Read Chothe Naga MAK 8 Bible Online

MAK 8 - Chothe Naga bible

MAK 8

¹Apha hana wairul rijana rachonna abakrang ephao am no leija Jisu na arui ngeita ma am na ah koka rilleh.

²Keina mani makhai ta ringrei singe rouram chu mani hi kei hitta rungnie inthum am ha ah mani hi abakrang ephao am no ae.

³Ejonga keina mani ta awon tam ma lea pi lea chu lampi ah mani ha waipha tukkange, ti chu mani ahre chu aram lah hai thou phao ae.

⁴Hana marui ngeina sange, “Mani hija taranga ram rukhina budol amte hina awon hopne ang meh?”

⁵“Budol chu eja am ma chau?” Jisu na sai arui ngeina sange “Sari.”

⁶Wairul rija ta alei chunga ongranga amona rilleh. Hana budol sari choi weta wan tienga hai ah nie weta budol ha ther sunutienga marui ngei ta masatekka amatienga am ngeita sam ranga pe ah, hata marui ngeina sampi so ae.

⁷Hana manikolla tuiriek asiente ahre amhakom; arengpu na nie weta marui ngei kolla sam ranga rou ril so.

⁸Mani na awon hoppa bak sutakka aliem anoi aning ha marui ngei na hom juija tai sari shukkae.

⁹Hana baktol ngei ha apa lasing inly ae chuna manita hla so weh.

¹⁰Apha hana makka Jisu na marui ngei hitta kung sunga lutweta Dalmanutha ramtienga thingso.

¹¹Pharisi ahre ngeina phao weta Jisu kolla wa weta rou vuk thou so weh mani na amota mant num ae chunga angai mee akha ae ta dang ranga mamta muh oh ta rillea.

¹²Arengpu na alung thukka halla surpi holla manita rilleh atun takka nangei na anealah jong hi eje rang meh? Routakka nangei kolla keina rilnum minge rou ram chu atun tak chu nangei na anealah pe ang nonge.

¹³Hana arengpu na houphur weta kung chung weta tuipi ralhatienga lalla thingso ae.

¹⁴Arui ngei ha budol choi ang makhappa budol akha chak manikolla am meh, kung sung hana.

¹⁵“Thei singa am mo” Jisu na manit hin nea Pharisi ngei achol akha chu Herod hina achol ha hrabakta singthei ah an no.

¹⁶Arui ngei kar sunga akha lea akha mani thei chakka halhlakka, na rou ril hi ani na budol choi no sarukka range.

¹⁷Chuna Jisu na mani halhlak rou ha dangpha ah mani ta rillea ejerang budol am no sarukka lung olla chau? Atun phao sunga nangei na rino dangthei no song chau? nangei lung eja hirra chau?

¹⁸Nangei mit am ma, am ma rine no chau, hana nangei kur am am ma thei no chau? hana nangei na angei thei no chau?

¹⁹Keina budol ranga ta mee lasing ranga ta kabakpi nangei na aliem hakom tai eja hom sa? mani na sange, “Asom ani.”

²⁰Hana keina lasing inly taranga budol sari kasampi na, tai eja limma nangei na hom ma chau? “mani na sange, tai sari.”

²¹Arengpu na manita rilleh, “Atun phao sunga nangei na dangno song chau?”

²²Bethsaida ah mani phao juija hana malmashi ngeina Jisu kolla mitcho apa ta tham pi ranga mokkae.

²³Jisu na mitchopa kut choi weta husung hai thou wa ruija thingso. Hana Jisu na apa hina amit ta chil shak weta machunga makut shi weta hita rilleh Jisu na, “Ejongpa akha ripha che?”

²⁴Amona Chungtienga anweta rilleh, “Malmashi ngeita keina ri pha inge; chuti weta mani ha thingkungei hekta linga am meh.”

²⁵Woiha pakom Jisu na apa hana mitta akut shi ae atun pa chu mamit ha eheilimpa hrabak ta rine so ae.

²⁶Jisu na ma inn lam ma hla weta rourilleh, “Husunga lut no oh.”

²⁷Jisu na arui ngei hitta Kaisaria Philipi ram tienga mani thieng juija lampi ah mani kolla Jisu na sai, “Mee ngei na keita atu ae ta ril meh?”

²⁸Mani na sange, “Ahre na chu Johon Baptias; adang na ril chu Elija; hana rouphupa ae ta kom rilhlakkae.”

²⁹“Jisuna mani ta rillea “Nangei na chu keita atu ata rilla chau?” Pitar na sange, “Khrista ha nang ae.”

³⁰Jisu na marou sarukka atu kolla ril no ranga mani ta rou akal rilleh.

³¹Amona manita chupi takpi thouso, “Meesanao paha aol dong ang ehekta am meh, ulien changei na julla hla ange, thiempu ngeina, akha chu rouphun chupi takpi ngei nakom hana arengpu ta that weta rungnie inthum sunie ah woiha lea ah ringthou ange.”

³²Amo na nahi manita thienga rilpi sho ae, hana pa chu Pitar amota lam panga kai ah thing weta ranga rillea.

³³Chuti weta Jisuna marui ngei ta nutienga haileh weta Pitar ta trongshi ah rilleh, “Kanungtieng lea oh, saitan!” amona rilleh, “Nangna Chungthieng nahal ha Chungthieng kol hai thou no weh, chuti weta mee ning hai thou sha ae.”

³⁴Hana Jisuna arui ngei lea wairol rija hitta kokweta rilleh, “Ejonga atu jongpana kanutieng jui num lea chu matak na matakta ngai num no su oh, hana ma khross ha chuti weta kanutieng jui su oh.

³⁵Rouram chu ringchang sanpi pha num atu jongpa na hata mang ange, chuti weta atu jongpa maring changta ahra rou taranga mangpi lea chu mamuihla sanpi pha ange.

³⁶Mee akha na simlei lim chang weta mamuihla chu sanpi pha no lea, e-chu mataranga ahra meh?

³⁷Anoleh mee akhana mamuihla ha sil hlak ranga e-chu pe jou meh?

³⁸Atu jongpa na kataranga ajak tukleh chu hana meenamei ta lalthinga atunpa pok hina pak na dolla karou hina sarukka keita ajak peleh chu keina athieng wanrui ngei hitta kapa hina ahung ajai hitta jungjuija amo kom ajak tukkange.”