Read Chol Ezequiel 23 Bible Online

Ezequiel 23 - Chol bible

Ezequiel 23

¹Tsa' tili i t'an lac Yum ba' añon: I yalobil winic, añob cha'tiquil xch'oc tsa' bʌ majliyob ti Egipto ba' tsi' cha'leyob ts'i'lel.

⁴Jini chichʌl bʌ jiñʌch Ahola, jini ijts'iñʌl bʌ jiñʌch Aholiba (jiñobʌch i yejtal Samaria yic'ot Jerusalén). Che' colemix tsac pʌyʌyob cha'an c pi'ʌl. Tsi' yʌc'ʌyob ti pañimil ch'iton yic'ot xch'oc bʌ calobilob. Pero jini quijñam Ahola tsa' caji i pejcan jini año' bʌ ti Asiria cha'an mi' cha'len i ts'i'lel yic'ot.

⁵

⁶Tsi' q'uele soldadojob uts'at bʌ i pislel, yic'ot yumʌlob, yic'ot ñuco' bʌ i ye'tel, yic'ot ch'iton winicob c'ʌchʌlo' bʌ ti caballo.

⁷Che' jini tsa' caji i yʌc' i bʌ ti' tojlel jini yajcʌbil bʌ winicob ti Asiria. Tsa' caji i c'uxbin i dioste' tac. Tsi' bib'esa i bʌ yic'otob.

⁸Ma'anic tsi' cʌyʌ i ts'i'lel tsa' bʌ i ñopo ti Egipto, come che' xch'oc to tsa' bʌc' ajni yic'ot winic. Ya'i tsa' ñet'benti i chu' cha'an i ts'i'lel.

⁹Jini cha'an tsa'ix cʌc'ʌ ti' wenta jini c'ux bʌ mi' yubiñob, ti' c'ʌb jini winicob ti Asiria tsa' bʌ i ch'ujutesa dioste' tac.

¹⁰Tsi' jochbeyob i pislel. Tsi' pʌybeyob ti majtan e'tel ch'iton bʌ yic'ot xch'oc bʌ i yalobilob. Tsi' tsʌnsayob. Ba' ora tsi' yubi wocol cha'an i mul tsa' caji i ña'tañob x'ixicob ti pejtelel pañimil.

¹¹Aholiba (Jerusalén) tsi' q'uele bajche' tsa' ujti i chich, pero tsa' utsi caji i ch'ʌl i bʌ ja'el. Ñumen tsi' cha'le i ts'i'lel bajche' i chich.

¹²Jini cha'an tsa' caji i pejcañob i bʌ Aholiba yic'ot jini winicob ti Asiria, yic'ot yumʌlob, yic'ot i yum soldadojob, pejtel ch'iton winicob i t'ojol jax bʌ i bujc c'ʌchʌlo' bʌ ti caballo tac. Tsa' caji i laj c'uxbiñob.

¹³Tsa' caji' tsajcʌben i melbal i chich. Tsi' bib'esa i bʌ.

¹⁴Ñumen jontol tsi' mele che' bajche' Samaria. Che' bʌ tsi' q'uele chʌchʌc bombil i yejtal caldeojob ya' ti' ñʌc' ts'ajc, tsa' caji i c'uxbin.

¹⁵Tsi' q'uele cʌchbil i cʌjchiñʌc' tac, lʌpʌl i cha'an tira tac am bʌ i ch'ʌjlil, lajal bajche' capitán, yic'ot jini winicob ti Babilonia, yic'ot ti Caldea.

¹⁶Che' bʌ tsi' q'ueleyob, tsi' mulayob. Tsi' choco majlel i winicob ti' lumal caldeojob cha'an mi' subeñob tilel.

¹⁷Che' jini tsa' caji i temel ajñel yic'ot jini winicob ti Babilonia. Tsi' bib'esayob Aholiba ti' ts'i'lelob. Ti wi'il Aholiba tsa' caji' ts'a'leñob. Mach chʌn yomix i q'uelob.

¹⁸Jini cha'an joñon ja'el tsac ts'a'le Aholiba cha'an pejtelel i ts'i'lel yic'ot jini winicob che' bajche' tsac ts'a'le i chich.

¹⁹Pero tsa' caji i yutsi cha'len i ts'i'lel. Tsa' caji i cha' mel che' bajche' tsi' mele che' xch'oc to che' bʌ tsi' cha'le i ts'i'lel ya' ti Egipto.

²⁰Tsi' mula i mel i ts'i'lel yic'ot winicob ti Egipto lajalo' bʌ i ts'i'lel bajche' tat caballo.

²¹Che' jini tsa' cha' mele a ts'i'lel che' bajche' tsa' mele che' ch'oquet to, che' bʌ tsi' ñe't'eyob a chu' jini egiptojob.

²²Jini cha'an, Aholiba (Jerusalén) woli' yʌl lac Yum Dios: Awilan mi caj c choc tilel ti a contra jini winicob tsa' bʌ a ts'a'leyob che' bʌ tsa' ujti a cha'len a ts'i'lel yic'otob. Talob i joy mʌctañet

²³jini año' bʌ ti Babilonia yic'ot pejtelel jini caldeojob, jini ch'oyolo' bʌ ti Pecod, yic'ot ti Soa, yic'ot ti Coa, yic'ot pejtelel año' bʌ ti Asiria, ch'iton winicob yic'ot yumʌlob, yic'ot capitañob yic'ot ñuc bʌ winicob año' bʌ i ña'tʌbal, laj c'ʌchʌlob ti caballo.

²⁴Mi caj i tilelob ti la' tojlel ti carreta tac yic'ot cabʌl e'tijibʌl yic'ot cabʌl soldadojob. Mi caj i joy mʌctañetob winicob wen chajpʌbilo' bʌ cha'an guerra. Che' jini mi caj cʌq'ueñet a toj a mul.

²⁵Tic mich'ajel mi caj c pʌy tilel winicob mu' bʌ caj i tic'lañet. Muq'uix i loc'sʌbeñet a ñi' yic'ot a chiquin. Jini cuxulob to bʌ ti a tojlel mi caj i jisʌntelob ti espada. Mi caj i pʌyob majlel ch'iton bʌ yic'ot xch'oc bʌ a walobilob. Mi caj i pulob a chubʌ'an mu' bʌ i cʌytʌl.

²⁶Mi caj i chilbeñet a bujc yic'ot a ch'ʌjlil wen i t'ojol jax bʌ.

²⁷Che' jini mi caj c jisʌbeñet pejtelel a maña yic'ot a ts'i'lel tsa' bʌ a ñopo ya' ti Egipto. Ma'anix mi caj a chʌn mulan. Ma'anix mi caj a chʌn ña'tan Egipto, che'en.

²⁸Come lac Yum Dios woli' yʌl: Mi caj cʌq'uet ti' c'ʌb a contrajob mu' bʌ a ts'a'len.

²⁹Jontol mi caj i tic'lañet. Mi caj i chilbeñet pejtelel i wut tac a pʌc'ʌb. Pits'il mi caj i cʌyet che' ma'anic a chubʌ'an. Che' jini mi caj a wʌjq'uel ti quisin ti' wutob jini año' bʌ ti pañimil cha'an pejtel a ts'i'lel.

³⁰Pejtelel ili wocol mi caj i yujtel ti a tojlel cha'an ti' caj a mul, come tsa' cha'le a ts'i'lel ti' tojlel yan tac bʌ tejclum. Tsa' pʌc'ʌ a bʌ ba'an i diosob.

³¹Ti jini jach bʌ bij ba' tsa' ñumi a chich, ya' tsa' ñumiyet ja'el. Jini cha'an mi caj cʌq'ueñet wocol che' bajche' tsa' cʌq'ue a chich.

³²Jini bʌbʌq'uen tac bʌ tsa' bʌ i yubi a chich jiñʌch mu' bʌ caj a wubin ja'el. Mi caj a tse'tʌntel, mi caj a wajlentel ti pejtelel pañimil.

³³Mi caj a yajlel che' bajche' xyʌc'ajel che' cabʌl a ch'ijiyemlel yic'ot a wocol. Mi caj a cha'len bʌq'uen yic'ot quisin che' bajche' a chich ti Samaria.

³⁴Ti' ch'ijiyemlel a pusic'al yic'ot bʌq'uen mi caj a jap wocol yubil i wenta lembal, come joñon tsa cʌc'ʌ c t'an, che'en lac Yum Dios.

³⁵Lac Yum woli' yʌl: Tsa'ix ñajʌyiyon a cha'an. Tsa'ix a sutq'ui a pat tic tojlel. Jini cha'an ch'ʌmʌ ti a wenta a bajñel mul yic'ot pejtelel a ts'i'lel tsa' bʌ a mele, che'en.

³⁶Lac Yum tsi' subeyon: I yalobil winic, cucu tsictesʌbeñob i mul Jerusalén yic'ot Samaria cha'an jontol pejtelel i melbal.

³⁷Come tsi' cha'leyob i ts'i'lel yic'ot tsʌnsa. Tsi' c'uxbiyob i dioste'. Tsi' puluyob ti c'ajc jini calobilob tsa' bʌ i yʌc'ʌyob ti pañimil.

³⁸Mach jinic jach tsi' meleyob. Tsi' bib'esayob c Templo. Tsi' cha'leyob e'tel ti' q'uiñilel c'aj o.

³⁹Che' bʌ tsa' ujti i pulob i yalobilob, tsa' ochiyob tic Templo. Che' jini tsi' bib'esayob. Che'ʌch tsi' lon ch'ujutesayoñob ti cotot.

⁴⁰Tsa' pʌyʌ tilel motomajob yic'ot dioste' tac ñajt bʌ ch'oyolob cha'an ma' ch'ujutesañob. Tsa' poco a bʌ, tsa' boño a wut, tsa' ch'ʌlʌ a bʌ.

⁴¹Che' jini tsa' buchleyet ti ch'ac ya' ti' t'ejl jini mesa ba' tsa' wʌc'ʌ jini pom yic'ot jini aceite c cha'an.

⁴²Ya' tsa' wubibeyob i t'an cabʌl winicob yic'ot xyʌc'ajelob woli bʌ i tijicñesañob i pusic'al, tilemo' bʌ ti Sabá ya' ti colem bʌ i tiquiñal pañimil. Tsi' yʌc'ʌyob alʌ cadena ti' bic' a c'ʌb, yic'ot jump'ejl corona ti a jol.

⁴³Che' jini joñon tsa cʌlʌ tic pusic'al: Jini xñoxob am bʌ cabʌl i ts'i'lel, ¿mu' ba caj i chʌn pi'leñob jini x'ixic? ¿Mu' ba caj i chʌn jac'ob? cho'on.

⁴⁴Pero tsa' bʌc' caji i pi'leñob che' bajche' i tilel mi' mel sts'i'lel bʌ winic yic'ot sts'i'lel bʌ x'ixic. Che'ʌch tsi' meleyob Ahola yic'ot Aholiba, jontol bʌ x'ixicob mach bʌ yujilobic quisin.

⁴⁵Jini cha'an toj bʌ winicob mi caj i melob cha'an tsi' cha'leyob ts'i'lel, tsi' cha'leyob tsʌnsa. Mi caj i yʌq'ueñob i toj i mul come junyajlel sajtemob, che'en.

⁴⁶Lac Yum Dios woli' yʌl: Mi caj c choc tilel soldadojob cha'an mi' ts'a'leñob, cha'an p'ump'un mi' tic'lañob.

⁴⁷Motocñayob i contrajob, mi caj i julob ti xajlel. Mi caj i tsepob ti espada. Mi caj i tsʌnsʌbeñob jini ch'iton bʌ yic'ot xch'oc bʌ i yalobilob. Mi caj i pulbeñob i yotot ti c'ajc.

⁴⁸Che' jini mi caj c jisan pejtel yujilo' bʌ ts'i'lel mu' bʌ i ch'ujutesañob dioste' tac ti ili lum. Pejtelel x'ixicob mi caj i tic'ob i bʌ ame mi' melob che' bajche' tsa' la' mele.

⁴⁹Mi caj la' toj pejtelel la' mul cha'an tsa' la' diosi jini melbil tac bʌ ti pañimil. Ti jim bʌ ora mi caj la' ña'tan la' Yumon, che'en la' Yum Dios.