Read Chothe Naga RUIHNGEI TULLU 20 Bible Online

RUIHNGEI TULLU 20 - Chothe Naga bible

RUIHNGEI TULLU 20

¹Aou hlakka am ha dai juija chu Pol na ngoiring lim ta kokka bomtul pi ah thanum thathou pi ah mani kol hai thou wa thing so.

²Amo na ram hatieng nga thing nga mee ngei kolla rou rilla thanum thathou pi phur ah. Amo na Akaiya ah thing so.

³Amunt hana hlathum am ma, Jihudi ngei na amo ta aru han ta mant rang sem sha dang pa chu Syria lalla thing weta Mesedoniya ah lea ang sang nge ta alung ngir so ae.

⁴Berea ah Pyrrhus sanao Sopater kom amo hitta thing ha ae; hana Thesolonikiya ah Aristarchus lea Secundus, Derbe ah Gaius, hana Asia ram shung nga Tychicus lea Traphimus akha chu Timothi.

⁵Mani na masha ah thing hak weta Troas ram ma kani ta hakka am meh.

⁶Kani na chol tol no badol reen shu weta Philipi hai thou wa kung nga phao ung nge. Hana rungnie ranga takka Troas ram tuk hlakka amunt hana hapta jong pa am phur ung nge.

⁷Thangsha nitakka kani lim pa bomtul ha ah bu bakha unge. Hana Pol na mani ta yanyai phao rourilla am meh, rouram chu amo hi atuk huwarra chu thing ang ti pa chu.

⁸Hana kani am na chungtieng ka shung nga sarmei atam hlanna ong ung nge amunt hana ae kani bomtul na ha.

⁹Eutychus ti rungthar sanao akha na innharte ah unga am meh, hana Pol na hata rourilla am ma amo hi leima inn num ma mui shukka thinga atreem na chu amo hi hra bakta enn so ae. Hana inthum shu na pa akang hai thou wa amo na alei chung phao matulla chu, kani na sar junga chu amo hi thi so ae.

¹⁰Hana Pol na kom tum ma jung weta amota aban na kolla shi weta ril, “Nangei na ol no oh,” “Amo hi ring song nge!”

¹¹Hana amo na innkang chunga kalla budol samma bakso. Apha sotta amo na mani kolla rourilla semni shuk phao trenga Pol na tah manita hou phurra thing so ae.

¹²Mani na rungthar sanao hata ma inn na aringa rui ah thinga mani lim ha ariem tul shukkae.

¹³Kani na maitienga hata kung thou wa thinga Assos pha ah. Amunt hana kani na Pol ta tung pi num ma ae. Na hi amo na kanita rilla hou ae rouram chu hana thou wa chu amo hi akae ah thing ang so weh.

¹⁴Kani na Assos ah amo ta tukhlak juija kani na amota rui ah Mitylene tieng nga thing so.

¹⁵Kani na hata kung thou wa Khios ramma mathangpa rungnie ah tung so ae. Hana rungnie waitakka chu Samos lalla thinga Miletus ram tung so ae.

¹⁶Pol na alung ngir sho weh ha chu Ephesiya hi lal ah theng rang. Asia ram shung hina apha hi mang nu no ah. Rouram chu Amo hi ngeilea chu Penticost ni ah Jerushalem ma tung nun jarra.

¹⁷Miletus hai thou wa Pol na Ephesiya ulien changei ta amo hitta tukhlak rang nga rou rilla hla ae.

¹⁸Mani na tung jui ja amo na manita ril, “Nangei na dang ange, Asia ram shunga ahalpa rungnie katung hai thou wa keina alo ta nangei hitta am ha mo ti ha.

¹⁹Arengpu hina kor akha chang nga Jihudi ngei na keita hrano eja shilla waklei ah keina alota mittui tulla mani thui donga ka-ngam ae mo.

²⁰Nangei na dang ange keina ephao wa atal am no lutta nangei kolla rourillinge, hana inn, inn changhon na akha chu mee abom, abom am na oh, chupi takpi inge nangei ta hella san rang nga.

²¹Keina Jihudi akha chu jat adang ngei ta kom riemtuk hit munt ha ah pak ngan hai thou wa lea weta Chungthieng akha chu Rang Jisu ta ngoiring ranga rourillinge.

²²Chuna atun chu muihla athieng na ril nu juija kei na ejongpa shukkang mo dang no hal Jerushalem ma thing ang singe.

²³Keina kadang akha te chak chu am meh, ha chu hupi changhon na Muihla athieng na kuita dangpi ae raen inn shung nga am ti lea aol ana hina keita hakka am meh.

²⁴Chutihal kom karing chang tarang nga chu keina ephao wa hal nange, ejonga Arengpu Jisu no keita pek hlou hi chak shu lea chu nu ta hallinge na hlao ha chu Chungthieng hina lungshit ahra trongsan ha meelimta dangpi ha ae.

²⁵Kei na nangei lim am na thing shu sange, Chungthieng rengram rourilla. Chuna atun chu nangei atu akha na woiha lea ah keita ri pha ang ni jo chau ae.

²⁶Chuna ehekta ahoi awoni rungnie hina nangei kolla thieng nga dangpi inge. ejong atu jong akha na mang lea chu, na ha kasharuk ni jo weh.

²⁷Rouram chu kei na Chungtheing marouril rang hi katalna ephao am nonge.

²⁸Chuna nangei takna takta hrabak ta an na am mo, hana muihla athieng na nangei sanao ngei hi Chungtheing na mathi makka leisha sanao ngei ta hakka rung-ngo kelmopu hekta.

²⁹Kei na dang inge, nangei ta kahou phur takka hrano na ramui changa mangei am na phao hulkom amo na nangei abom ta ru wa thing nea ang no ae.

³⁰Nangei shunga apha akha ah chu amur thui ja ngoiring ngei ta adang nga rui ah thing ang apha phao ang nge.

³¹Chuna mak no oh de soun jan nei no wa kumthum kamittui atam tulla nangei ta kachupi katakpi ha.

³²“Atun chu keina nangei ta trongsan hi Chungtheing na lungshit akha chu marouril jaihra hana jarra nangei na ratta hang nea ang nge rouram chu mamee limta amo na jaihra pi ae.

³³Keina sona rupa akha chu meepun meeni atu akha ta phao di nong nge.

³⁴Nangei tak na dang ang nge keina katarang nga akha chu katonpi ngei tarang nga tullu ka ae ha.

³⁵Keina nangei ta ripta dangpi ah ri pi sang nge ha chu tullu rakta ae weta aol ana asul eja ta san thei oh ta arengpu Jisu makna ril ha, “Apha ngei hitta ape ngei na hella jaihra ae.”

³⁶Pol na nalim ril shu takka ahuk hrun weta mani hitta nie so.

³⁷Mani lim na amo ta kolla abe chuppa tappa thing jou de bye.

³⁸Mani na hella olna chu nangei na woiha lea ah kei ta ripha ang no che ae ril ha ae. Hana mani na amo hitta kung am na phao thing ha so ae.