Read Chol Jeremias 47 Bible Online

Jeremias 47 - Chol bible

Jeremias 47

¹Tsa' tili i t'an lac Yum ba'an jini x'alt'an Jeremías che' maxto tilemic jini Faraón cha'an mi' jisan Gaza i cha'an filisteojob.

²Lac Yum woli' subeñob jini filisteojob: Ya' ti norte woli' bujt'el ja'. Talix but'ja' i pam mʌctan a lum yic'ot a c'ajbal, yic'ot a tejclum tac yic'ot jini ya' bʌ chumulob. Winicob mi' cajelob ti oñel cha'an bʌq'uen. Pejtel xchumtʌl tac mi' cajelob ti uq'uel.

³Ubiben i t'an caballo yic'ot jini carreta tac woli bʌ i tujc'añob ñumel. Woli' puts'elob winicob. Ma'anic mi' sujtel i can q'uelob i yalobilob ya' ti' pat. Ma'añobix i p'ʌtʌlel ti' tojlel i contrajob.

⁴Come tal i yorajlel che' mi caj i junyajlel jisʌntelob jini filisteojob yic'ot i yaj coltayajob ti Tiro yic'ot ti Sidón. Come lac Yum woli' jisan filisteojob tilemo' bʌ ti Caftor jini lum joyol bʌ ti ja'.

⁵Mi caj i laj pulelob Gaza yic'ot Ascalón yic'ot pejtel xchumtʌl tac ti joctʌl. Ubinla filisteojob, i p'olbalet bʌ la jini Anaquim. Cabʌl mi caj la' cha'len uq'uel. Mi caj la' wʌl:

⁶Mach yujilic ñʌjch'el i yespada lac Yum. ¿Jal to ba mi caj a cha' otsan espada ti' yotot? La' ajnicon lojon, che'etla.

⁷Pero mach mejlic i jac' i tic'ol che' anto i ye'tel i yespada lac Yum. Come wersa mi caj i laj jisan jini chumulo' bʌ ti' ti' colem ñajb.