Read Chothe Naga 1 KORENTHIYA 16 Bible Online

1 KORENTHIYA 16 - Chothe Naga bible

1 KORENTHIYA 16

¹Judiah Chungthieng mee ngei taranga shan nang sum alo ta shuk pi ang meh ta nangei jiek anu juija, Galatiya ngei kolla karil chu hekta nangei na ae anga ae.

²Lang maiching nie chang honna nangei na mapha mapha sum anu juija makut makutta hammo adanga shi shu oh, chu lea chu kaphao juija nangei na sum hrai ang darkar am mang no ae.

³Keina kaphao nutienga nangei sum pekkang mee ha mel dang pi ange chulea chu amo ta nangei na sum ha Jerushalem ma pe ah hla nea ang chou ae.

⁴Chuna ejonga keikom tancha hlaklea mani ha hitta thing ha ange keikom.

⁵Mesedoniya kathing nutienga nangei am na kei phao ange rouram chu kei Mesedoniya ah thingno ngei no am sho ae.

⁶Kei hi phalbi hla shung hina nangei hitta am ha num minge. Hana nangei na mathangpa kalampi thing ranga shan pi oh chulea chu hoija hal kom, hoija halkom keina thing nea ange.

⁷Arengpu na ngei pi lea chu nangei am na apha atan te am num nonge apha shotta am ha num minge.

⁸Penticos rungnie pha malim chu kei hi Ephesiya ah am mange.

⁹Rouram chu hina ka am lei shunga ehekta alok tullu lu rang lampi akha pe sho weh anda mee eja am hal kom.

¹⁰Ejonga Timothi nangei am na lampi tienga ah phao lea chu amota ariem ariem ma tungpi oh, rouram chu amo hi kei hekta arengpu tullu lu mee sha ae.

¹¹Atu akha na amota hantha ah an no shu oh, malampi ahoi adai thing rang sanpi oh. Chulea chu amoha ka am na ah lea ange Rouram chu kei na amohi tonpi ngei hitta phao ha ange ta halla am minge.

¹²Ulea nao Apollo hi kom apha chang honna atonpi rui weh ta nangei am na thingo ta thanum thathou inge chuti weta ano hi dangpha no the songe mapha ha pha juija amo ha sui no wa thing ange.

¹³Ahra takka am mo, ngoiring taranga atri am no wa ngirro ratta thei oh.

¹⁴Natullu lu limpa lungshi ah ae oh.

¹⁵Nangei na Stephanas ngei inn shung dang ange mani ha Akai ah ahalpa Khristen ngei ae chuna mani na Chungthieng mee ngei taranga alo ta tullu lu sha nangei ta keina ni ah aminge.

¹⁶Hajongei lamkai mee hek ti oh hana mani hitta tullu lu ah hlou ron ha oh.

¹⁷Ehekta ariem minge kei rouram chu nangei am no lei ah Stephanus, Phorchunat akha chu Akaikus na phao pi ah.

¹⁸Kei ta ariem pi ae nangei ta ariem pi hekta mani hata mel dangpi oh.

¹⁹Asia ram shunga am ngoiring ngei na kom nangei ta ariem riemtuk pe ah hla ae, Aquila lea Priscilla nangei na mani inn na tukhlak rel na kom Khristen riemtuk pe ae.

²⁰Hina uleanao lim na riemtuk pe ah hla ae, akha lea akha uleanao lungshit hekta riemtuk ae hlakko.

²¹Pol kakut makka na ariem riemtuk jiekka hla inge.

²²Atujong akha na arengpu ta lungshi am no lea chu amo ta sarkou pha shu oh Maranatha, karengpa jung jou oh!

²³Arengpu Jisu hina lungshi thei na nangei hitta am ha shu oh.

²⁴Khrista Jisu minga kalungshit hi apha chang honna am shu oh.