Read Chol Ezequiel 15 Bible Online

Ezequiel 15 - Chol bible

Ezequiel 15

¹Tsa' tili i t'an lac Yum ba' añon:

²I yalobil winic, ¿chuqui i ye'tel jini ac' am bʌ ti te'el? ¿Mu' ba' mejlel i c'ʌjñel bajche' te'?

³¿Mu' ba i c'ʌjñel ac' cha'an i melol i bʌl otot, mi jini jach i joc'lib p'ejt?

⁴Cojach an i c'ʌjñibal cha'an si', pero ma'anic mi' wen pulel.

⁵Che' jini ma'anic i c'ʌjñibal, mi ti c'ajc mi ti te'el ba' mi' colel, che'en.

⁶Jini cha'an lac Yum Dios woli' yʌl: Che' bajche' tsa cʌc'ʌ ti c'ajc jini ac' am bʌ ti' yojlil te'el, che' ja'el mi caj cʌc' ti jilel jini chumulo' bʌ ti Jerusalén.

⁷Mi caj j contrajiñob ti pejtelelob. Jini mu' bʌ i puts'tan c'ajc mi caj i jilel ti c'ajc. Mi caj la' ña'tan la' Yumon che' mij contrajiñob.

⁸Ts'ibuyemix mi caj i cʌytʌl jini lum, ti' caj i mul cha'an tsi' ch'ujutesayob dioste' tac, che'en lac Yum Dios.