Read Chothe Naga 2 KORENTHIYA 13 Bible Online

2 KORENTHIYA 13 - Chothe Naga bible

2 KORENTHIYA 13

¹Nahina nangei am na woithum shu na kaphao ae, “Chuna maral chang honna meelung ngir mee ani ano lea hella pepi ta sho weh,” jieksha rou na ril chu hekta.

²Kei na nangei kolla ril num minge ama tienga pak tullu lu mani ta lim ta akha chu adang malim ta, woini na pa kaphao lei ah karil sha sho weh nangei kolla, chutihalkom woiha kei na nangei kolla ril sier ange kathing shu waitakka akha mathangpa kaphao jui ja chu atu akha dandy hai thou hella thing nea ang no weh.

³Nangei lim na dang ange khrista na keita trongpi ae ti ha. Amo na nangei hitta am juija kom amo chu shulla am no weh. Hana hutta amo na ma nea jaitha nangei ta ripi ae.

⁴Amo na khross chunga leima shulla thi halkom Chungthieng jaitha na amo ta aring ha pe pi ae amo hitta munt ha ah ani kom shul sha halkom, nangei hitta ani mari hina ani kom Chungthieng jaitha pha ringchang pha ange.

⁵Chuna natak na natakta routreem ae ah akha chu chang anno, nang hi ngoiringa ringa am che. Ano lea Khrista na am na ah ringa am mo ti ha? Anolea na ha ani jo meh.

⁶Keina ngoiring inge ha chu ani hi nea no ngei chu ano weh.

⁷Chungthieng kolla kani na nie ah am munge nangei na hrano tullu lu no rang anina thangshuk maipak sho weh ta ri pi rang no weh ani na no jui ja kom ani na adiek tullu lu ah am ranga sha ae.

⁸Rouram chu ani na adiek tullu ta ngei no rang am no weh, adiek tullu ha chak am manga sha ae.

⁹Kani na kom shul juija leima ariem munge rouram chu nangei chu ratta am meh, chuna kanina nie ah am munge nangei kom mapong pha mee chang ranga.

¹⁰Chuna tarang sharukka kei na nangei kolla am no jui ja na rou hi jiekka hla inge. Hina sharukka nangei am na katung juija nangei kolla keina Reng na kei ta pek ane angam rou kalla ril no rung sha ae Na lim pa hi nangei ta semkat shakat rang sha ae nangei ta thugai rang no sha ae.

¹¹Chuna atun chu ulea nao ngei oh hran sai oh nu! Mapung pha rang ratta hotna oh, karou ril lim jui pi oh, akha lea akha ngei hlakko dai ah am mou oh, akha chu Chungthieng hina lungshit akha chu adai na nangei hitta am ha shu oh.

¹²Akha lea akha riemtuk hlakko ulea nao akha lungshit hlak hek lungshi hlakko. Chungthieng mamee lim na nangei ta riemtuk pe ah am meh.

¹³Chungthieng lungshit akha chu.

¹⁴Reng Jisu Khrista ringrei ngei akha chu muihla athieng pa na nangei lim hitta am ha shu oh.