Read Chothe Naga 2 KORENTHIYA 12 Bible Online

2 KORENTHIYA 12 - Chothe Naga bible

2 KORENTHIYA 12

¹Kei hi leima chouthukrang am meh, ahra tullu lu no phao shunga, chuti weta atun hi Arengpu na keita ripi akha chu dangpi rou hi rillang shange.

²Ka dangpha ah akum ashom inly shu khristian spa akha wangtekti thangwan na rui ah kollea. (Keikom nahi routakka shuk mo shuk no mo dang nonge, ano lea ma ripha mo, Chungthieng amo na chak dange).

³Woihapa ko keina lea sierra keina dang inge na spa hi Paradise ah rui ah thinge (woihapa kom na hi routak mo routak no mo ano lea maripha mo, Chungthieng amo na chak dange). Hana mathei pa ha chu tronglo wa sem nea no weh hana malmashi murra kom ril shuk thei no weh.

⁵Chuna masha rukka kei hi leima chou thukinge chuti weta kei katak taranga chu chouthuk nenge kei hi eja ah tolla am ma meh ti hi na chakkae.

⁶Ejonga keina chouthuk num halling kom kei hi apanga chu ah nonge rouram chu adiek rou ha kei na rillang inge chuti weta keina chou thukkang nonge rouram chu atujong akha na keita wanga dom ma shi hi di nonge chuna amo na keita maripha akha chu matheipha hana rou chak rilha di inge.

⁷Angakpi tullu nangei kolla kari pi na sha rukka kei hi nangei na domma ka chouthuk na chang ange ta katakka rai akha na saitan wanrui ngei na rouril hekta angai thei pi ah shi ae.

⁸Hina tarang sharukka woithum Reng kolla niek inge ka dam rang.

⁹Chutiweta Reng na kakolla rillea nachunga kalungna na shi hakta am meh rouram chu kajai tha na nashul na ah rat pi ange chuna sharukka Khrista majaitha na koshul na changhonna am tol ange ta kariem na chang inge.

¹⁰Khrista taranga aol ana kapha jui ajak katukjui mee na keita aol pek jui ja kapel na chang inge rouram chu hella kashul jui hella karat na chang inge.

¹¹Kei hi nangei na apang mee nam ma wulpi sho chou, chuna kei hi apang mee chang singe routakka chu kei hi nangei na dom ma shi ang mee sha ae ha chu kei hi ekom ano hal kom ahalsha rousam rol ngei nu juija kei na ephao nulea nonge.

¹²Routakka chu keina nangei maikunge ahalsha rui akha hekta angakpi tullu eja ri pi shange.

¹³Alo ta nangei na adang churek ta leima sathi ah ae na am ma meh, keina nangei kolla sum chunga sanpi rang ano wa chu, chuna taranga keita nangei na ngakpi oh.

¹⁴Nahina woithum shuna pa nangei am na phao tikta thourang ka ae hi ae. Chuna nangei kolla ephao ka niek rang am no ae nangei tak ha chak di inge, nangei sum ha no weh, routakka chu asanao ngei na manu mapa ngei taranga hom ma shi ang no wa ae manu mapa ngei na asanao ngei taranga homma shi anga ae.

¹⁵Ka am kadon lim hi nangei kolla ripta pe ing weta kei hi leima ariem mange katak phao wa, nangei ta san ranga. Nangei na kei ta lungshi pi oh rouram chu keina nangei ta leima lungshi inge.

¹⁶Nangei na ngai pi oh, keina nangei kolla pot rit akha phao pe nonge chutiphao shunga atujong akha na chu mur thui ah kei na nangei hi changa mant pi hekta halange.

¹⁷Kei na kahla rouril mee atu akha na kani tancha lak rang tullu lu jo meh?

¹⁸Taitas ta thing ranga keina amota hlem ma hla inge hana adang Khristen kom amo hitta hla inge nangei na ril nea ang chou meh Taitas na tan cha la sho weh ta? Kei akha chu ano na kanui akha chak hek ta tullu lu no wa meh?

¹⁹Nangei na chu halla kom ngai ae kani tak ah ngak thuk ranga nangei mai kunga ae ah mo ta, naha ano weh! Kani rouril lim pa hi Chungthieng maikunga khrista na ril pi num rou ha chak ril unge tonpi ngei oh kani tullu lu lim pa hi nangei ta san rang chakkae.

²⁰Atun ati ah ka am chu amunt hana katung juija ka ae pi num no ha nangei na ae ah am hana nangei na kom kei ta an jui ja nangei hitta ma na no wa tung ti hi. Hana nangei karra trong han hlakka am anar hlakka am lungsha hlakka am hana matarang chak hal hlakka am ajak pehlakka chou thukka mee hrano rang chak rou rille an monge ta leima ati inge.

²¹Mathangpa kaphao ang hi leima ati ah am minge, kaphao juija Chungthieng na nangei lim maikunga ajak tuk pi angeta akha chu pak tullu lu ah am the ngei taranga shilung hlong no ngei taranga vokno namei apa dang hlak no ngei akha chu hajong hrano tullu taranga kei hi trapange ta.