Read Chothe Naga LUK 3 Bible Online

LUK 3 - Chothe Naga bible

LUK 3

¹Tiberius kaisar na palla hang kum asom ranga ah, Judea ram sunga Pontius Pilate na Governor changa akha chu Herod na Galilee ah pallei, hana anaopa Phelip na Iturea akha chu Trakonitis ah palle, Lysanias na Abilene na pal ae.

²Hana Annas lea Kaijapha chungtekti thiempu changa amleiya ramrukka Zekariah sanaopa Johon kolla Chungthieng rou tungso.

³Chuna Jordan turiella am ram lim pa ah Johon na thinga rouril, “Pak hai thou wa Chungthieng am na lea jo oh hana baptias ae oh, napaklim silpi ange.”

⁴Rouphupa Thiempu Isaiah na abai sunga jiekka shi so ae: “Ramrukka atu mo akha na rol shukka au ae: ‘rengpa lam satto; malam ha hrabakta dokpi oh mathing rang!

⁵Lam kutta am makhai alei thullo, hana mullon makhai tana tan weta mana pi oh. Chuna lampi akai am no lutta hra pi oh.

⁶Malmashi ringchang limpa na Chungthieng aring kaetlo ri ange!’ ”

⁷Wairul riha na Johon am na baptias lak ranga phao ae. Johon na manita ril, “Arul sanao ngei.” Chungthieng na lungshat hi nangei kolla atu na hlik nea ange ta ril sha?

⁸Lung hlonga ara ra oh, hana nangei thei chakka nangei rilhlak Abraham hi kani pa ae ti ha chan jou oh, roulam chu kei na nangei kolla ril num inge Chungthieng na, alung ngei ta Abraham sanao ngei changpi nea ae.

⁹Thingkung atro ah tan ranga arei thourang ae so ae. Thei ara ra no thingkung makhai ta tan weta sarmai ah deng ange.”

¹⁰Malmashi ngei na amo ta sai, “Chuleh chu kani na ejongpa tullu lu ang sha?”

¹¹Amo na sang, “Atuyongpa na linglut ani am lea chu atuyong am no akha ta pe shu oh akha chu bu am mee kom bakha su oh.”

¹²Khasana hrai ahre kom baptias ae rang phao weta manina amota sai, “Ocha kani na e aeta meh?”

¹³Manita amo na ril, “Nangei na hrai phung shuk ta lella hrai no oh.”

¹⁴Ralmee ngei nakom amo ta sai, “Kani chu? eyongpa tullu lu ang sha?” Amo na mani ta ril, “Atuyongei kolla yairaat ah sum lah no oh hana atu yong akha ta kom dieklao aral pe no oh nadon hana ahop chango.”

¹⁵Malmashi ngei na lungranga thouso hana manina ngakthouso. Johon hi Messaiah ah ange ta.

¹⁶Chuna Johon na mani ta ril, “Kei na nangeita tui sunga baptias ae pi singe chuti weta keita lella loktek ti akha phao ange, kei chu makae bur rui phao hla rang kane am no ae. Amo na nangei ta muihla athieng akha chu sarmei ah baptias ae pi ange.

¹⁷Arengpu loupokka sang reina amunt lokka semma shi ae sangha arengpu na masrra bom mange Arengpu balei makutta am mehi chuna sangshi makhaita atreem nei lao sermei kumma deng ange.”

¹⁸Akha chu Johon na adang, adang riemma dom na rou rilla mani ta ahra routhar rilpi ae.

¹⁹Chuti weta Johon na Herod kolla manaopa namei Herodias sarukka akha chu adang hrano matullu taranga tronghsi ril.

²⁰Herod na eheilim chunga hikom hap then so, ti chu Johon ta kom hajok sunga shi so.

²¹Malmashi lim na baptias ae su nutienga Jisu kom baptias ae so. Chuna amona prathana ma ae leiya thangwan hongso.

²²Hana muihla athieng na machunga wurhruh pum hekta chungso, wanram tieng hai thou sanrol akha ma yunga, “Nang hi kalungshit kasanao ae, nakolla keina leima pelsinge.”

²³Jisu na tun hlou ae thou makum hi somthum ulien so. Amo hi Josep sanao ae Josep na Heli sanao ae.

²⁴Matthat sanaopa, Levi sanaopa, Melki sanaopa Jannai sanaopa, Josep sanaopa.

²⁵Mattathias sanaopa Amos sanaopa, Nahum sanaopa Esli sanaopa Naggai sanaopa.

²⁶Maath sanaopa, Mattathias sanaopa Semein sanaopa, Josech sanaopa, Joda sanaopa.

²⁷Joanan sanaopa, Rhesa sanaopa, Zerubbabel sanaopa, Shealtiel sanaopa. Neri sanaopa,

²⁸Melki sanaopa, Addi sanaopa Kosam sanaopa Elmadam sanaopa, Er sanaopa.

²⁹Joshua sanaopa, Eliezer sanaopa. Jorim sanaopa Matthat sanaopa Levi sanaopa.

³⁰Simion sanaopa, Judah sanaopa, Josep sanaopa Jonam sanaopa. Eliakim sanaopa.

³¹Melea sanaopa, Menna sanaopa, Mattatha sanaopa, Nathan sanaopa, David sanaopa.

³²Jesse sanaopa, Obed sanaopa, Boaz sanaopa, Salmon sanaopa, Nahshon sanaopa.

³³Amminadab sanaopa, Ram sanaopa, Hezron sanaopa, Perez sanaopa, Judah sanaopa.

³⁴Jacob sanaopa Isaac sanaopa Abraham sanaopa Terah sanaopa Nahor sanaopa,

³⁵Serug sanaopa, Reu sanaopa, Peleg sanaopa, Eber sanaopa. Shelah sanaopa,

³⁶Kainan sanaopa Arphaxad sanaopa, Shem sanaopa. Noah sanaopa, Lamech sanaopa.

³⁷Methuselah sanaopa Enoch sanaopa, Jared sanaopa, Mahalalel sanaopa, Kenan sanaopa,

³⁸Enosh sanaopa, seth sanaopa, Adam sanaopa Chungthieng sanaopa.