Read Chothe Naga ROMIYA 4 Bible Online

ROMIYA 4 - Chothe Naga bible

ROMIYA 4

¹Abraham ta ani pa pu maramma alo ta rillei ti meh? Ejongpa mo ae madangpha ngei ha?

²Ejongpa matullu ae hana Chungthieng na amota thiengpi lea, amona hana taranga malok rang akha am meh, chuti weta Chungthieng ningtieng no lutta.

³Jiekka shi na rillea, “Abraham na Chungthieng ta ngoiringe chuna mangoiring hana jarra Chungthieng na amota athieng mee ae ta lah pi ae.”

⁴Mee akha na matullu ae na lom mant pha ae hata nahi ariem ma apha ae ta hal ngai no ae, mani ha ejongpa mapha ranga lo thing sa ae.

⁵Chuti weta atujongpa na ma ngoiring hana ngirra am jara ae matullu ae na sarukka no ae hativeta Chungthieng ta mangoiring hana ae, hajong ngoiring hana amota athieng mee changpi ae. Hina sharukka Chungthieng na adiekka tel ae.

⁶David na phao hitta rilphurre, atujong akhana eheilim ae tol no lutta adiekke ta Chungthieng na ngei mee ha jaihra ae.

⁷“Diek no tullu lu ngeita ngakpi ha ariem pi ae, hana pak kom sanpi so ae!

⁸Atu akha ta arengpu na mapak ha telno ha eja ariem pi sa!”

⁹Hija ah jaihra rou ril hi asartan ngei tarang chak taranga meh rou takka ano ae, asartan lou ngei kom tol ae. “Ngoiring hana sarukka abraham ta Chungthieng na athieng mee ae ta lah ae.”

¹⁰Nahi Abraham na asartan matienga mo ano lea nutienga sa? Ejongpa apha ah mo ah amatienga so ae anutienga no ae?

¹¹Amo chu anutienga asartan sa ae. Amona asar matan na chu mangoiring hana jarra Chungthieng na amo tah lah pi so ae ta ri pi na ae. Asar matan sarukka Chungthieng ta ngoiring lim pa hina muihla ah mapa Abraham hi sha ae. Hana asartan no ngei kom, ngoiring ngei ta chu athieng changpi ae

¹²Hana amohi asartan ngei hina kom mapa ae nahina ae asartan ngei kom ngoiringa ring ringchanga hahekta anipa Abraham asar matan matienga hata ringe.

¹³Chungthieng na Abraham akha chu matu mate ngei ta saro ei ah rillea, na aleiram hi nataranga ae naha mak kha change, Maram chu Abraham na rouphun hana ril anujui ah no ae chuti weta mangoiring hana ae, chuna amota Chungthieng na athieng mee ae ta lah ae.

¹⁴Chuna ejonga Chungthieng na saro ei hi rouphuna rilla shi anu jui ngei ta pe lea chu malmashi ngei na Chungthieng ta ngoiring na ephao am no ae akha chu masaro ei ha ariem salleh

¹⁵Rouphung hana sarukka Chungthieng lungsha pha ae hana rouphun am no lea chu, rouphun ril juino ti am no ae, masaro eiha arimpa ae.

¹⁶Chuna sarukka masaro ei ha ngoiring ngeita ae hana masaro ei ha chu, Chungthieng na Abraham matu mate ngeita amant salla pek ha ae. Rouphung ril nu jui ngeita chak no ae. Chuti weta Abraham hekta ngoiring atujong ngei kom ae. Chuna Abraham hi ani limpa muihla hina mapa ae.

¹⁷Jieksha rouna ril chu hekta, “Keina nangta jati limpa hina mapa ha changpi ange” Chuna Chungthieng ningtienga chu ngoiring amona athi sa hai thou ringchang pha ange. Hana ephao am no ha ta kom am pi ange.

¹⁸Abraham na ngoiring akha chu asha am phurre maram am no phao shunga chuna sharukka, “Jati limpa hina mapa chang pi ange.” Jieksha rou na ril hekta, “Natu nate ngeina wan na arshi ja ange.”

¹⁹Amoha akum riha pha rang phao ulien halkom; mapum na chu ling khot nea no hal, mangoiring chu sulla jung ti am no ae, mapumna athi sha hekta hal phao wa Sarah na nao sall am phao sunga.

²⁰Ngoiring hana amota houphur thing no ae hana Chungthieng na saro eisha kom malunga ephao nuleh no ae. Mangoiringna shihakta jaitha pha ah Chungthieng ta amona dom meh.

²¹Chungthieng na eheilimpa adiek takka makolla pe ange ta masaro eisha hita hakka am meh.

²²“Hana sarukka ae Abraham na ngoiring jarra amota Chungthieng na athieng mee ae ta lah ae.”

²³“Amota athieng meeta jiekka shi rou hi, mataranga chak ano ae.”

²⁴Anitaranga kom jiekka shi ae athi haithou ringpi Arengpu Jisu amota ngoiring lim na athieng mee chang ange.

²⁵Anipak hana sarukka amo ta athi ha pi ae, Ani na Chungthieng hitta adiek chang ranga amo na athi hai thou ringpi so ae.