Read Chol Numeros 34 Bible Online

Numeros 34 - Chol bible

Numeros 34

¹Lac Yum tsi' sube Moisés: Che'ʌch yom ma' cʌntesan israelob: Mach jalix mi caj la' wochel ti' lumal Canaán mu' bʌ caj cʌq'ueñetla. Jiñʌch i cayajonlel jini lum mu' bʌ caj la' ch'ʌm. Jini lum la' cha'añʌch ti pejtelel ora.

³Jini i cayajonlel la' lum mi' ñumel ti' tojel sur, c'ʌlʌl ti colem bʌ i tiquiñal pañimil i c'aba' Zin, ya' ti' ñup' Edom. I cayajonlel am bʌ ti sur mi' tejchel ti' t'ejl jini Chʌmen bʌ Ñajb.

⁴Xotocña mi' ñumel ili cayajon ti' witsilel Abarim. Ya' mi caj i ñumel ti Zin, yic'ot ti' petol Cades Barnea. Che' jini mi' majlel c'ʌlʌl ti Hasaradar yic'ot ti Asmón.

⁵Joyocña mi' majlel ili cayajon c'ʌlʌl ti pa' i c'aba' Egipto c'ʌlʌl mi' c'otel ti joloñel ya' ti' ti' Colem Ñajb.

⁶La' cayajon am bʌ ti' tojel i bʌjlibal q'uin jiñʌch jini Colem Ñajb.

⁷Jini la' cayajon am bʌ ti norte mi caj i tejchel ti Colem Ñajb. Mi caj i majlel ti' tojel jini wits i c'aba' Hor. Che' jini mi caj i ñumel ya' ti Hamat. Mi' cha' ñumel ti Zedad yic'ot ti Zifrón, wi'ilix ti Hazarenán. Ya' jaxʌl la' lum ti norte.

¹⁰Jini la' cayajon ti' tojel i pasibal q'uin mi' tejchel ti Hazarenán, c'ʌlʌl mi' ñumel ti Sefam. Jini cayajon toj jach mi' jubel majlel ti Ribla, ti' tojel Aín ba' mi' pasel q'uin. Che' jini mi' ñumel jini cayajon c'ʌlʌl ti' ti' colem ja' i c'aba' Cinerat am bʌ ti' pasibal q'uin.

¹²Jiñʌch cayajon jini Jordán ja' c'ʌlʌl mi' c'otel ti Chʌmen bʌ Ja'. Jiñʌch la' cayajon ba' jaxʌl la' lum, che'en lac Yum.

¹³Moisés tsi' subeyob jini israelob: Che' mi la' t'ox jini lum, yom mi la' cha'len yajcaya ti alas, che' bajche' jaytiquiletla, ojlil i lujunmojtet bʌ la i yalobil Israel.

¹⁴Come tsa'ix i tajayob i lum i p'olbalob Rubén yic'ot i p'olbalob Gad, yic'ot ojlil i p'olbal Manasés.

¹⁵Jini ojlil i yuxmojt i yalobilob Israel tsa'ix i tajayob i lum ila ti' tojel Jordán ja' ti' tojel Jericó wʌ' ba' mi' pasel q'uin, che'en.

¹⁶Lac Yum tsi' sube Moisés: Jiñʌch i c'aba' ili winicob mu' bʌ caj i t'oxob jini lum: Jini motomaj Eleazar yic'ot jini Josué i yalobil Nun.

¹⁸Che' ja'el yom ma' yajcan juntiquil am bʌ i ye'tel loq'uem bʌ ti jujunmojt israelob cha'an mi' pʌsbeñob i pi'ʌlob baqui mi caj i chumtʌlob.

¹⁹Jiñʌch i c'aba' jini winicob: Caleb (i yalobil Jefone) loq'uem bʌ ti Judá. Samuel (i yalobil Amiud) loq'uem bʌ ti Simeón. Elidad (i yalobil Quislón) loq'uem bʌ ti Benjamín. Buqui (i yalobil Jogli) loq'uem bʌ ti Dan. Haniel (i yalobil Efod) loq'uem bʌ ti Manasés yic'ot ti José. Kemuel (i yalobil Siftán) loq'uem bʌ ti Efraín yic'ot ti José. Elisafán (i yalobil Parnac) loq'uem bʌ ti Zabulón. Paltiel (i yalobil Azán) loq'uem bʌ ti Isacar. Ahiud (i yalobil Selomi) loq'uem bʌ ti Aser. Pedael (i yalobil Amiud) loq'uem bʌ ti Neftalí.

²⁹Jiñʌch wa'chocobilo' bʌ c cha'an mu' bʌ caj i t'oxbeñob i lum israelob ya' ti Canaán, che'en lac Yum Dios.