Read Chothe Naga ROMIYA 7 Bible Online

ROMIYA 7 - Chothe Naga bible

ROMIYA 7

¹Ka-u-kanao ngei oh nangei mai ah ril tik kae ta ka ae hi nangei na dang ange ta hallinge rouram chu nangei na rouphun ha danga am meh, rouphung hana malmashi ngeina ring lei lim chu amona hup sa ae.

²Taichang sha nameinu akha na maring leilim chu apishal hana thuija am chu hekta ejonga apishal na thija tah lea chu amota huppa shi apishal rouphun hai thou wa hla so ae.

³Chuna ejonga nameinu na adang apa akha hitta apishal ringlei amha lea chu amo hata simsi boron nu ta kok kange; Chuti weta ejong apishal thi lea chu nameinu ha adang apa akha kolla taichang ha hal kom simsi boron nu kom ano ae hana ngeihlak anu juija angei akha ae.

⁴Chuna chu hekta ka-u-kanao ngei oh rouphun hina rilna hallea chu nangei ko thi so ae. Khrista maram chu nangei hi Khrista hina pum akha ae. Chuna athi hai ringa thou amo hina mata so ae Chungthieng hina ara pi ranga.

⁵Ani malmashi ringchang anujuija ringa am phur lei ah pakna anum adit eja hi rouphun na ani pum ah tullu lu ah hana ani tullu lu limpa atreem na ah chu athi pha ae.

⁶Atun chu ehalkom ehalkom ani hi rouphun hei thou wa shukka thing so ae rouram chu ani hi apha akha ah athi pha ja tah phur ae hatihalkom atun chu anina lea ah hajong jieksha rouphun thuija tullu lu ang no wa ae chuna ani na athar muihla lam ma taranga ae tah ae.

⁷Chuleh chu rouphun hana mak pak ae ta rillang meh? Ano ae! Chuti weta rouphun hana keita pak amel dang pi ah ae, ejonga rouphun hana rilphur no lea chu “meeta di no oh” keina hajong adi ha dang angnonge

⁸Keita pek trongsan hana pak na tancha lah weta eheilim ma hrano anar katakka ampi so ae. Rouphun ha tol no wa chu pak ti chu athi sa ae.

⁹Apha akha ah keina rouphun tol no wa ringphur inge chuti weta rouphun hana trongsan phao juija chu pakkha ringthou so weh.

¹⁰Hana kei chu thi sing nge rouphun hana trongsan na karing chang taranga choija ronna phao chu athi ha ae.

¹¹Pak na trongsan hana tancha lah weta keita hungthei ae ah keita that ae.

¹²Chuna sarukka rouphun ha mak athienge hana trongsan hakom athienge ahra akha chu adiek takkae.

¹³Chuti lea na ahra hina kathiit na jou meh? Nahina ano ae! na chu pak na lu tullu sa ae; ahra hata pak na,pak ta ri pi ranga sa ae. Chuna trongsan hana pak ta hella pak am tek ranga sa ae.

¹⁴Rouphunhi rha ae chuti weta kei chu mang nga ngai mee inge, hana pakka kor changa jursha ae

¹⁵Keina ka ae ah am ka tullu ha keina dangnonge keina ka ae num no tullu ha keina ae ah aminge, chuna katier ra am hakom keina ae inge.

¹⁶Atun ka ae ah am tullu ha ka ae num no ae hina tak chu keina rouphun hana chum pi ah aminge.

¹⁷Chuna routakka chu na tullu lu ah am hi keina no ae, kasunga ring am pak hana sa ae.

¹⁸Keina dang inge ahra ha ka sunga ringa am no ae, naha chu mahousha malmashi ka ringchang sa ae, rou ramchu kei na eja ah ahra tullu lu num halkom keina nahamak thang sukka ae nea nonge.

¹⁹Keina ahra tullu ka ae num ha ae nonge hana hutta keina ka ae num no hrano tullu mak ae inge.

²⁰Ejonga keina ka ae num no tullu ha keina ae ah am lea chu hina rilna chu nahana tullu lu ah am kei nonge naha chu kasunga ringa am pak hana lu tullu sa ae.

²¹Chuna katuk pha ah chu rouphun hi tullu ha ae, ahra tullu ka ae num juija hrano ha chak halling.

²²Kalung sunga ringa am na chu Chungthieng hina rouphun ha di ae.

²³Chuti weta kapumma tullu lu am rouphun chu adang, adange. Kalungna ngei so ae ta kahal sha tah sulhlak pi ah am rouphun kom tol lea, keita pak hana rouphun hana ahup mee changa katakka tullu eya am ae.

²⁴Eja ah ahoi pha lou apa ha kei ah meh? atu na katak athi sa hai thou wa sanpi anga meh?

²⁵Chungthieng ta ariem minge Jisu Khrista majar hana ae pi hi chuna hiso ae atun na ka ngirra ka am. Chuna keina kalung makna Chungthieng matun mahlou chak ae ang singe kapum na pak tullu lu ah am lei ah.