Read Chothe Naga 1 KORENTHIYA 5 Bible Online

1 KORENTHIYA 5 - Chothe Naga bible

1 KORENTHIYA 5

¹Nangei kar shunga vokno namei apa am meh ti hi keina thei inge, asanao pa na manu pok lou nu hitta jalha am meh ta keita rillea chuna hajongpa ati pi rou hi Jisu mel dang no ngei kar kom am no ae.

²Chuna alota nangei na alok sha num ma chao? Hana hutta nangei hi ajak na shihakta am manga ae chuna hojong tullu lu mee apa ta chu nangei abom shung hai thou julla hla anga ae.

³Kapum na nangei am na hai thou aram lah ah am hal kom kamuihla chu nangei am na am tol ae kalungrang lim kom. Arengpu Jisu minga hajong ati pi tullu lu mee ha keina routreem ae rang hla shu sange. Nangei na ranchun na am na ah kamuihla kom am tolla. Hana arengpu Jisu jaitha hana jarra ani hitta am ha ae.

⁵Na mee hi saitan kut chunga nangei na pe oh matak hi mangpi ranga, chulea chu areng rungnie ah ma muihla chu sanpi pha ranga.

⁶Nangei na alok sha rang am no ae! nangei na dangno oh chau mee rilhlak ha? Achol ahuite na jam lim pata sem ma shukpi ha.”

⁷Nangei atuisha pakka chol ha denga hou ta lou chu nangei limpa ha athieng chang ange. Chuna athar chol tolno butol jam hek ti ange oh weh nangei hi ha chou ae. Ani taranga chu Khrista na hut shilpi ah thi shu so ae.

⁸Chuna ani na talpi na reen ha chol batol akha chu hrano tol no lutta bak sai oh, athieng adiek butol hitta.

⁹Kei na nangei ta Jiekka rilla hla inge nangei na hajong vokno ngei hitta am ha no oh.

¹⁰Rolwak neino anolea karam paicha ano lea aruthei akha chu kutta shem hlawang mok ngei ta rilla nonge. Chuna nangei na mani kol hai thou wa shukka a thingo ta rilla singe.

¹¹Karil num chu nang hitta na-u nanao ae ta mathei chak na ril chuti weta lamchat am lou karam paicha kutta shem hlawang ta mok anolea ju inn bubak aruthei akha chu mee mang ang rouril ngei mani ta chu ong kom ang ha no oh, bakkom bakha no oh.

¹²Nalim pa hi kei na routreem rang ka tullu nonge, Chungthieng na mani ta routreem anga sha ae chuti weta nangei abom shunga am mee ngei ta chu nangei na ae routreem phung shuk no meh? Jieksha rou na ril chu hekta, “Hrano mee ha chu nangei abom hai thou wa la ah hou oh.”