Read Chothe Naga 2 KORENTHIYA 2 Bible Online

2 KORENTHIYA 2 - Chothe Naga bible

2 KORENTHIYA 2

¹Chuna woihapa lea ah nangei ajak tuk no ranga nangei am na phao ang ni ange ta kalung ngir shange.

²Chuna ejong keina nangei ta ajak tukpi sier lea chu atuna chu keita ariem pi ang meh? Ajak katuk pi amo chakkang no meh?

³Chuna sharukka keina nangei am na ka jiekka kahla karou chu, keina nangei kolla phao weta ajak tukpi lea chu amo ha chak sho weh kei ta ariem pi ang mee nangei ha rouram chu kei na dang inge kei na ka riem juija nangei kam ariem tol ae ti hi.

⁴Kajiekka ka hla karou hi kalung tonga mitui tulla leima nangei ariem no ranga kahla na chu, kaden kalung akha am meh, ha chu keina eja nangei lim ta lungshi meh ti dang ranga ae.

⁵Ejong atu jong akha na atujong akha ta ajak tuk pi lea amo na keita ajak tuk pi no weh meelim ta sha ae, atan te chak, (keina rilla aminge keina amota alung tonga am pi num nonge).

⁶Hijong lampi tieng chak meelim na amo ta aol ana pe ah am meh ajou shu oh.

⁷Chuna ehal kom ehal kom nangei na mamaral lim shilpi weh ah hijong ajak tuk no rang thanum thathou pi oh.

⁸Ha lea chu keina dang ange nangei na amo ta diekka lungshi ae ti hi, Amota lungshit rang keina nangei kolla nie ah aminge.

⁹Nangei kolla karil na rou chu, ka chupi katakpi hi nangei na jui ranga thou rang ae mo ano lea eja phao nangei na hina rou wa dang mo ti ha dangnum ma inge.

¹⁰Chuna nangei ma atujong akha hina maral shilpi thei lea chu keina kom mamaral ha shil pi inge Hana keina shilpi ka chu Khrista maikunga eheilim pa ha nangei taranga shilpi sange.

¹¹Rouram chu Saitan ngan lim pa hi ani na dang no ano weh.

¹²Troas ram ma katung juija Khrista hina ahra tronglam karouril jui ja arengpu na tullu lu rang lampi akha pe so weh ta hallinge.

¹³Chutiweta ani ulea nao Titas mel kari no sharukka kalung leima olla mee kolla ahran na rou ril phur ing weta Mesedoniya tienga thing sange.

¹⁴Chuna apha chang honna Khrista jarra thangshuk maipak pi ah akha chu lam kai pi ah amunt chang honna arengpu amota mel dang pi ah mariem hoi ha kani ta thangpi na jarra Chungthieng amota dom inge.

¹⁵Ani hi Chungthieng Khrista na pek thou riem hoi hek ti ae sanpi pha sha ngei am na akha chu amanga am ngei mai kunga thei pi.

¹⁶Amangsha ngei taranga chu athi chunga athi shukpi na thouriem hoi ae hana aring pha sha ngei taranga chu aring chunga aring shiktui riem sha ae. Chuna hijongpa tullu taranga atu na matik cha meh?

¹⁷Rouram chu ani hi Chungthieng rou hata amant atom te ah choija rol mee ngei ah no weh, chuti weta Chungthieng hla mee shilung thienga mamai kunga Khrista reng masuuk sha ae.