Read Chothe Naga 1 KORENTHIYA 13 Bible Online

1 KORENTHIYA 13 - Chothe Naga bible

1 KORENTHIYA 13

¹Keina meengei trong eja trongnehal akha chu wanrui ngei trong phao dang halkom ejonga keina lungshi ti am no lea kei hi kanta rasa itta akha rukke.

²Keina rouril nea rang kutthul pha hal kom, keina athup rou eja dang nea na am hal kom hana keina ngoiring na jarra mullon eja ta hlonga thingpi nea halkom. Keina lungshi ha am no lea chu kei hi ekom ano weh.

³Keina ka am kadon eheilim pe nea hal hana keina katak hi maikang rang phao pe nea hal lungshi am no lea chu kei hi akrat ranga ekom am no weh.

⁴Lungshi ti hi adongthei akha chu ringreithei ae, lungshi na anar am no weh lokchok ti kom am no weh.

⁵Lungshi na nungchan sino ae, matarang chak hal no ae, lungsha ratno ae, hrano rou, sunga shi no weh.

⁶Dramo am no ngei itta ariem ha no ae adiek itta ariem ha ae;

⁷lungshi hi atreem amno ae, akha chu ngoiring, lungden akha chu adongthui hi etikkako atreem naino-ae.

⁸Lungshi hi samla ae hana muihla na rouril pi am ae, chuti weta mani ha apha tante tarang sa ae; trongdang trong nerang kutthul am ae, chutihalko mani ha atreem nai ange, lungshing thei am ae, chu halko naha mang ange.

⁹Chuna ani rouril thei hi kom ani lungshing hi kom ahui chak sha ae.

¹⁰Chuna rakit ti ha changjui ja, ahui tiha mang ange.

¹¹Keina kanao pong leija chu katrong kahal kalung lim hi unga hek ti inge. Atunchu keina ulien kachang juija chu hajong unga lei tullu lim ha housinge.

¹²Rouram chu atun ani na ri ah am hi melsen na thienga ri no hek ti sha ae. Chutiweta anu tienga chu mai lea mai tuk hlak kange. Atun kadang hi chu ahui te chak sha ae chuti weta anu tienga chu keita hrabak ta dang ange hana keina kom hrabak ta dang ange.

¹³Chutiweta, atun chu adiek takka ngoiring lungshi akha chu lungdien inthum hi chu apha chang honna am ha ae chuhalkom nalim chunga lungshi ti na eheilim loktekke.