Read Chothe Naga MAK 11 Bible Online

MAK 11 - Chothe Naga bible

MAK 11

¹Hana mani na Jerushalem nei ah wak jui mulbung am na Betphage akha chu Bethany ah Jisu na arui anie ta masha ah rourilla hla so ae.

²Manita ril, “Nangei matienga am hu hana thing weta nangei lut thou len kormo sanao mee ngei na woiha phao chunglou ha renna am mange, naha nangei na rui hla weta choi wa oh.

³Hana nangei ta atu jongpa na ejeranga mo ae ta sai lea chu, karengpu na anei ang am meh hana apha sot no lutta tha lea ange ta manita rillo.”

⁴Mani thingjuija Kormo sanao ha lamhao shielhun innkal am na ren na am tukhlakka manina rui hla weta shukso ae.

⁵Amunt hana ngirra am mee ngei na sai, “Kormo sanao hi hla weta ejongpa ae anga chao?”

⁶Jisu na manita rilla hla hekta mani ta rilpa chu mee ngei na mani ta thingjou shu oh ta hla so ae.

⁷Mani na kormo sanao ha Jisu kolla ruija wa weta achunga pun nie shi in len Jisu na kormo sanao chunga chung so ae.

⁸Mee ngei na mani pun dier hachu lampi ah dokka hana atujong adang na thingbak hriem weta lampi ah shi so ae.

⁹Chuna matienga thingei na kom hana nutienga thing ngei nakom hita au shukso ae. “Hosana!” Arengpu minga phao mee amo ha jaihra ae!”

¹⁰“Chungthieng na phao anga am anipa David rengram ha jaihra pe shu oh Chungthieng ta dam ei oh.”

¹¹Jisu na niek na inn Jerushalem ma lutweta, amona eheilimpa ahul tunga an na rol hallea. Chuti weta atun chu tai hai sul shou chu, amona arui asom ani hitta Bethany ah shukka thingso ae.

¹²Hana hu warra mani na Bethany hai thou phao ah Jisu won tam so ae.

¹³Aram lah hai thou wa theichang kung abu tam ma am ri so, amo na ejongpa ara am mang mo ae ta anthinga amunt tungjuija chu abu ano wa amona ephao tuk no ae rouram chu ara apha ano sou chu.

¹⁴Hana Jisu na thingkung hata rillea, “Woiha lea ah nakung hai thou wa atu akha na kom nara thei bak no shu oh.” Rou hi marui ngei na theiphaso ae.

¹⁵Jerushalem ma manina tungjuija Jisu na mokna inn sunga lutweta amunt changtenna an weta hana sunga jurra am akha chu lei hlakka am ngei ta julla thouso ae, amona sum vulthuk vulsin ae na doukang akha chu paipi jur ngei ong na kom letta hou so ae.

¹⁶Jisu na mani jurra am pot lim ha mokna inn sung hai thou wa akha phao choi ngei pi no ae.

¹⁷Jisu na hita chupi takpi ah mani ta rillea, “Nahi jiekka shi sha no meh: ‘ka inn sung hi jat lim na mok rang inn kok kange?’ Chuti weta nangei na aru thei ngei bu wul pi so ae.”

¹⁸Chungtekti thiempu ngei akha chu rouphun ocha ngei na amota that ranga an hlakka rol halkom mani ha amo ta leima tri so ae, ti-chu machupi matakpi am roulam lim ha wairul rija na angak shukka am jarra.

¹⁹Nitak apha phao juija amona hulok hai thou wa shukka thingso ae.

²⁰Nituk apha hana mani lam hana thing juija theichang bu atro hai, thou wa charra thing ripha so ae.

²¹Pitar na angei thei ah Jisu ta ril, “Rabbi, an no! Thei changbu ha nasarkou hai thou wa char so weh!”

²²“Jisuna sange Chungthieng kolla ngoiringa am mo.

²³Keina adiek rou nakolla rillinge, atu jongpa na amulbung ta, tui sunga nathei chak na thingweta deng hal, hana nalunga ephao ngaidol nolutta ngoiring ta lea chu ejongpa naril rou ha hamak makolla shuk kange.

²⁴Chuna sarukka keina nangei ta rilla aminge, nangei na ehailimpa niek juija nahamakha pha ang so weh ta ngoichak ngoiringo, hana naha nangei na pha ange.

²⁵Hana nangei na niek ranga ngirra amjuija apha ah wan ramma napa nakom nangei diekno aral ahui shilpi ange, atu jongpa chunga nahoi no makolla amleh chu nangei na aral ahui ha shilpi oh.

²⁶Chuna nangei na shilpi no taleh chu wanram ma am napa nakom naral nahui ejalim silpi nea ang no ae.”

²⁷Mani na Jerushalem woihapa tunga Jisu na mok na inn sunga rolla amlei, chungtek ti thiempu ngei hana rouphun ocha ngei akha chu ulien changei na Jisu am na wa ah sai ae.

²⁸“Ejongpa nane jaitha am ma nangna hijongpa tullu aeja am che?” ta mani na sai. “Hana atuna nangta hijong ae rang pe ah meh?”

²⁹Chuna Jisuna manita rou akha sai, “Nahi nangei na sang lea chu kei nakom rillange ejongpa sarukka keina nahi ae nea ah hilim ae mota.

³⁰Johon Baptias pana baptias ae pihi wanram tieng mo ano lea mee ngei kol hai thou meh? nahi diekka kakolla rilpi oh.”

³¹Mani theichakka mani masel halhlak ka ril, “Ejonga anina wanram tienga ril lea chu, amona anita hita rill ange chuleh alo wa nangei na kei ta ngoiring no chao?

³²chuti weta ani na ejonga mee ngei kol hai thou wa ae rilleh chu” (Manina mee ngei ta atri ae, ha chu malmashi limpana Johon chu routakka rouphupa ae ta ngoiring ae.)

³³Chuna manina sange Jisu, “Kani dang nonge. Keinakom ejongpa kane jaitha amma nahi ae moti rillang nonge ta Jisu na ril.”