Read Chothe Naga 2 KORENTHIYA 11 Bible Online

2 KORENTHIYA 11 - Chothe Naga bible

2 KORENTHIYA 11

¹Lungshi ngei pi oh, kashul na am juija keina nangei ta malim ha dong nea ranga nie ah am minge.

²Chungthieng hekta keikom anar rattinge nangei hi athieng namei nu ta taichang ranga spa akha na rilla shi hekti ae amo ha chu khrista matak makkae.

³Khrista kolla athieng na shihakta nangei am ringchanga wakhal ha mut pi ange ta kei na leima atri inge, ashing arul na murthei weta Eve ta meenam hekta.

⁴Rouram chu Jisu minga adanga phao atujong akha rouril kom nangei na dongthei ah ariem ma dong chou ae kani kolla hai thou wa nangei lak ahra trongshan muihla ano lutta adang rou ta kom nangei na sar so chou!

⁵Anno kei chu ahal sha rui lim ngei kar shunga kom leima shul mee inge ta kom kei na halnonge.

⁶Chuna keina katronglo ah trongthei angthei no mee hal kom eheilim ma kani na nangei ta athup am no lutta dangpi shange.

⁷Nangei kolla Chungthieng ahra trongshan karouril hina amant kom eko pha nonge. Kei katakna nangei kolla nolukka katak hi leima maru oi mee ae ta kahal hina aral jo meh?

⁸Nangei karra tullu lu ah ka am lei kom abom adang ngei na sum pe ah am meh, routakka chu nangei ta san ranga kei na ru ah am minge.

⁹Akha chu nangei hitta ka am ha lei apha ah kom kadrakar sum ha nangei kolla san pi ranga hal nonge Mesedoniya am ulea nao ngei na drakar am sum lim pa kom ronna phao pi ae, amatieng hai thou wa akha chu anutieng eja ah kom, chuna nangei kolla ephao rillang nonge.

¹⁰Kakolla am Khrista adiek hana jarra nangei kolla saro ei ah am minge ha chu nataranga kalokna hi amunt chang honna.

¹¹Nahi karil sharukka keina nangeita lungshi no wa meh? Chungthieng na danga am meh keina nangei ta lungshi ti ha.

¹²Atun na ka lu tullu hi hitta ae ah am mange, rouram chu adang rui ngei na rillea kani kom mani ae hekta kani kom chap mana unge ta eko no shalla chouthuk na change.

¹³Mani ha chu adiek ahalsha rui no weh, mani ha chu dieklou rui ngei ae, mani tullu sharukka murthui ah rou ril akha chu mani thei chakka mel hlong pi ah khrista ahalsha rui sha ngei.

¹⁴Nalim hi angak shukrang am ae, rou ram chu saitan na kom matheichak wanrui ngei mawar hekta war pi nea ae.

¹⁵Chuna sharukka nahi alok tullu chu ano weh, ejonga masuuk ngeina mel mani thei chakka dramochel suuk sha hal kom, Atreem na apha ah chu mani tullu lu na juija mani na hamak pha ange.

¹⁶Kei na lea ah rillinge, atu akha na keita apang mee ae ta hal no shu oh, chuti weta ejonga nangna apang ae halla am la lea chu hana taranga kei na atit te hal kom kachou thuk rang am meh.

¹⁷Karilla ka-am karou hi rou takka chu arengpu na kei ta dit lou rou sha ae. Nahina taranga kachou thuk hi kei hi apang mee akha singe.

¹⁸Chutiweta mee eja na mee akha changa ril hlak na akha hekta keikom rilla singe.

¹⁹Nangei chu nangei theichakka dong leima athei asinge chuna sharukka nangei na apang ngei hitta ariem ha nea ae!

²⁰Nangei adang na chu atu jong akha na tierra hla halkom, napha phung shuk mee na pha hal kom, changa mant pi hal kom, han tha ah an halkom anolea namai ah nabe benghal kom,

²¹Hojong tullu lu ranga ani na leima atri ae, kei chu ajak shange hana kaluttang hi. Chutiweta atu jong akha na thouna hra ah ejongpa akha taranga chou thuk lea chu keikom atri nonge apang ngei hekta rilla am singe.

²²Mani ha Ebriya ngei meh? Kei kom ah inge. Mani na Israel neh? Keikom ah inge mani ha Abraham atu ate ngei meh? Kei kom ah inge.

²³Mani ha khrista asuuk ngei meh? Kei na awet hekta chuti weta mani ta hella shukha ah inge ehekta akal tullu kom lu inge raen inn shunga kom leima tam am singe keita mol eja bakpi meh. Keita apha chang honna athit rang phao ae sho weh.

²⁴Jehudi ngei ta phit pi ranga woinga keita pe pi ae hana mani mol takka shom thum aku phit ranga ae.

²⁵Roman ngei na phit ranga woithum hana woiha kom alunga keita denge woithum kung kui ah, tui shunga jan akha nishun akha am minge.

²⁶Kashe kahong juija tui lokka khudong thi ah kapha eja akha chu aru thei ngei kut chunga aol ana, ani tonpi Jehudi ngei lea jat adang ngei kut chunga kom, hana hupi shunga kom tuipi tuilen na kom hana dieklou tonpi thanrul ngei kolla kom.

²⁷Hana tullu ajai aol eja apha akha chu inno jalno eja wontam tuiral eja kadong, ka won hopa kabak pha no na eja am rang amunt am no punshal nishal eja.

²⁸Rilshuk ngei no eja, rungni chang honna ka abom ngei taranga hullang nong ti nea no kahal eja.

²⁹Atumo akha tieng na shulla am juija kei kom shul tollinge hana atumo akha na pak kum shunga lamkai jui ja kalung hi leima ollinge.

³⁰Ejonga kei no chouthuk ka ta lea chu kakhouthuk ranga chu kei hi eja ah shulla am ma meh ta ri pi ange.

³¹Pathieng Chungthieng akha chu arengpu Jisu na jaihra pek chang shu oh, hana kei hi murthei ah ril nonge ti kom dang ange.

³²Damaska ah ka am lei ah Rengpa Aretas Governor na hupi lamthong phao keita mant ranga hakka am meh.

³³Chutiweta lan am na bi inge weta inn banga onga makol hai thou wa tan na thing singe.