Read Chothe Naga RUIHNGEI TULLU 25 Bible Online

RUIHNGEI TULLU 25 - Chothe Naga bible

RUIHNGEI TULLU 25

¹Festus na Rom hana matung waitak rungnie nathum ma Kaisariya hai thou Jerushalem ma thingso.

²Amunt hana chungtekti thiempu lea Jihudi Ulien changei na Pol ta maral am meh ta mani na Festus kolla kalla rillea.

³Mani na Festus kolla Pol hi Jerushalem ma hlonga wak rang nga hlem meh, rouram chu mani na lam pi oh Pol ta that rang nga hakka am meh.

⁴Festus na sange, “Pol hi Kaisariya Raen-inn shunga shi phur ah kei katak makkom hana harra lea ange.

⁵Chuna nangei ulien changei ha kei hitta Kaisariya ah thing ha ei oh chuna ejonga spa hana ejong aral tullu lea chu maral pe wa oh.”

⁶Festus na rungnie narit ano lea nasom phao hana mani hitta am pa weta Kaisariya ah thing ha so. Hana mathangpa rungnie ah amona phomlu wa ong weta Pol ta routreem rang ruishanga rui ah shukpi so.

⁷Pol na tung juija Jerushalem hai thou phao mani na ahul tunga ngirra angir am lou rou eja kalla mani na ril.

⁸Chutiweta Pol na ril: “Keina Jihudi ngei roukung ta ephao aral ka ae na am no ae, hana mokna inn ta kom hana Rom ma ane angam ngei ta kom.”

⁹Chutiweta Festus na Jihudi ngei lungshit pha rang sha rukka Pol kolla rou sai. “Nang na Jerushalem ma thing weta mani na nang ta pek maral lim hina taranga hana ka mai kunga ngir nea ang cha meh?”

¹⁰Pol na ril, “Kei katak makhi Rengpa mai kunga routreem rang ngirra am minge, kei na ejongpa aral tullu lu so ae ta amunt hana rui ah thing anga che, nang natak mak na hrabak ta nadang sa so ae.

¹¹Ejonga kei na roukung hata aral tullu lu lea chu kei hi athi dandi pha halkom ngei inge, hana taranga keina keita sanpi rang rillang nonge. Chutiweta ejonga mani na keita pek maral hi adiek anolea chu, atu akha na kei hita mani kolla pe pi no oh ta rengpa kolla roudoh ah aminge.”

¹²Festus na hloukal ngei hitta waishi takka ril, “Nangna Rengpa kolla roudoh shou chu nangna Rengpa kolla thing you oh.”

¹³Apha atante nutienga reng Agripa lea Bernice na Kaisariya ah Festus ta ariemtuk pek ranga thing.

¹⁴Mani na rungnie eja am ha waitakka Festus na Pol hina rouram ma reng maikunga sui so. “Felix na raen-inn shunga houphur spa akha am meh;

¹⁵chuna keina Jerushalem ma kathing juija Jihudi ngei chungtekti thiempu ngei lea ulien changei na maral hi leima rilla amota dandi pek rang kakolla rillea.

¹⁶Chutiweta mani ta keina rilla hou inge, kani Rom chu maral am mee hi mamaral am meh ta ril ngei maikunga matak na marou ril malim ma chu maral non ngei kolla pe ti chu ae ah hang no ae.

¹⁷Chuna mani na hina phao juija kom mathangpa ah keina phomlu chunga onga spa hatta ruishanga rui lut ranga rou pe inge.

¹⁸Hana maral pe ah am ngei ngir thou jui ja chu, mani na amo ta maral hrano pe nea no weh, kahal ka am ha.

¹⁹Mani lim na amo lita roukhet hlak ah mani dramo hana rouram ma, akha spa akha aming na Jisu athisa chuti weta Pol na chu ring so ae ta ril.

²⁰Keikom alo ta hi rouram lim hi tuk nea weta roungir ang meh ta am ma kei na Pol kolla sa inge, ejonga amona Jerushalem thing weta maral pekha dangpi numinge ta rillinge.

²¹Chutiweta Pol na roudoh chu; karou ram hi chu Rengpa na shu pi shu oh chuna kei ta hakka hatta shi pi oh. Chunapa chu keina amo hi Rengpa kolla kahla malim chu hakka am rang rou pe inge.”

²²Agripa na Festus kolla ril, “Kei katak makna makol hai thou wa thei num minge.” Festus na sang, “Atukka nangna marou ha ngei jou oh.”

²³Hana nani hu warra chu Agripa lea Bernice na ehekta ahoi ahra ajon ashak hit akha chu lupi hana loktekti shiphai ngei hitta tulbom na in na lutta. Festus na Pol kom rui ah lut rang rou pe so.

²⁴Festus na ril, “Rengpa Agripa akha chu amunt hina kani hitta am ha nangei lim ta, anno na spa hi Jihudi ngei ta anda ah amunt hina akha chu Jerushalemma rolla mee ngei na kakolla maral pek ya shi hi mani rilna chu amo hi ashotta ringpi shi ngei no ae.

²⁵Chutiweta keina chu amo hi athit phao wa dandi pek rang aral tullu chu makolla ephao tuk nonge. Hana amo na Rengpa kolla mathing rang rou nie sou chu, kei na amota Rengpa kolla hla ranga kalung ngir sange.

²⁶Chuti halkom kei na chu maral mak hrabak ta Rengpa kolla jiekka hla rang kom ephao tuknonge chuna tarang sharukka kei na nangei maikunga akha chu rengpa Agripa halla rui ah shukkinge. Hana nangei na rou sai nujui rou ahre tukna leng keikom jiekka hla rang rou pha ange ta hallinge.

²⁷Chuna kahalla chu maral ekom am no mee ta raen-inn shunga shi chu maram am no ae.