Read Chothe Naga ROMIYA 15 Bible Online

ROMIYA 15 - Chothe Naga bible

ROMIYA 15

¹Ngoiringa arat anina, arit ron na am ashul ngei ta san nanga sa ae. Ani theichakka ariem anga no ae.

²Ani lim pa na ani unao limta arha shukrang akha chu ngoining hana lokka hangrang ariempi anga ae.

³Rouram chu khrista na matheichak phoirang ae no ae. Hanahutta jieksha rouna ril, “Najak tukkang makhei ha keina tuk singe.”

⁴Athieng abai sunga eheilim pa jiekka shi sa hi anita chupi rang sa ae. Jieksha rouna anita takpi chu ah dongthei ah, thanum thawao ani lungdenna am ranga sa ae.

⁵Khrista Jisu hina thing nu juija nangei karsunga lunghal akha chak amrang, adongthei akha chu thanum thawao shukna mitpu Chungthiengna ae nea rang jaitha pesu oh.

⁶Chuti lea chu nangei lim pa na sanrol akha chakka rachun na ani arengpu Jisu Khrista hina mapa Chungthieng ta dom mange.

⁷Chungthieng mahung majai taranga nangei akha lea akha ngaichak hlakko. Khrista na nangeita ngaipi hekta.

⁸Rouram chu nangei kolla keina rillinge Khrista Jisu hina ringchanga matullu ae hi chu Jehudi ngei hutta ae, hina dangpi chu Chungthieng hi ngoiringa ngai ae, hana mapa mapu ngei kolla saro ma eiha adiek takka shuk pianga sa ae.

⁹Akha chu Gentel ngei na kom Chungthieng ringrei ngei jarra amota dom nea rang ae, Jieksha nou na ril chu hekta; “Chuna keina Gental ngei karra nang ta dom mange; nangta domna lah kom sha ange.”

¹⁰Woiha kom hita rille, “Chungthieng mee ngei hitta Gental ngei ariem oh!”

¹¹Woiha pa kom ril. “Gental limna arengpu ta dom mo; mee limna ko dom oh!”

¹²Woiha pa kom Isaiah na ril, “Jesse hina atu ate ngei kol hai thou wa Gental ngei chunga rourillang mee shukkang nge; Akha chu mani lunghal kom makolla am mange.”

¹³Ani lungden shukpi Chungthieng na, makolla ngoiring jarra ahoi adai lim nangei sunga shihak ta am shu oh. Chu na lungden ha athieng Muilha arat hana achat am no wa loktek shu oh.

¹⁴Ka-u-kanao ngei oh kalung sunga nangei hi ahra na shihakti ae ta adiek takka hallinge. Nangei kha lea kha chupi takpi hlak nea rang lungwar am meh ta halling.

¹⁵Chuna adang jatngei kolla kei hi Khrista Jisu tarang tullu lu mee akha ae tiha Chungthieng na keita peksa malungsit jarra, nangeita lea ah angeithei rang lung lokka rouhi jiek ka lha inge.

¹⁶Gentel ngei karra tullu lu ranga Khrista Jisu shuk akha changa, Chungthieng ahra tronglam rou ril juija keina thiempu hekta ae inge. Rouram chu Gentel ngei hi muihla athieng hana jarra Chungthieng kolla mani na hra bakta kat thukka pek nea ranga.

¹⁷Khrista Jisu itta am ha ah Chungthieng matullu ae hi keina lokrang am ae.

¹⁸Gental ngei hi aril juija Chungthieng am na keita lamkai ranga rou akha chu nagm ma takpi ae. Chuna Khristajarra keina atri am nonge.

¹⁹Angakpi akha chu anealah hana jarra Chungthieng muihla jarra keina Jerushalem hai thou Illyrieam phao sunga Khrista hina ahra rou tronglam ha tung pi sange.

²⁰Apha changhon na kahal kalung akha chu kadit chu Khrista ming thei no na mun ah ahra tronglam hi ril thing num minge, chulea chu keina atujong akha na thulno inn mun chunga keina sak no rang.

²¹Jieksha rou na ril lea, “Marou ril no na amunt na mee ngeina ripha ange, akha chu marou theipha no ngei na dangpha ange.”

²²Chuna sharukka nangei am na ka phao ang hi ehekta ahan am hom meh.

²³Chuti weta, atun chu na ramtienga ka lu tullu chu shu hap sange, akum eja hei thou nagei ta tuklhak rang dija amming.

²⁴Spain na kathing lam ma nangei itta tuk lhakka apha tante nangei itta amha phurveta nangei na Spain thingna phao thasukpi ange hallinge.

²⁵Chutihalkom atun mak chu keina Jerushalem ma thing weta hana am mee ngei karra Chungthieng matullu ahra ae ting ange.

²⁶Rouram chu Mesidoniya lea Akaija abom ah ngoiring ngei na Jerushalem ma Chungthieng mee sara ah am ngeita san num ma am meh,

²⁷Nahi mani thei chakka meelung ngir sha ae.Routakka chu Jehudi ngei na mani jaihra ha Gentel ngei ta kom saruk pha tol pi hina sarukka Gentel ngeinakom mani nei don pot ngei hana Jehudi ngei ta san num lungrang shukka sa ae.

²⁸Keina hi tullu hi sujuija akha chu mani tarang peklha shum ngei ha mani ta kapek shu juija keina Spain tienga thing ange hana nanagei am na ah luttange.

²⁹Keina dang inge nangei am na kaphao juija Khrista jaihra hit shihakta phao ha ange.

³⁰Ka-u-kanao ngei oh, ani arengpu Khrista Jisu akha chu muihla na lungshi ah ani ta pek jar hana, Chungthieng kolla apha chang honna ratta keihita katarang nie ha ei oh.

³¹Nangei niek kang chu, Judiah ram ma ngoiring no ngei karra keina aol ana phano rang akha chu Jerushalem ma ka tullu lu juija Chungthieng mee ngei na ariemma la nea ranga.

³²Hana chu keina nangei am na ariem na shihakta phao ange,ejonga nahi Chungthieng na ahal alea chu anina ariema solha phaha ang sa ae.

³³Adai sukna anipa Chungthieng na nangei lim kolla am ha shu oh. Amen.