Read Chothe Naga ROMIYA 13 Bible Online

ROMIYA 13 - Chothe Naga bible

ROMIYA 13

¹Malmashi limna ane angam Goverment ngei aril atrong jui shu oh, rouram chu Chungthieng kol hai thou ano wa chu ephao ane angam am no ae. Mani lim ha Chungthieng na ronpi chak sa ae.

²Atujong na ane tullu ngei ril trong ngainum no lea Chungthieng ril trong juinum no ah ae. Chuna atuyong akhana akhana yuinole machunga routreem ae ange.

³Chuna ahra tullu lu ranga ane angam ngeita atri ang no ae, chuti weta hrano tullu lu ngeita sa ae? Nangna ane angam ngeita atri no wa che? Chutilea chu nangna ahra tullu lu oh, amona nangta dom mange.

⁴Maram chu Chungthieng na nasharukka nataranga ahra tullu lu am ae. Chuti weta ejonga nangna hrano tullu lu ta lea chu amota atri oh, maramchu manina leichoi nea ae adiek tak madandi ha pha pi nea ae. Chuna amona Chungthieng hana suuk akha changa hrano tullu lu ngei chunga malungshat ha pha ange.

⁵Hana sharukka nangeina ane tullu ngei ril trong jui anga ae Chungthieng hina dandi ha chak no wa nangei lung sunga ahra hrano kom dang ranga ae.

⁶Chuna sharukka Chungthieng tullu lu ane angam ngeina mani tullu ahra ae sarukka ngeina tushal pe ah ae.

⁷Chuna napek phung shukha pe oh, nahana manita nangna ajak atri ri pi ya sa ae.

⁸Akhana akha thuija dong hlakka am mo chuna nangei san hlak hata akha lea akha lungshi na sha ae. Chuna atujong akha na thei ah am malmashi amona roukung nu juija sha ae.

⁹Trongsan hana ril chu, “Mee na mei ta shimsi boron lal ae thing no oh; hana mee kom di thing no oh; mee that no oh, mee pot ru no oh”, hichak no wa adang tronglam pek am songe, “Natakta nalungshit hekta na inn ning hu laita kom lungshi oh.”

¹⁰Ejong nangna atu jong akha ta lungshi ta lea chu makolla nangna ephao diekno tullu lu num mang no che; Lungshi ti chu roukunga aril makhei ha jui ja ae.

¹¹Nangna na-natullu hi hata ae oh. Maram chu atun apha hi jalla am hei thouwa inhrang lakpha apha so ae. Maram chu amatienga ngoiring ta hella atun hi ani samla ringchang ha nai tekka am so ae.

¹²Jantieng apha ha shu thingso weh, waso ae, semnie warra wa so ae. Chuna jantienga ani tullu lu lim ha chan sei oh, akha chu awarra ral ae rang cham sei choi sei oh.

¹³Ani na awar thuija thing hek ta thing sei oh, jurui burui, akha chu siemsak hrano ngei, hana lungsha rat ngei asul ahal di ngei hekta akha chu anar hlak am no sei oh.

¹⁴Chuna Arengpu Jisu Khrista hina ral champ choi sei oh hana ringchanga pak na adi apam limpa ha hou sei oh.