Read Chothe Naga 1 KORENTHIYA 3 Bible Online

1 KORENTHIYA 3 - Chothe Naga bible

1 KORENTHIYA 3

¹Kalungshit uleanao ngei oh, adiek takka kei na nangei kolla muihla am ngei kolla trong hekta trong shuk nonge; kei na karil shuk num chu alei ram ma nangei lungrang Khristen unga ngei ngoiring hekta rilla am minge.

²Keina salom pe ah tah ae, ahir bu pe nea ang nonge rouram chu nangei na hana taranga thourang am no jarra. Atun phao shunga kom nangei na thourang am no ae.

³Maram chu atun phao shunga nangei hi alei ramma mee ngei ring hekta ringa am songe Nangei mashel anar hlak juija akha lea akha trong jet hlakka am chou ae hina nangei hi aleiram mee ngei hekti ae ta dang pi na no meh?

⁴Nangei shunga akha na ril, “Kei chu Pol nu jui mee inge” hana adang na ril “Kei chu Apollo” nujui inge nangei hi aleiram mee ae hekta ano wa chou meh?

⁵Chuna atuna Apollo? akha chu atu na Pol? Ani lim pa hi Chungthieng suuk ngei chak sha ae hana nangei ta lamkai weta ngoiring pi ah ani akha lea akha tullu lim hi amo ta ae rang arengpa pek sha ae.

⁶Keina muchi wor inge Apollo na tui sho ae chuti weta machina tou wa hang chu Chungthieng tou pi sa ae.

⁷Atu akha na maru wur phur hal kom atu akha na tui sho halkom nalim ha eko no ae Chungthieng matullu chak sha ae hana matou pi sha ae.

⁸Chuna machi wor pa lea tui sho pa hina khetnat na am no ae Chungthieng na matullu ae nu juija lommant pe ange.

⁹Chuna kani hi Chungthieng taranga tullu lu ha mee ngei ae hana nangei na Chungthieng loulai sha ae. Hana chak no wa nangei hi Chungthieng shak inn ae.

¹⁰Chungthieng na keita pek khuthul anu juija kei na inn sha thei pa na alota akung thou weta hrabakta sha hekta kei na tullu hi ae sange. Hana akha nakom woiha achunga sha sirso, chuna mee akha na matullu lim ha hrabakta ae anga sha ae.

¹¹Chuna Chungthieng na Khrista Jisu hita chak inn akung ha doi shi so ae chuna adang inn akung am ngei no ae.

¹²Ahre na sona rupa ano lea amant tam alunga inn akung thou ae; adang ahre na thing takka anolea shapo thou ae.

¹³Mee akhana lu tullu hana amant ha chu nahanie ah ri pha ange, Khrista na rungni hana chu nanie rungnie ah chu sarmei na ri pi ange hana ejongpa mo dang pi ange.

¹⁴Sarmei hana hol jui ja kang no wa am inn akung ta chu asha mee hana ae na mant pha ange.

¹⁵Chutiweta atujong akha shak inn chu sarmei na kang lea chu amo ha chu amang sha ae chuti weta mo ha chu ejonga kanga thing lea chu amo mang ange chuti weta matak mak chu sarmai shenga kai ah lak hekta sanpi ange.

¹⁶Chuna nangei na na adiek takka dang chou ae tichu, nangei hi Chungthieng athieng inn ae akha chu Chungthieng mamuihla na nangei shunga am meh?

¹⁷Chuna sharukka atu jong akha na Chungthieng inn hata mangpi lea chu chu amo ta takom mangpi ange Rouram chu Chungthieng inn chu athieng inn sha ae hana nangei natak mak hi athieng ma inn ae.

¹⁸Atu akha na kom lungmo no shu oh mathei chakka, ejonga atu jong akha na nangei kar shunga kei hi lungsing mee ae hallea chu na aleiramhina nujuija amo ha lungmo mee changa phao shu oh adiktakka lungsing mee chang ranga.

¹⁹Rouram chu aleiram ma lungsing hi Chungthieng ningtienga chu lunghal thei no mee sha Jieksha rou na ril chu hekta, “Chungthieng changa athei asingha mani thei sing shak hana mant ae.”

²⁰Hana adang jieksha na hita kom rillea; “Arengpu na lungsing ngei lunghal lim danga amant am pi no ae.”

²¹Atu akha na ma ae nea hana tarang alok sha no shu oh routakka ehei lim nangei ta sha ae.

²²Pol Apollo akha chu Pitar hi aleiram, ringchang akha chu athi, atun akha chu anutieng lim pa hi nangei ta ae.

²³Hana nangei Khrista ta ae hana Khrista na Chungthieng ta sha ae.