Read Chothe Naga LUK 15 Bible Online

LUK 15 - Chothe Naga bible

LUK 15

¹Nahani akha ah khasana hrai ngei lea, phaija ta ngei na Jisu rou ngei ranga phao.

²Pharisis ngei lea roukung ocha ngeina lung ollang thou so. “Na spa hina manijong phaija ta ngei ta riem ma ok chak no wa bakkom bakha ae!”

³Chuna pa chu Jisu na manita panteem hi pe.

⁴“Ejonga kelmo riha sunga akha na mang juija amo na alota ae sa? Amo na shachik ahra am na amunt na somku-ku ta shi phur weta amang kelmo ha matuk malim ma jonga rolleh.

⁵Amona matukjuija ariemma maling chumma shi weta.

⁶Ma inn na lea ah ruija hange chuna amona atonpi ngei akha inn ning tungtieng eja ta kokka bomtalpi ah manita ril, ‘Keina leima ariem minge roulamchu amangsha kelmo ha tuk singe chuna reen amange!’

⁷Na chu hekta keina ril inge som-ku-aku malmashi ngei lung lhong darkar am no hal pakchel akhana lung lhong jui wanram ah eya ah riem mang meh.

⁸“Anoleh ejonga nameinu akha na rupa makhai asom sunga akha mangjuija namei nu na alo ta ae sha? Nameinu na sermei warpi weta ma inn sunga eheilim pa hrabakta amona atuk ma lim ma jonge.

⁹Nameinu na matukjuija amona atonpi inn-ning kolla am eja ta bom tul pi weta manita ril, ‘Keina leima ariem singe roulam chu kasum amang paisa ha tuksinge chuna ani lim na riem ha ei oh!’

¹⁰Hihekta munt ha ah, keina nangeita rilla aminge Chungthieng wanrui ngei na pakchel akha na shilung hlongjuija leima ariem mange.”

¹¹Jisu na hata rilla am mah, “Apha akha ah spa akha hina sanao ani am meh.

¹²Naopongpa na makolla ril, ‘Apa oh kachangphung shuk makhai ha atun keita pejo,’ chunapa chu spa hana asanao rel anita ajai hui weta sam so.

¹³Apha atan te waitakka chu asanao naopongpa na masaruk makhai hi jurveta apha sum ha choiveta inn houphurra thingso. Amo na aram alah amunt akha ah masum makhai ha ariem salla lokchokta ringthing so.

¹⁴Amona ma am makhai limpa thangsu takka hana ram ma ati pi makhai butang jutang akha shukso. Hana chu makolla ephao am ni jo ve.

¹⁵Chunapa chu amo na naram sunga am mee akha kolla thing weta napa Innkul sunga wok selranga hata hlaso.

¹⁶Amona awon taranga mahal juija vok bakna rak phao baknum pokkae chuti phao sunga atu akha na amota bakrang inn rang pe mee am no ae.

¹⁷Achana ah chu amona hita halpha ah ril, ‘Kapa kor ngei lim na phao hita hella bakka am meh hina keina wanram ma waipha tukka am minga!

¹⁸Keina thou wa thing ing weta kapa ta hita rillange, keina apa nakolla akha chu Chungthieng kolla pak tullu lu sange.

¹⁹Kei hi nasanao ae ta kokka matik cha ni ange keita kom nasuuk ngei akha hekta hallo.’

²⁰Chuna pa chu amona ngir thou weta mapa am na ah lea rang thou so. “Inn hai thou wa mapa na amo aram alah hai thou wa ri so; malungsunga leima ringrei ngei ah mapa na tanna waveta aban tieng shukka asanaopa ta abeng chuppa kol so.

²¹Asanao pana ril, ‘Apa’, ‘keina Chungthieng akha chu apa nakolla pak tullu lu sange kei hi nasanao akha ae ta kok matik cha ni ange.’

²²Chuti weta mapa na chu akor ngei ta harra kokka ril! ‘Hra tekti pun akha machunga sengpi oh, makutta kom kutjabik akha chu akae ah hanghup happi oh.

²³Hana anal shilsanao jonga thatto hana ani na ariem ma reen ae weta bakha inn ha ange!

²⁴Roulamchu athi sa kasanaopa ha awoni chu amoha ring thou so; Amo ha amangsa so ae chuti weta awomni chu keina tuksinge.’ Hanapa chu manina bakka riem thou so.

²⁵“Hana lei apha sunga masanaopa ulientekpa chu loupokka am songe Inn tienga lampi ah maleh juija inn neija mawok juija hung rasam tolla lamma nuija am tara theiso.

²⁶Chunapa chu amo na kor akha kokveta makolla sai, ‘Eje hlakka am ma meh?’

²⁷Kor hana sangso, ‘Nanaopa ha lea so ae inn na ephao aol ana am no wa chuna sarukka napa na ariem hie sulla anol silsanao akha that ta ae.’

²⁸Mata pa na hana sarukka alung leima sha ah inn na luttang nonge; hanapa chu mapana shukka inn na lut rang hlem so.

²⁹Mapa ta amo na ril, ‘Anno, kum chuppa keina kor hekta tullu lu ah aminge keina naril natrong juino ti kom am nonge, nangna keita echu pe jou che? Katonpi ngei hitta kabakha rang kel akha te phao pe no che!

³⁰Chuti weta nasanao pa na nanei nadon limpa ariem salla vokno namei ngei hitta hou thinga inn na maleh juija nang na anol kel mataranga that pi ae!’

³¹Mapa na sange, ‘Kasanao, nang chu apha chang honna kei hitta am ha ae hana eheilimpa hi nataranga chakkae.

³²Chuna ani na riemma reen ae anga sa ae roulam chu nanao ha athi sa ha awoni chu amohi ringso ae; Amo hi mangphur halkom atun chu tuksinge.’ ”