Read Chol Josue 20 Bible Online

Josue 20 - Chol bible

Josue 20

¹Lac Yum tsi' sube Josué:

²Suben jini israelob: Yom mi la' yajcan tejclum tac ba' mi mejlel i coltañob i bʌ che' bajche' tsac sube Moisés.

³Jini mu' bʌ i cha'len tsʌnsa che' ma'anic woli' ña'tan tsʌnsa, mi mejlel i puts'el ya'i ame cha' tsʌnsʌntic.

⁴Che' an majqui mi' puts'el tilel ti jump'ejl tejclum, la' poj wa'lec ti' ti'. La' i sub i bʌ ti' tojlel año' bʌ i ye'tel ti jini tejclum. Mi tsi' lajayob i t'an cha'an mi' yochel ti tejclum, la' i yʌq'ueñob baqui mi' chumtʌl yic'otob.

⁵Mi tsa' c'oti yambʌ cha'an mi' tsʌnsan jini stsʌnsa, ma'anic mi caj ti ajq'uel ti' c'ʌb jini woli bʌ i sʌclan, come mach tsajalic i cha'an che' bʌ tsi' cha'le tsʌnsa. Mach i contrajic.

⁶Mi caj i cʌytʌl ti jini tejclum jinto mi' mel i bʌ ti' tojlel jini año' bʌ i ye'tel ti lum. Che' chʌmenix jini ñuc bʌ motamaj mi mejlel i cha' sujtel ti' lum ya' ba' tsa' puts'i loq'uel, che'en.

⁷Tsi' yajcayob ili lum tac: Cedes am bʌ ti Galilea ya' ti wits i cha'an Neftalí, Siquem am bʌ ti wits i cha'an Efraín, Quiriat Arba (jiñʌch Hebrón) am bʌ ti wits i cha'an Judá.

⁸Tsi' yajcayob ili tejclum tac ti junwejl Jordán ja' ti' tojel Jericó ba' mi' pasel q'uin: Beser am bʌ ti jochol bʌ lum, ti joctʌl i cha'an Rubén, Ramot am bʌ ti Galaad i cha'an Gad, Golán am bʌ ti Basán i cha'an Manasés.

⁹Jiñʌch tejclum tac tsa' bʌ yajcʌnti ba' mi' mejlelob ti puts'el jini israelob yic'ot jini ñajt bʌ ch'oyolob ya' bʌ chumulob yic'otob. Che' jini majqui jach mi' cha'len tsʌnsa che' mach tsajalic i cha'an mi mejlel ti puts'el ya'i cha'an ma'anic mi' tsʌnsʌntel mi tsa' tili i tsʌnsan i pi'ʌl jini tsa' bʌ tsʌnsʌnti. Ya' yom mi' cʌytʌl jinto mi' mel i bʌ ti' tojlel año' bʌ i ye'tel.