Read Chol Numeros 33 Bible Online

Numeros 33 - Chol bible

Numeros 33

¹Pejtelel iliyi jiñʌch i bijlel israelob che' bʌ tsi' pʌyʌyob loq'uel ti Egipto ti mojt ti mojt Moisés yic'ot Aarón.

²Moisés tsi' ts'ijba ti jun pejtelel ajñibʌl ba' tsa' jijli tacob, come che'ʌch tsi' sube i mel lac Yum Dios. Jini cha'an jiñʌch i c'aba' jini lum ba' tsa' jijli tacob majlel. Jinto tsi' yʌc'ʌ i mandar lac Yum cha'an mi' cha' xʌñob majlel, tsa' majliyob.

³Tsi' cʌyʌyob Ramesés ti Egipto che' ti primero de abril, che' ti yijc'ʌlal Pascua. Ch'ejl i pusic'al israelob cha'an tsi' coltayob lac Yum. Tsa' majliyob ti' wutob jini egiptojob woli bʌ i mucob jini yʌx alʌlob tsa' bʌ i tsʌnsayob lac Yum. Lac Yum tsi' jisʌbeyob ja'el jini melbil tac bʌ i diosob.

⁵Che' jini tsa' loq'uiyob ti Ramesés jini israelob. Tsa' majli i c'ajob i yo ti Sucot. Che' bʌ tsa' loq'uiyob ya'i, tsa' majliyob ti jijlel ti Etam am bʌ ti' t'ejl jini colem bʌ i tiquiñal pañimil.

⁷Tsa' loq'uiyob ti Etam. Tsa' cha' sujtiyob c'ʌlʌl ti Pihahirot am bʌ ti' tojel Baalsefón. Tsa' jijliyob ti' tojel Migdol.

⁸Tsi' cʌyʌyob Pihahirot. Tsa' c'axiyob ti colem ñajb ba'an jump'ejl colem bʌ i tiquiñal pañimil i c'aba' Etam. Uxp'ejl q'uin tsi' xʌñʌyob ya'i. Che' jini tsa' jijliyob ti Mara.

⁹Che' bʌ tsa' loq'uiyob ti Mara, tsa' majliyob ti Elim ya' baqui an lajchʌmp'ejl cuxul bʌ ja' yic'ot lujuntejc i chʌnc'al jini palma te'. Ya' tsa' jijliyob.

¹⁰Tsa' loq'uiyob ti Elim, tsa' c'otiyob ti jijlel ya' ti' t'ejl jini Chʌchʌc bʌ Ñajb.

¹¹Tsi' cʌyʌyob jini Chʌchʌc bʌ Ñajb. Tsa' c'otiyob ti jijlel ti colem bʌ i tiquiñal pañimil i c'aba' Sin.

¹²Tsa' loq'uiyob ya'i, tsa' c'otiyob ti jijlel ti Dofca.

¹³Tsa' loq'uiyob ya'i, tsa' jijliyob ti Alús.

¹⁴Tsa' loq'uiyob ti Alús. Tsa' jijliyob ti Refidim, ya' ba' ma'anix tsi' wis tajayob ja' cha'an mi' japob.

¹⁵Tsa' loq'uiyob ya' ti Refidim. Tsa' majliyob ti jijlel ya' ti colem bʌ i tiquiñal pañimil i c'aba' Sinaí. Tsa' loq'uiyob ya'i, tsa' majliyob ti jijlel ti Kibrot Hataava. Tsa' loq'uiyob ya'i, tsa' majliyob ti jijlel ti Hazerot. Tsa' loq'uiyob ya'i, tsa' majliyob ti jijlel ti Ritma. Tsa' loq'uiyob ya'i, tsa' majliyob ti jijlel ti Rimón Peres. Tsa' loq'uiyob ya'i, tsa' majliyob ti jijlel ti Libna. Tsa' loq'uiyob ya'i, tsa' majliyob ti jijlel ti Rissa. Tsa' loq'uiyob ya'i, tsa' majliyob ti jijlel ti Ceelata. Tsa' loq'uiyob ya'i, tsa' majliyob ti jijlel ti wits i c'aba' Sefer. Tsa' loq'uiyob ya'i, tsa' majliyob ti jijlel ti Harada. Tsa' loq'uiyob ya'i, tsa' majliyob ti jijlel ti Macelot. Tsa' loq'uiyob ya'i, tsa' majliyob ti jijlel ti Tahat. Tsa' loq'yiyob ya'i, tsa' majliyob ti jijlel ti Tara. Tsa' loq'uiyob ya'i, tsa' majliyob ti jijlel ti Mitca. Tsa' loq'uiyob ya'i, tsa' majliyob ti jijlel ti Hasmona. Tsa' loq'uiyob ya'i, tsa' majliyob ti jijlel ti Moserot. Tsa' loq'uiyob ya'i, tsa' majliyob ti jijlel(...)

³⁸Che' ya' añob ti wits i c'aba' Hor, tsa' letsi majlel jini motomaj Aarón che' bajche' tsi' sube lac Yum. Ya' tsa' chʌmi Aarón, che' anix cha'c'al jab i loq'uelob ti Egipto jini israelob. Tsa' chʌmi che' ti ojlil julio che' anix uxp'ejl i wucc'al (123) i jabilel.

⁴⁰I yum cananeojob am bʌ ti Arad tsi' yubi wolix i c'otelob israelob. Ya' chumul jini rey ti Neguev ti' lumal Canaán.

⁴¹Jini israelob tsa' cha' loq'uiyob ti Hor, tsa' majliyob ti jijlel ti Zalmona. Tsa' loq'uiyob ti Zalmona, tsa' c'otiyob ti Punón. Tsa' loq'uiyob ti Punón, tsa' c'otiyob ti Obot. Tsa' loq'uiyob ti Obot, tsa' c'otiyob ti Ijeabarim ya' ti' ñup' jini Moab. Tsa' loq'uiyob ti Ijeabarim, tsa' majliyob ti Dibongad. Tsa' loq'uiyob ti Dibongad, tsa' majliyob ti Almón Diblataim. Tsa' loq'uiyob ti Almón Diblataim, tsa' majliyob ti jijlel ti wits i c'aba' Abarim, am bʌ ti' tojel Nebo.

⁴⁸Che' bʌ tsa' cha' loq'uiyob ti Abarim, tsa' c'otiyob ti jijlel ti' lum Moab am bʌ ti' t'ejl jini Jordán, ti' tojel Jericó.

⁴⁹Ya' ti' t'ejl jini Jordán tsi' cha'leyob chumtʌl c'ʌlʌl ti Betjemisot c'ʌlʌl ti Abelsitim am bʌ ti' lumal Moab.

⁵⁰Lac Yum tsi' pejca Moisés ya' ti' lumal Moab am bʌ ti' t'ejl jini Jordán ti' tojel Jericó. Tsi' sube:

⁵¹Yom ma' subeñob pejtelel jini israelob: Mi caj la' c'axel ti Jordán ja'. Mi caj la' wochel ya' ti' lumal Canaán.

⁵²Che' jini yom mi la' choc loq'uel pejtelel jini ya' bʌ chumulob. Yom mi la' laj jembeñob i diosob melbil tac bʌ ti xajlel, yic'ot ti taq'uin. Yom mi la' junyajlel jisʌbeñob i yajñibob ba' mi' ch'ujutesañob.

⁵³Tsa'ix cʌq'ueyetla ti la' wenta jini lum cha'an mi la' ch'ʌm. Ch'ʌmʌla che' jini. Ochenla ti chumtʌl.

⁵⁴Yom mi la' t'oxben la' bʌ jini lum mu' bʌ caj la' taj. Yom mi la' cha'len yajcaya ti alas cha'an mi' tsictiyel majqui i yum ti pejt ti pejt. Jini cabʌlo' bʌ, ñuc yom mi' yʌq'uentelob i lum. Jini mach bʌ cabʌlobic, i p'isol jach mi' yʌq'uentelob i lum. Ya' ba' mi caj la' taj la' lum, mi caj la' chumtʌl ti mojt ti mojt che' bajche' jaymojt añetla.

⁵⁵Mi ma'anic tsa' la' choco loq'uel jini winicob, mi che' jach tsa' caji la' cʌyob cha'an mi' tem ajñelob ya' ti lum la' wic'ot, che' jini mi caj la' cha' bʌc'ñañob ti wi'il bʌ ora. Lajalob mi caj la' wubin che' bajche' tan ochemix bʌ ti la' wut, che' bajche' ch'ix mu' bʌ i joch'etla ti la' ch'il'at. Mi caj i yʌq'uetla ti mel pusic'al ya' ba' chumuletla.

⁵⁶Che' jini mi caj c jisañetla che' bajche' tsac ña'ta c jisañob, che'en lac Yum Dios.