Read Chothe Naga ROMIYA 16 Bible Online

ROMIYA 16 - Chothe Naga bible

ROMIYA 16

¹Kenkhriah abom ah tullu lu ah am ani sarnu Phaebi ta keina nangei amna hla inge.

²Arengpu Chungthieng minga amota ariemma lah pi oh mee ngeina na ae phung shuk ha ae pi oh, hana amota nangei san nea ha sanpi oh amona nangeita darkar am ja-ae. Amohi mee eja kolla akha chu kakolla kom arha mee sa ae.

³Khrista Jisu tullu ae ha katonpi Aquila akha chu priscilla ta kom ka riemtuk hla inge;

⁴Mani na kataranga athi atri amno ae. Kathei chak na manuita ariem ma dom ah no ae, hana Gental Abom ah meelim na kom domme.

⁵Hana Abom mee ngei kom mani inn na bomtul ha lim ta kom riemtuk pe inge. Kalungshit katonpi Epaentus Asia ram sunga masha ah Khrista ta ngoiring Spa takom riemtuk pe inge.

⁶Mary takom riemtuk pe inge, amona nangei taranga ratta tullu lu sa-ae.

⁷Andronicus akha chu Junias rel ta kom riemtuk pe inge, manuiha kei hitta areu inn sunga am ha katonpi ae, Rouron ngei; kar sungako mee ngeina rha bakta amel dang mee sa ae. Manui ha kama tinga khristen changsowe.

⁸Ka riemtuk hi arengpu minga kalungshit tonpi Amphliatus ta kom pe inge.

⁹Hana Khrista minga tullu lu ha am Urbanes akha chu Stachys takom riemtuk pe inge,

¹⁰Riemtuk hi Khrista taranga alung lok Apelles takom,hana Aristobulos ngei ulea nao ngei takom.

¹¹Riemtuk hi Jehudi Herodian akha chu Narcissus Khristen uleanao mani inn sung ngeitakom pe inge.

¹²Ka riemtuk hi Tryphaena akha chu Tryphosa Arengpu tullu ron na am akha chu kalungshit katonpi Persis amona arengpu taranga tullu leima tan pi ae.

¹³Arengpu tullu ma hella ahra tullu lu Rufus kolla keina ariem na hla inge, hana manu ta kom. Manuna keita apha chang honna keita masanao hekta an pi ae.

¹⁴Hana ka riemtuk hi Asyncreitus, Phlegon, Hermes Patrobas, Herma akha chu mani hitta am Khristen ulea nao lim ta kom pe ing.

¹⁵Ariem hi Philologus Julia ta hana Nereua akha chu masarnu, Olympas akha chu mani hita am ha Chungthieng mee limpa ta.

¹⁶Uleanao ngei hekta akha lea akha lungshi hlakka be chup hlakko. Khristen ahalsha lim na ariem ma nagei ta riemtuk pe ah hla ae.

¹⁷Ulea nao ngei kolla keina mokka aminge.Adong ratto nangeita ahran akha chu hoino shuk kang lim chunga. Nangei ta chupi takpi nujuija nangei ngoiring hana hata thingo, mani hai thou wa adanga am mo!

¹⁸Hajong tullu lu manita chu ani arengpu Khrista tullu lu no ngei ae.Mani ha chu mani taranga hal ngei sha ae. Mani tronglam ahoi akha chu alei lomma rou ril hana maral amno malmashi eja ta hung thei ae.

¹⁹Ahra tronglam taranga nangei alok tullu ha mee lim na thei pha ae. Hina sarukka nangei jarra kei leima ariem minge chuna keina nangei hi lungsinga ejongpa na ahra moti dangpi num minge, chuti weta hrano chu tong pi num nonge.

²⁰Hana ani adai shuk na Chungthieng na apha sot no lutta saitan amota nangei kea hana to pi shi pi ange. Ani arengpu Jisu hina lungshit na nangei hitta am ha shu oh.

²¹Kei hitta tullu lu ha Timothi na kom hana tonpi Jehudi sanao ngei Lucius,Jasan akha chu Sosipater manina kom riemtuk pe ah hla ae.

²²Na trongleng jiekka hla Tertius keina Khristen ngei ariem riemtuk nangeita pe ah hla inge.

²³Ahalsha mee ngei na bomtul na amunt inn mitpu Gaius na kom Eraster hupi hina sum rungpa akha chu ani ton pi Quartus mani makhai na kom ariem riemtuk pe ah hla ae.

²⁴[Arengpu Jisu Khrista lungshit na hi nangei lim chunga am shu oh. Amen.]

²⁵Chungthieng tarang chang shu oh ariem hi! amona nangei ngoiring hata lingno lutta am pi nea ae.Nangei kolla ahra tronglam ka rou ril anu juja akum sot matienga thuppa shi ripisha adiek hana nujuija.

²⁶Chuna atun chu adiekka thiempu ngeina jiekka shi jarra choija shuk so ae. Atreem neino Chungthieng hana tronglam pek na chu jati lim na dang lea chu manina ariljuija ngoiring pha shu oh tina sha ae.

²⁷Chungthieng amo chakkea eheilim dangne, Jisu Khrista heithou wa mahung majai chang shu oh atreem nei no wa! Amen.