Read Chol Ezequiel 35 Bible Online

Ezequiel 35 - Chol bible

Ezequiel 35

¹Lac Yum tsi' cha' subeyon: I yalobil winic, sutq'uin a wut ti' tojel jini wits i c'aba' Seir cha'an ma' tsictesʌbeñob jini wocol mu' bʌ caj i yubiñob.

³Che'ʌch yom ma' subeñob: “Lac Yum Dios woli' yʌl: Wʌle wolix j contrajiñetla añet bʌ la ti wits i c'aba' Seir. Mux caj c jats'etla tij c'ʌb. Jochocña mi caj i cʌytʌl la' lumal.

⁴Jochocña mi caj j cʌy la' tejclum tac. Ch'ijiyem mi caj la' cʌytʌl. Ti jim bʌ ora mi caj la' ña'tan Dioson. Come woli la' chʌn ts'a'len c tejclum Israel. Tsa' la' wʌc'ʌ ti tsʌnsʌntel jini israelob che' ti' yorajlel i wocol che' bʌ tsa cʌq'ueyob i toj i mul.

⁶Jini cha'an isujm mic subeñetla, mi caj c jisañetla ti la' pejtelel. Baqui jach mi la' majlel mi caj la' tsʌnsʌntel, come stsʌnsajetla. Jini cha'an mi caj la' tsʌnsʌntel, che'en lac Yum Dios.

⁷Mi caj c sutq'uin ti jochol bʌ lum jini wits i c'aba' Seir. Pejtel mu' bʌ i loq'uelob yic'ot mu' bʌ i yochelob ya'i mi caj i laj jilelob.

⁸Mi caj c bujt'esan yic'ot xchʌmelob pejtel jini wits tac yic'ot jini joctʌl tac, yic'ot i jajp tac lum, yic'ot colem ja'. Laj tsʌnsʌbilob ti espada.

⁹Mi caj c junyajlel cʌyetla. Ma'anix mi caj la' chʌn wa'chocon la' tejclum. Ti jim bʌ ora mi caj la' ña'tan Yumʌlon.

¹⁰Tsa' la' lon alʌ: Jini cha'p'ejl tejclum yic'ot jini cha'pejt lum mi caj i yochel tic wenta lojon. Mi caj c ch'ʌm lojon tic wenta, lon che'etla, anquese ya'an Dios yic'otob.

¹¹Jini cha'an, isujm mic subeñetla, mi caj cʌq'ueñetla wocol cha'an la' mich'ajel, cha'an tsʌytsʌyña la' pusic'al. Mi caj cʌc' ti c'uxbintel j c'aba' ti Israel che' mi cʌq'ueñetla la' toj la' mul, che'en lac Yum Dios.

¹²Che' jini mi caj la' ña'tan joñon Yumʌlon. Tsa cubi che' bʌ tsa' la' cha'le wulwul t'an tij contra. Tsa'ix la' lon alʌ: Tsa'ix laj jiliyob. An ti lac wenta cha'an mi lac jisañob, lon che'etla.

¹³Tsa la' lon chañ'esa la' bʌ tij contra yic'ot la' t'an. Joñon tsac laj ubi.

¹⁴Mi caj i yubiñob i tijicñʌyel i pusic'al pejtel año' bʌ ti pañimil che' mic jisañetla.

¹⁵Tijicña tsa' la' wubi che' bʌ tsa' chilbentiyob i lum jini israelob. Che' ja'el tijicña mi caj cubin che' mic jisañetla. Jochocña mi caj i cʌytʌl jini wits i c'aba' Seir yic'ot pejtel jini lum ti Edom. Che' jini mi caj la' ña'tan Yumʌlon”, che'en.