Read Chothe Naga RUIHNGEI TULLU 14 Bible Online

RUIHNGEI TULLU 14 - Chothe Naga bible

RUIHNGEI TULLU 14

¹Ikonium ma kom hahekta chap mana ah: Pol lea Barnabas Synagoge ko thingweta rourilla jat adang ngei lea Jihudi leima tam na ngoiring ae.

²Chutiweta rouril num no Jihudi ngei na jat adang ngei am na thing nga manuita anda rang hrano sem so.

³Ahalsa rui na apha shotta amunt hana am weta arengpu hina rouram ma ati am no lutta rourilla manina angak pi tullu lu lim hi mani chung nga lungshi lea adiek jaitha pe weta ae ung nge ta rouril.

⁴Hupi hana am mee ngei ha ani shukka hran so, akha na Jihudi ngei mee hana akhana ahalsha rui ngei mee.

⁵Hana pa chu jat adang ngei lea Jihudi ngei na mani lamkai ngei hitta ahalsha rui ta alung deng rang nga shilung akha chak ngir so.

⁶Mani tullu hi ahalsha rui na dangpha juija mani na Lystra, Lyeaonia ah Darbe akha chu ahulla am hupi tieng nga thing so.

⁷Amunt hana mani na ahra trongsan rouril lea.

⁸Lystra ramma manu don hai thou kal choi nea no kaetlik spa akha am meh.

⁹Amo na Pol rourilla am tullu lim hi ngei ah am ma, Pol na amo ta ri ah ngoiring ae, amo hi dam mang nge chuna pa chu Pol na amo ta mun na an so.

¹⁰Hana sanrol wang nga ril, “Nakae munt hai thou wa ngirthou oh!” hana spa na chom ma thou weta kalchoi ah rol so.

¹¹Pol na lu tullu hi wairu riha na rijui ja mani trong lycaonian ah sanrol wang nga au wa ril. “Hlawang na mee mel malla ani am na jungso!”

¹²Mani na Barnabas ming hi Zeus hana Pol ta na Hermes ta kokkae rouram chu amo na hella rouril sha rukka.

¹³Zeus hlawang thiempu hulok nikolla am ma leisang am na ah shielchalpa bakha chu rei riem hoi eja hi ahalsha rui kolla kat ranga choija phao.

¹⁴Barnabas lea Pol na, mani na hajong tullu lu ang ae am so ae theipha chu, manui linglut ther weta wairul riha kar shung hina tanna shukka trong rang nga ril.

¹⁵“Nahi eye rang nga ae hlakka am ma chou? Kanui hi nangei hekti malmashi sha ae! Hina kanui am hi chu thangwan shimlei akha chu tuipi lim sempa aring Chungthieng kolla ekom amlou nalal hai thou wa namai hai ah lea rang ahra trongsan sam rang nga am ma song nge.

¹⁶Anu tienga chu amo na mani inn lam ma lea rang rou ril so.

¹⁷Anno amo chu apha chang honna matullu ahra hana ani mitta ri pi ae. Amo na Thangwan hai thou ru shurpi ah apha cha ah nangei muchi balna lukchou ae; Amo na bu pe ah nangei wan hop pi ah ariem tul shuk pi ae.”

¹⁸Hijong rou ril phao wa ahalsha rui na mani na manui ta kattang ae am tullu lim ha chan pi nea no ae.

¹⁹Ikonium lea Pisidiya ah Jihudi ngei na Antiok thou phao wa; mani na nea ah meelimta adang adanga am pi, Pol ta alung denga hulok hai thou wa mani na thi so ae ta halla hou sho.

²⁰Chutiweta ngoiring ngei na amota hulla amlei shung nga ngir thou weta woiha pa hulok tieng nga lea so. Hana hu warra chu amo lea Barnabas na Derbe tieng nga thingso.

²¹Pol lea Barnabas na Derbe ah ahra trongsan samma muihla leima hom meh. Hana Lystra ah lea weta hana Iconium hana Pisidiya Antiok ka.

²²Manui na ngoiring sha ngei ta thanum thathou pi ah adiek ngoiring hana ling no wa am rang nga ril, manui chu pi chu, “Chungthieng rengram lut rang nga ani na aol ana eja lalla thing nga ta ae.”

²³Abom changhan na manui na lamkai ang mee halla hou phur ra, bu hai ah nie ah am rang akha chu arengpu kolla mani ngoiring chetta am rang trongsan pe phur ae.

²⁴Pisidiya ram lim ma thing shu waitakka Pamphiliya ah phao so.

²⁵Hana Perga ah rourilla shu ah Attaliya tieng nga thingso.

²⁶Hana hai thou wa Antioch ram ma manui na kung thou wa lea so. Amunt ha chu manui na Chungthieng jaihra hana ngan hrabakta ae rang nga trongsan pek phur ha mani na atun chu shu so weh.

²⁷Mani na Antiok ram tung juija meelim ta rachun pi ah Chungthieng na manui ta alo tullu lu pi mo ti na mani ta ril, akha chu Chungthieng na alota jat adang ngei ngoiring rang nga lampi pe pi mo tina kom ril ae.

²⁸Hana manui na ngoiring ngei hit amunt ha na ashotta am ha ae.