Read Chol Ezequiel 42 Bible Online

Ezequiel 42 - Chol bible

Ezequiel 42

¹Jini winic tsi' pʌyʌyon loq'uel ti Templo. Tsi' cha' pʌyʌyon ochel ti patio am bʌ ti mal ya' ba'an jini tsalʌl tac am bʌ ti norte ba'an yambʌ otot.

²An i tamlel ili otot lujump'ejl i yuxc'al (50) metro, yic'ot jo'p'ejl i cha'c'al (25) i xujc.

³Jini tsalʌl tsolol tac bʌ ya' ti jini otot jiñʌch i ts'ajquil am bʌ ti' mal jini patio. An uxlajm jini tsalʌl tac am bʌ ti' tojel jini patio ya' ti jumpat. Jini patio am bʌ ti junwejl an lujump'ejl metro i xujc.

⁴Ti' tojel jini tsalʌl tac an junts'ijt bij am bʌ jo'p'ejl metro i ñuclel, che' lujump'ejl i yuxc'al metro i ñajtlel. I puertajlel an ti' tojel norte.

⁵Jini tsalʌl tac am bʌ ti chan ch'och'oc tac jach, come ñumen ñuc jini bij tac an tac bʌ ti' tojel.

⁶Uxlajm jini otot. Che' ja'el ma'anic i cucujlel che' bajche' am bʌ ya' ti patio am bʌ ti jumpat. Ñumen ch'och'oc tac jini am bʌ ya' ti chan, ñuc tac jini am bʌ ti ojlil yic'ot am bʌ ti yebal.

⁷Jini ts'ajc jini am bʌ ti jumpat ti' tojel jini tsalʌl tac c'otem ti' patiojlel am bʌ ti jumpat an jo'p'ejl i cha'c'al metro i tamlel. Pero i tamlel jini tsalʌl tac ya' bʌ an ti' patiojlel ti jumpat jiñʌch lujump'ejl i yuxc'al metro.

⁹Ti yebal jini tsalʌl tac an jump'ejl i ti' ti' tojel i pasibal q'uin cha'an majqui jach mi' yochelob tilel ya' ti' patiojlel am bʌ ti jumpat. Ya' ti' junwejlel Templo an yambʌ otot am bʌ cha'lajm jini tsalʌl tac ti' tojel jini sur. An ti' yojlil Templo yic'ot jini patio am bʌ ti jumpat.

¹¹Jini corredor am bʌ ti' tojel lajalʌch i tamlel yic'ot i ñuclel bajche' jini corredor am bʌ ti' tojel jini norte, lajalʌch i p'isol. Che' ja'el i yochib yic'ot i loq'uib junlajalʌch.

¹²An i puertajlel jini patio ti jumpat ti tojel ba' mi' pasel q'uin.

¹³Tsi' subeyon: Ch'ujulʌch jini tsalʌl tac am bʌ ti norte ti sur ya' bʌ an ti' tojel jini patio cha'an Templo. Jini motomajob i cha'an lac Yum mi caj i c'uxob jini majtañʌl tac ya'i. Ya'ʌch mi caj i yʌc'ob jini majtañʌl tac cha'an i ñusʌntel mulil, come ch'ujulʌch ili tsalʌl tac.

¹⁴Che' mi' loq'uelob ti Ch'ujul bʌ Ajñibʌl jini motomajob, yom mi' q'uextañob i pislel cha'an mi mejlel i majlel ti patio ti jumpat. Mi' cʌyob i bujc cha'an motomajil come ch'ujul tac jini bujcʌl. Mi caj i xojob yambʌ i bujcob. Che' jini mi mejlel i ñochtañob winicob.

¹⁵Che' bʌ tsa' ujti i p'isben i mal jini otot jini winic, tsi' pʌyʌyon majlel ti corredor am bʌ ti' tojel i pasibal q'uin. Tsi' laj p'isi ti' joytʌlel Templo yic'ot patio.

¹⁶Junlajal ti chʌnxujclel. An lujunc'al yic'ot lujump'ejl i yuxc'al (250) metro ti jujunxujc. An i ts'ajquil ti' joytʌlel, cha'an t'oxol mi' yajñel jini ch'ujul bʌ yic'ot jini mach bʌ an taquic ti tejclum.