Read Chothe Naga 2 KORENTHIYA 10 Bible Online

2 KORENTHIYA 10 - Chothe Naga bible

2 KORENTHIYA 10

¹Pol kei katakna nangei kolla Khrista hina lungnem lungdai lim jarra nangei hitta am ha ngei ranga leima tolla kei na nangei ta thanum thathou rang mokka am ming.

²Nangei kolla kaphao juija keita namphu ah aol ana pe num nonge. Rouram chu keina dang inge atujong manina keita aleiram ma tah hekta hal mee amo ta chu kei na kom aol pe num mange ta.

³Nahi adiek takkae, roulam chu ani hi aleiram ma ringa am meh. Chutiweta ani na aleiram ma hekta shullang no sha ae.

⁴Ani shul hakna ralpun ralni hi alei ram ta no weh chuti weta Chungthieng jaitha ralpun ralni sha ae. Nahana arat ralmunt na kon akha chu dieklou trongjet na kom ani nea na change.

⁵Chungthieng mai kunga ehekta lok chok thukka ngirlim ta kai ah tum mange. Hana mani hal lim pa ha lah ah hou weta khrista rouril jui pi ange.

⁶Chuna nangna eheilim najui shu nutienga chu kani na aril juino mee taranga dandi pek rang som sha shi so weh.

⁷Nangei na chu au wao wa am ha chak an na am meh, atu jong akha na kei chu Khrista mee inge ta rilla am ha chuk. Ehekta hra so weh woiha te chu amo kom lea ah halla an shu oh ma lu tullu ha, rouram chu ani hi khrista mee sha ae.

⁸Rouram chu keina ephao ajak nonge chu, chunga ejonga keina aphao sha hal ling kom, areng na anita pek ae nea ha ane ha chu kuipi rang no weh semkat shakat rang sha ae.

⁹Ka jiekka kahla rou hi nangei atri rang chu kei na changpi num nonge.

¹⁰Atujong akha na chu rillea, “Pol jiekka hla rou hi kal hai shullea, chuti weta amo mak na ani hitta am hajuija chu ehekta shul mee akha chu marou lim kom alak rang ekom am no weh!”

¹¹Hajongpa mee na halne anga ae ha chu ephao thei hlak na am no weh, kanina nangei karra am tolnowa jiekka hla rou lea kani na nangei hitta am ha juija lu tullu ha.

¹²Routakka chu kamee na mani hitta rishit rabutta no weh akha chu hran pi no weh mani thei chakka leima wanga am munge ta halla am manita. Mani ha eja ah apang mee mo weh! Mani na mani theichak ka mani changa routreem ae weta mant! Theising sem ngei ha

¹³kani taranga chu ehal kom, ehal kan kani na alok shu halkom kani na rol ha lallang no weh Chungthieng na pekka shi amunt hai thou wa akha chu ha shunga nangei kom tolla am meh.

¹⁴Chuna nangei hi ha shunga am tol shou chu, Khrista ahra routhar kanina nangei am na ronna phao jui ja mani am na aral pha ang no weh.

¹⁵Chuna Chungthieng na pekka shi hai thou wa hella adangei na tullu lu nea hal kom kani lok rang ekom am no weh, hana hutta kani na am lungrang chu nangei ngoiring hella hang juija nangei shunga kani na hella loktekti tullu lu nea ange apha chang honna Chungthieng na pekka shi shunga.

¹⁶Hana chu kani na ahra routhar hi rou ril thing ange nangei am na hella ram adanga kom chuna hana tullu taranga akha chu mee adang ngan ae shu na taranga nangei lok rang ephao am no weh.

¹⁷Chutiweta jieksha rou na rillea, “Atujong na lok num lea chu reng tullu lu na rou hana chakka lokkanga ae.”

¹⁸Chuna shurukka arengpu na mee hatta hra so weh hal mee amo ha routakka amo ha angai mee so weh mee hana mathei chakka kei chu ngei mee shinge hal no lea chu