Read Chothe Naga RUIHNGEI TULLU 9 Bible Online

RUIHNGEI TULLU 9 - Chothe Naga bible

RUIHNGEI TULLU 9

¹Apha sung hina Saul na arengpu manu jui mee ngei ta anda ah that ta mant na ae ah. amona chungtekty thiempu am na thinge.

²Damaska ah am Synagog ka mani mel dang rang nga jieksha rou ha sai thinge. Hana ejonga amo na atujong spa hal kom snu halkom arengpu nu jui mee tuk hlak lea chu Jerushalem ma mant na rui ah lea ang nge ta hallea.

³Saul na Damaska hupi nei ah mawak juija edang dang hou no wa wanram tieng hai thou wa awar akha na amota hulla am so.

⁴Amo na alei chunga tu wa tulla ma am lei ah sanrol akha na makolla rouril theipha so. “Saul, Saul! keita eje rang wut ta am ma che?”

⁵Amo na sai, “Arengpu, atu cha meh nang chu?” Sanrol hana ril, “Kei hi nangna wutta na am Jisu ha inge.”

⁶Chuna thou wa hupi ah thing ngo, amunt hana nang na ejongpa ae ang mo ti ha rillang nge.

⁷Saul hitta thing ha spa ejong rou lam akha phao han no wa ngir so; mani na sanrol ha chu thei pha ae, chuti weta atu akha phao ri pha nea no ae.

⁸Saul na alei chung nga thou weta amit manga an jui ephao wa amo na ri ni jo ae chunapa chu mani na makut oh weta Damaska tieng nga rui ah thing so.

⁹Chuna amona rungnie nathum ti hi amit ri nea no ae, na lei apha shung nga amo na ephao bak inn no ae.

¹⁰Damaska ah khristian aming na Ananias ti akha am meh. machung nga arengpu na ripi ah rilpi akha am meh, “Ananias!” “Kei hina aminge, Arengpu” ta amo na sang.

¹¹Arengpu na makolla ril, “Thou weh ta lam jang nga thingo, hana Tarsus hai thou wa spa Saul ha Judas inn sunga sai oh, amo ha chu nie ah am meh.

¹²Hana amo na Ananias spa na phao weta machung nga makut shi pi weta amo na woiha lea ah amit ripha nea no ha ripha ange.”

¹³Ananias na sang, “Jerushalem ma namee ngeita spa hana ati pi tullu lu ah wutta rella ma ae na rou mee ngei ta keita rillea.”

¹⁴Chuna Damaska ah maphao hi chungtekti thiempu kol hai thou wa angai akha hitta phao ae naha chu nang ta mok atu mo tieng ngei ta mant rang nga.”

¹⁵Arengpu na makolla ril, “Thing ngo, rouram chu keina amo ta kom tullu lu rang nga hal sange, jaty adang ngei ta hana rengpa eja akha chu Israel kar sung nga ka ming dang pi ranga.

¹⁶Hana kei katak mak na makolla ri pi ange amo na kataranga eja aol pha ang meh ti ha.”

¹⁷Chunapa chu Ananias na Saul na am na inn hana thing weta machung nga akut shi pi so. “Uleanao Soul,” amo na ril, “Arengpu Jisu matak mak na keita na am na ah hla ae, Amo ha chu lampi hina na mak ka nangta ripi pa ha ae Amo na keita mahla na chu nang hi woiha lea ah mit ri ah muihla athieng hana shi hak ti ang nge.

¹⁸Hana Saul mit hai thou wa anga hlep hek ti akha tulla junga amit hrabakta ripha so, woihapa amona thou weta baptias ae so;

¹⁹Hana nutienga chu bu an bakka lea ah majaitha phao sier so. Hana Damaska ah rungnie ahre te Saul na ngoiring ngei hitta am ha ae.

²⁰Amo na Synagog ka apha hana makka thing weta Jisu Chungthieng sanao pa ae ta rouril thou so.

²¹Hana am marouril thei meelim na angak shukka hitta sai hlakkae, “Amo hino meh Jerushalem ma Jisu ta mok ngei ta that ta rol mee ha? Akha chu hina maphao hi mee ngeita mant weta chungtekti thiempu kolla rui ah lea rang nga no meh?”

²²Chutiweta Saul rouril hi mee ngei ta hella jaitha tol ae, Chuna sharukka Damaska shunga am Jihudi ngei na kom hrabakta bahap tah ae, Jisu hi sanpipa ae ta maril rou hi.

²³Hina rungnie nutieng nga chu Jihudi ngei na rachun hlak weta Saul ta that ranga hal hlak thou so.

²⁴Chutiweta mani na that rang rou ril hlakha Saul na thei pha ae chuna mani na hupi lut na songkarra soun lea jan nei no wa amota that ranga hakka am.

²⁵Chunapa chu naha ni jantieng akha ah manu tieng jui ngei na Soul ta hourei sunga hap weta hupi sharampal kuipi weta hla ae.

²⁶Jerushalem ma Saul na thinga arui ngei hek ti num meh, chuttiweta mani na amota amo kom rui ae ta ngoiring nea no ae, chuna mani na leima atri ae amota.

²⁷Hana Barnabas na phao weta amota ahalsa rui ngei am na ah rui ah thinga. Alo ta Saul na lampi ah arengpu ta ri mo akha chu arengpu na alota makolla rouril mo tina hi hrabak ta dangpi sho. Hana Damaska ah Jisu hina minga eja ah atri am no wa rouril mo kom ril.

²⁸Chuna pa chu Saul na mani hitta am ha weta Jerushalem lim ma Saul na thingweta arengpu maning nga atri am no lutta rouril rol.

²⁹Hana Grik trong Jihudi ngei ta kom amona trong hlakka mani na amo ta that rang nga hotna ae.

³⁰Chuna rou hi ngoiring ngei na theipha dang pha ah mani na amo ta kashariah ah rui ah tum weta Tarsus ah hla sho.

³¹Hina jarra Judiah, Galily akha chu Samariah lim ma adai pha ah ngoiring mee hella am hi. Muihla athieng na mani ta rat pi ah mani masing hella hang hi, hana mani na akha lea akha arengpu minga ajak atri hlakkae.

³²Pitar na ramlim ma thinga rol ah nahani apha akha ah Chungthieng mee ngei am na Lydda ram ma tungsho.

³³Amunt hana kum rit pum ahui athi sha makot chung hai thou wa thing nea no spa aming na Aeneas ta tukhlakka.

³⁴“Aeneas na”, Pitar makolla ril, “Jisu khrista minga dam jou oh, chuna nakot chunga hai thou oh,” Hana chak na Aeneas thou sho.

³⁵Lydda akha chu Sharon ram ma amo ta ri makhai na arengpu am na tieng nga mai hai sho.

³⁶Joppa ram shunga khrista ta ngoiring snu akha am meh, aming chu Tabitha (Grik tronga chu Dorcas hi na rilna chu, “Shikee”) Apha changhon maringchang hi sara ringrei ngei ta sanna ahra tullu lu ah am mee ae.

³⁷Hana lei apha ah amo hi tak hoi no ah thi ah tak bul pi shu ah inn kang chunga jal pi shi sho.

³⁸Joppa hi Lydda hai thou aram lah no ae, chuna Joppa ah am ngei na Pitar hi Lydda ah am meh ta thei pha ah. Mani na spa ani ta roulim hi thun na hla ah kokpi thing sho. “Lungshi ngei ah kani am na ah ranga wa pi oh.”

³⁹Chuna pa chu Pitar na thou weta manui hitta thingsho. Chuna matungjui ja amo ta innkang nga rui ah kal so. Hana areng na ngei na ma am na ah bom ma Dorcas na ringrei ah pek linglut pun nie lim ri pi ah trap hlakka am sho.

⁴⁰Pitar na mani meelim ta kah shung hai thou julla hla ah hukhrun weta nie so; Hana amo na amai hai Lea ah an weta ril so, “Tabitha thou oh!” amit manga akha chu amona Pitar ta ripha jui ja thou so.

⁴¹Hana Pitar na amo ta thou pi ah, arongnu ngei akha chu ngoiring ngei lim ta kokka aring Tabitha hi mani kolla pe so.

⁴²Joppa ram shunga rou hi thang so. Hana pa chu malmashi eja na arengpu ta ngoiring so,

⁴³Joppa ram shunga shawut sem Simon kolla Pitar na rungnie shotta am phur ae.