lojwel.

²La' i c'ʌcchocon i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. An ti' wenta jini motomajob i yalobilob Aarón cha'an mi' tsijcañob jini ch'ich' ti' joytʌlel jini pulʌntib.

³Ya' tic tojlel mi caj i pulbeñoñob i lewil ya' bʌ ñotol ti' soyta', yic'ot jini cha'p'ejl i chujyib i pich, yic'ot i lewil, yic'ot i chañelal i yolmal. Mic wen mulan.

⁶Che' mi' yʌq'ueñon juncojt chivo mi tiñʌme', mi i tat mi ña'al, cha'an mi' taj i tijicñʌyel i pusic'al, mach yomic am bʌ i c'amʌjel mi i lojwel.

⁷Mi tsi' yʌc'ʌ tiñʌme' cha'an c majtan, yom mi' yʌc' i c'ʌb ti' jol jini alʌc'ʌl. La' i tsʌnsan ya' ti' ti' jini Tabernáculo. Jini motomajob mi caj i tsijcʌbeñob i ch'ich'el ti' joytʌlel jini pulʌntib.

⁹Ya' ti' pulʌntib c majtan yom mic pulbentel pejtelel i lewil yic'ot i ñej c'ʌlʌl ti' junts'ijtlel i bʌquel i pat tsuyul bʌ ti' ñej, yic'ot i lewil i soyta', yic'ot ja'el i lewil am bʌ ti cha'p'ejl i cuchi'tun.

¹²Mi an majch mi' yʌq'ueñon juncojt chivo cha'an c majtan, yom mi' c'ʌcchocon i c'ʌb ti' jol. Che' jini yom mi' tsʌnsan ya' ti' tojel jini Tabernáculo. Jini motomaj mi caj i tsijcʌben i ch'ich'el ya' ti' joytʌlel pulʌntib.

¹⁴La' i yʌc' ti' pulʌntib i lewil mu' bʌ i pac'tʌl ti' mal, yic'ot jini cha'p'ejl i cuchi'tun yic'ot i lewil yic'ot i yolmal. Jiñʌch pulbil bʌ c majtan. Pejtelel i lewil c cha'añʌch.

¹⁷Yom chʌn c'ajal la' cha'an ti pejtelel ora, baqui jach mi la' majlel cha'an mach mejlic la' wis c'ux pejtelel i lewil yic'ot i ch'ich'el, che'en.