Read Chol Josue 19 Bible Online

Josue 19 - Chol bible

Josue 19

¹Jini i cha'p'ejlel lum tsa' bʌ yajcʌnti ti alas i cha'añʌch Simeón che' bajche' c'amel jini otot tac. Ya'an ti ojlil i lumal Judá.

²Tsa' aq'uentiyob: Beerseba, Seba, Molada, Hazarsual, Bala, Ezem, Eltolad, Betul, Horma, Siclag, Betmarcabot, Hazarsusa, Betlebaot yic'ot Saruhén, Aín Rimón, Eter yic'ot Asán, jiñʌch wuclujump'ejl (17) tejclum yic'ot jini xchumtʌl tac.

⁸Pejtelel jini xchumtʌl tac an tac ti' joytilel ili lum c'ʌlʌl ti Baalatbeer (jiñʌch Ramat am bʌ ti Neguev). Jiñʌch i lumob tsa' bʌ aq'uentiyob jini año' bʌ ti Simeón che' bajche' c'amel i yotot tac.

⁹Lamital i lumal Judá tsa' aq'uenti Simeón, come ñumen tsa' aq'uenti i lum Judá che' bajche' tsa' mejli i c'ʌn. Jini cha'an ya'an i lumal Simeón ti' ojlil i lumal Judá.

¹⁰Jini i yuxpejtlel lum tsa' bʌ yajcʌnti ti alas i cha'añʌch Zabulón che' bajche' c'amel i yotot tac. Ya' jaxʌl i lumob ba'an Sarid.

¹¹Tsa' majli jini cayajon ti' tojel i bʌjlibal q'uin c'ʌlʌl ti Marala. Tsa' c'axi ti Dabeset c'ʌlʌl ti jini ja' am bʌ ti' tojel Jocneam ba' mi' pasel q'uin.

¹²Tsa' loq'ui ti Sarid jini cayajon. Tsa' majli ti' tojel i pasibal q'uin c'ʌlʌl ba' jaxʌl i lumal Quislot Tabor.

¹³Tsa' c'axi ti Daberat yic'ot ti Jafía. Tsa' majli ti' tojel i pasibal q'uin c'ʌlʌl ti Gathefer yic'ot jini Itacazin. Tsa' c'oti ti Rimón ba' xotol tsa' c'axi ti Nea.

¹⁴Tsa' majli jini cayajon ti' tojel jini norte c'ʌlʌl ti Hanatón. Tsa' c'oti ti joctʌl i c'aba Jefteel.

¹⁵Ya'an jini tejclum tac: Catat, Naalal, Simrón, Idala, Belén, yic'ot yan tac bʌ, lajchʌmpejl ti pejtelel yic'ot jini xchumtʌl tac.

¹⁶Jiñʌch lum tac yic'ot xchumtʌl tac tsa' bʌ aq'uentiyob jini año' bʌ ti Zabulón che' bajche' c'amel i yotot tac.

¹⁷Jini i chʌmpejtlel lum tsa' bʌ yajcʌnti ti alas i cha'añʌch Isacar, che' bajche' c'amel i yotot tac.

¹⁸Tsa' ochi ili tejclum tac: Jezreel, Quesulot, Sunem, Hafaraim, Sihón, Anaharat, Rabit, Quisión, Abez, Remet, Enganim, Enhada, Betpases.

²²Tsa' c'axi jini cayajon ba'an Tabor, Sahazima, Betsemes c'ʌlʌl tsa' c'oti ti Jordán ja'. Jiñʌch wʌclujump'ejl (16) tejclum yic'ot jini xchumtʌl tac.

²³Jiñʌch i lumal Isacar yic'ot i tejclum tac yic'ot i xchumtʌl tac che' bajche' c'amel i yotot tac.

²⁴I jo'pejtlel lum tsa' bʌ yajcʌnti ti alas i cha'añʌch Aser che' bajche' c'amel i yotot tac.

²⁵Tsa' ochi ili tejclum tac: Helcat, Halí, Betén, Acsaf, Alamelec, Amad yic'ot Miseal, Carmelo yic'ot Sihor Libnat ya' ti' bʌjlibal q'uin.

²⁷Jini cayajon tsa' majli ti' tojel i pasibal q'uin c'ʌlʌl ti Betdagón. Tsa' c'axi ti Zabulón. Tsa' c'axi ti joctʌl i c'aba' Jefteel ti' tojel jini norte. Tsa' c'oti ti Betemec yic'ot Neiel c'ʌlʌl ti Cabul.

²⁸Tsa' ochi Hebrón, Rehob, Hamón yic'ot Caná c'ʌlʌl ti colem Sidón.

²⁹Xotol tsa' majli jini cayajon ya' ti Ramá. Tsa' c'oti ti p'ʌtʌl bʌ tejclum i c'aba' Tiro. Tsa' c'axi ti Hosah. Tsa' c'oti ti colem ñajb. Tsa' ochi ili tejclum tac: Mahalab, Aczib,

³⁰Uma, Afec, Rehob, yic'ot yan tac bʌ, cha'p'ejl i cha'c'al tejclum tac yic'ot xchumtʌl tac ti pejtelel.

³¹Jiñʌch i lumal Aser yic'ot i tejclum tac yic'ot i xchumtʌl tac che' bajche' c'amel i yotot tac.

³²I wʌcpejtlel lum tsa' bʌ yajcʌnti ti alas i cha'añʌch Neftalí che' bajche' c'amel i yotot tac.

³³Tsa' tejchi jini cayajon ya' ti Helef yic'ot ti Alon Saananim. Tsa' c'axi ti Adami Neceb yic'ot Jabneel c'ʌlʌl ti Lacum. Tsa' c'oti ti Jordán ja'.

³⁴Tsa' majli jini cayajon ti' tojel i bʌjlibal q'uin c'ʌlʌl ti Aznot Tabor. Wi'ilix tsa' c'axi ti Hucoc. Tsa' c'oti ti Zabulón am bʌ ti Sur. Tsa' c'axi ti Aser am bʌ ti' bʌjlibal q'uin. Jaxʌl ba'an Judá ya' ti Jordán ja' am bʌ ti pasibal q'uin.

³⁵Jini lum tac chajpʌbil bʌ cha'an guerra jiñʌch: Sidim, Zer, Hamat, Racat, Cineret, Adama, Ramá, Hazor Cedes, Edrei, Enhazor, Irón, Migdalel, Horem, Betanat, Betsemes. Jiñʌch bolonlujump'ejl (19) tejclum tac yic'ot jini xchumtʌl tac.

³⁹Jiñʌch i lumal Neftalí yic'ot i tejclum yic'ot jini xchumtʌl tac tsa' bʌ aq'uentiyob che' bajche' c'amel i yotot tac.

⁴⁰I wucpejtlel lum tsa' bʌ yajcʌnti ti alas i cha'añʌch Dan che' bajche' c'amel i yotot tac.

⁴¹Jiñʌch i lum tac: Zora, Estaol, Irsemes, Saalabín, Ajalón, Jetla, Elón, Timnat, Ecrón, Elteque, Gibetón, Baalat, Jehud, Beneberac, Gatrimón, Mejarcón yic'ot Racón, yic'ot jini lum ba'an Jope.

⁴⁷Jini año' bʌ ti Dan tsa' chilbentiyob i lum. Che' jini tsa' caji' contrajiñob jini año' bʌ ti Lesem. Tsi' tsʌnsayob pejtelel jini ya' bʌ chumulob. Tsi' ch'ʌmʌyob cha'an mi' yochelob ti chumtʌl. Tsa' cha' otsʌbenti i c'aba' jini Lesem ti Dan, come Dan jiñʌch i c'aba' i ñojte'el.

⁴⁸Jiñʌch i lumob tsa' bʌ aq'uentiyob jini año' bʌ ti Dan che' bajche' c'amel jini otot tac. Tsa' aq'uentiyob ili lum tac yic'ot jini xchumtʌl tac.

⁴⁹Che' bʌ tsa'ix ujti i t'oxob jini lum jini israelob, che' bʌ tsa'ix ujti i pʌtob jini cayajón tac, tsi' yʌq'ueyob i lum Josué i yalobil Nun ja'el.

⁵⁰Tsi' yʌq'ueyob Josué jini Timnatsera, am bʌ ti wits i cha'an bʌ Efraín, come che'ʌch tsi' yʌlʌ lac Yum. Tsi' cha' mele lum. Tsa' chumle ya'i.

⁵¹Jiñʌch i lumob israelob tsa' bʌ i yʌq'ueyob jini motomaj Eleazar yic'ot Josué i yalobil Nun. Tsa' t'oxbentiyob che' bʌ tsa' yajcʌbentiyob ti alas. Ya' tsi' meleyob ti' ti' jini Tabernáculo am bʌ ti Silo ti' tojlel lac Yum. Che' jini tsa' ujti i t'oxob jini lum.