Read Chothe Naga JOHON 16 Bible Online

JOHON 16 - Chothe Naga bible

JOHON 16

¹Keina nangoiring chan noranga nahi nakolla rillinge.

²Nangeita Synagog sungthou yullange, Nangeita thatweta manina Chungthiengta adom tullu lu angeta hallang apha wa ange.

³Meengeina nalimhi nangei chunga ae-ange roulam chu manina Kapa tako akha chu kei tako dangno ae.

⁴Chutiweta nangei kolla hi rou karil chu, manina hi ngei limhi ae wakjui apha ah nangeina karillim leya ngaileh rang nangeita rilphur inge. “Keina hilim ngei hi athou leiya nangeita ril phur nonge roulam chu nangei hita amha jarrah.

⁵Chutiweta atun chu keita hlapa makolla thingang singe, chuphao sung nangei atu akha nako keita kathing rang hoiya mo aeta saino chou ae.

⁶Hana atun chu keina nangeita rilsinge, nangei shilung olna sih so chou ae.

⁷Chutiweta keina adieka nangeita rillinge: Kei kathing hi nangei ninga chu lella hrateke, roulam chu keina thingnole nangaita, sanpi rang muihla ha yungang no weh. Chutiweta keina thing souchu, keina amota nangei kolla hla ange.

⁸Hana amona ma yung jui ah, amona aleiram ma am meelim ngeita pak lamma diekno akha chu, Chungthiengna routimna malama dangpi ange.

⁹Pak jarrah manina diekno ae, roulam chu manina keita ngoireing no ae.

¹⁰Adiek tihi iya meh ti roulam mani diekno ae, roulam chu kei kapa kolla thingange hana nangeina keita ripha angniyo chou ae;

¹¹Akhachu routreem roulamma mani diekno ae, roulam chu aleiram hina alu chingeita routreem ha ae su so ae.

¹²“Keina nangeita karillang atam amme, nangei kolla tam hei sulla ronne angno chou ae.

¹³Chutihalko eyonga, muilha hana yungjui ah, Chungthieng roulam ma adiekha muhpi ange, amona adiek lima lamkai piang. amona mathei marat hana tong ril langno ae, chuti weta amona mathei anu juiya rillange, hana anuting shuk kang ko rillange.

¹⁴Amona keita mahung pe ange, roulam chu amona karillim laweta nangei kolla rillange.

¹⁵Kapa kolla amlimha kata ae; chuna sarukka keina karil kapek lim muihlana laweta nangei kolla rillange.

¹⁶“Apha atite sunga nangeina keita ripha angnochou weh, hana leya apha atante nutinga keita risirrang chao weh.”

¹⁷Arui ahre na mani sunga saihlakke, Amota apha atante sunga anina rihlakangno ae; hanapa woiha apha atante anutinga anina rihlakange, “ti hi ita rilna meh?” Hitako amona rilsir-ae, ‘hina roulam chu keina kapa kolla thing ang inge.’

¹⁸Na ‘apha atante’ tihi ita rilname? amona eril nameh tihi anina dangpha no ae.

¹⁹Mani sainumha Jisuna dangpha a manita rille, “Keina karil apha atante sunga nangeina keita rihlakangno ae, hana apha atante nutinga nangeina keita ri-ange, hino meh nangai sunga sailhaka amha?

²⁰Keina nangeita adiektaka rillinge, nangeina aowa tap ang chou ae, chuti weta simleiram ngei na ariem ange; nangei olang chouwe, chuti weta nangnei olha ariem tinga letpi ange.

²¹Namei ngaina nao donangtinga, amoha olle, roulamchu ma-oldongang apha pahsowe; chuti weta unga hana donsujui chu, amona ma ollim ha maksowe, roulamchu amo arimso weh, tichu unga akha simleirama donsowe.

²²Chuna nangei kollako hihekta ti-ange; atun nangei olle, hatihalko kei woiha leya nangei itta rihlaksir-ange, hana nangei shilungha ariemna si-ange, hana ariem ha atuna ko nangei kol heithouwa la-a houne angno ae.

²³“Rukniha phaojuiya, nangeina kaninga sai angni yo chou ae. Keina adiekka rillinge: Kapa kolla nangeina kaminga niek lim pe-ange.

²⁴Atun phao sunga nangeina kaming iko phao nie no song chou ae, nie jou oh hana nangeina roulam chu nangei ariem ha pharanga pha-angchou ae.

²⁵“Roulamlim hi keina panteem changa nangeita rillinge, chuti weta panteem changa rilnolutta singsengta kapa roulam nangeita karillang aphaha wasowe.

²⁶Rungni ha phajui ah nangeina kaminga nie angchou ae; keina nangei tarang makolla nie angeta rilla nonge.

²⁷Roulam chu Mapa amomakna nangeita lungsi ae, amona nangeita lungsi roulam chu nangeina lungshit jarrah keihi kapa kolla thou yunge ti hi nangeina ngoiringchou ae.

²⁸Kei kapa kol heithouwa simleiram chunga yunginge; hana atun chu keina simleiram hlahouwa kapa kolla thing ange.”

²⁹Hanapachu aruingeina amota rille, “Atun chu nangna panteem ah nolutta singsengta rilpi so che ae.

³⁰Rengna ripta dange tihi kanina dangpha songe; chuna atu akha nako nakolla shai ang eko atunchu amno ae. Hina sarukka Rengchu Mapa kol heithouwa yunge ti hi ngoiring unge.”

³¹Jisuna manita sange, “Atunchu nangei ngoiring jo chou meh?

³²Anno aphaha wa ange, atunhi ah so ae, Nangeilim chokka, ma inn ma inn na thinga, katheichak houphur angchou ae. Chutihalko kei katheichak ah angno ae, roulam chu Kapa ha kei itta ameh.

³³Kei itta amhaweta nangeina adai pharang keina roulim hi nangeita rilphur inge. Simleiram na nangeita aol pe ange chutihalko rattou oh! Keina simleiram ha nesinge!”