Read Chol Daniel 9 Bible Online

Daniel 9 - Chol bible

Daniel 9

¹Jini Darío (i yalobil Asuero, tilem bʌ ti' p'olbal medojob) tsa' caji ti yumʌl ti' tojlel caldeojob. Ti' tejchibal i yumʌntel joñon, Daniel, tsaj q'uele i ts'ijbujel jini x'alt'an Jeremías ba' ts'ijbubil mi caj i tic'lʌntel Jerusalén lujump'ejl i chʌnc'al (70) jab.

³Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

⁴Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

⁵Tsa'ix c cha'le lojon mulil yic'ot jontolil. Tsac ñusa lojon a t'an.

⁶Tsaj cʌyʌ lojon a mandar. Ma'anic tsac p'isi lojon ti wenta i t'an jini x'alt'añob a cha'an. Tsi' pejcayob c reyob lojon ti a c'aba' yic'ot jini ñuc bʌ x'e'telob, yic'ot pejtel jini winicob x'ixicob, yic'ot c ñojte'el lojon, pero ma'anic tsi' jac'ʌyob.

⁷Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

⁸C Yum, woliyon lojon ti quisin yic'ot c rey lojon, yic'ot año' bʌ i ye'tel yic'ot c tat lojon, come tsac cha'le lojon mulil ti a tojlel.

⁹Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

¹⁰C Dios lojon, ma'anic tsac ñich'ta lojon a t'an. Ma'anic tsac jac'ʌ lojon che' bʌ tsi' cʌntesayon lojon a winicob jini x'alt'añob.

¹¹Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

¹²Tsa' mele che' bajche' tsa' wʌlʌ. Tsa' choco tilel ñuc bʌ wocol tic tojlel lojon yic'ot ti' tojlel c yumob lojon. Tsa' jisa Jerusalén. Ti yambʌ ora ma'anic tsa cubi lojon ñuc bʌ wocol che' bajche' jini.

¹³Pejtel ili wocol tsa' tili tic tojlel lojon che' bajche' ts'ijbubil ti' mandar Moisés. Pero ma'anic tsac sʌclayet lojon, c Yum Dios. C'ʌlʌl wʌle ma'anic wolij cʌy lojon c mul. Ma'anic wolic p'is lojon ti wenta mi xuc'ul a t'an.

¹⁴Jini cha'an c Yum, tsa'ix a choco tilel jini ñuc bʌ wocol cha'an ma' ts'ʌctesan a t'an, come tojet c Yum Dios ti pejtelel a melbal. Ma'anic tsac ñich'ta lojon a t'an.

¹⁵C Yum Dios, jatet tsa' loc'sa a tejclumob ti Egipto ti ñuc bʌ a p'ʌtʌlel. Tsa' wʌc'ʌ ti wen cʌjñel a c'aba' ti jim bʌ q'uin c'ʌlʌl wʌle, pero an lojon c mul ti a tojlel. Tsa'ix c cha'le lojon jontolil.

¹⁶C Yum, cujil lojon cabʌl ma' cha'len p'untaya. Jini cha'an la' lajmic a mich'ajel ti' tojlel a tejclum Jerusalén, come jiñʌch ch'ujul bʌ a wits. Come ti pejtelel pañimil mi' wajleñob Jerusalén cha'an ti' caj c mul lojon, ti' caj i mul c ñojte'el lojon.

¹⁷C Yum Dios, ubiben i yoración ili a waj e'tel. Jac'beñon. Yom ma' cha' sutq'uin a wut cha'an ma' q'uelon lojon ti uts'at. C Yum, cha' aq'ueñon lojon i tijicñʌyel c pusic'al. Cha' tsictesan i ñuclel a c'aba', come ch'ijyem jax a Templo, laj jejmenix.

¹⁸C Dios, ñich'tan c t'an. Wen q'uele bajche' wolic tic'lʌntel lojon. P'ul jembil a tejclum. Laj yujilob a cha'añʌch jini tejclum. Mij c'ajtibeñet lojon wocol t'an, p'untañon lojon anquese ma'anic c wenlel lojon, come cabʌl i yutslel a pusic'al.

¹⁹Ubin, c Yum, ñusʌbeñon lojon c mul. C Yum, ñich'tañon. C Yum, coltañon lojon. Mach ma' jal'an ti coltaya mi c'ux ma' wubin a c'aba', come a cha'añon lojon yic'ot ili tejclum.

²⁰Che' woliyon to ti oración, wolic tsictesan c mul yic'ot i mul c pi'ʌlob ti Israel. Wolij c'ajtiben lac Yum Dios cha'an mi' coltan jini ch'ujul bʌ wits, Jerusalén.

²¹Jini ángel Gabriel tsa' bʌ j q'uele che' ti ñaxan, tsa' wejli tilel ti ora. Tsa' c'oti tic tojlel che' ti och'ajel q'uin che' i yorajlelix mi' pulbentel i majtan Dios.

²²Tsi' subeyon: Daniel, tsa' tiliyon cha'an mi cʌq'ueñet a ch'ʌmben isujm pejtel iliyi.

²³Che' bʌ tsa' tejchi a woración, Dios tsi' jac'beyet. Tsi' chocoyon tilel cha'an mic subeñet ubibil a woración, come c'ux mi' yubiñet. Jini cha'an ubibeñon c t'an cha'an ma' ch'ʌmben isujm.

²⁴Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax* Ch'ujul bʌ Ajñibʌl am bʌ ti Templo.

²⁵Na'tan iliyi cha'an ma' ch'ʌmben isujm. Mi caj i ñumel wucp'ejl semana yic'ot cha'p'ejl i chʌnc'al (62) semana che' bʌ tsa' ajq'ui jini mandar cha'an mi' cha' wa'chocontel Jerusalén, c'ʌlʌl ba' ora mi' tilel jini Yajcʌbil bʌ Yumʌl. Pejtel i ts'ajquil i ti' tac Jerusalén yic'ot i calle tac mi caj i cha' mejlel anquese i yorajlel cabʌl wocol.

²⁶Che' ñumeñix cha'p'ejl i chʌnc'al (62) semana, mi caj i tsʌnsʌntel jini Yajcʌbil bʌ anquese ma'anic i mul. Mi caj i jisʌntel Jerusalén yic'ot jini Templo che' bajche' ti but'ja'lel. Mach chʌn lajmix wocol yic'ot bʌbʌq'uen bʌ guerra c'ʌlʌl ti' jilibal pañimil, come che'ʌch tsi' ña'ta Dios.

²⁷Jini rey mi caj i tem i t'an yic'ot winicob x'ixicob cha'an mi' coltañob jump'ejl semana, pero ti ojlil ili semana mi caj i jem. Mi caj i tic'ob mu' bʌ i yʌq'ueñob Dios ofrenda yic'ot pulbil bʌ i majtan. Jini xjontolil yujil bʌ jisaya mi caj i yutsi mel jontolil. Mi caj i tilel i bib'esan i Templo Dios. Pero Dios mi caj i yʌq'uen i toj i mul jini xjontolil che' ti' yorajlel meloñel, che'en Gabriel.