Read Chothe Naga 2 KORENTHIYA 6 Bible Online

2 KORENTHIYA 6 - Chothe Naga bible

2 KORENTHIYA 6

¹Chungthieng hitta ani tullu lu hi, hana Chungthieng lungshit pha nangei lim ta ariem sum pi num nonge.

²Chungthieng na hina rourilla am meh: “Nangei ta kahal rang apha wak jui ja keina thei ah am minge Nangei ta kasan pi rang apha pha juija keina nangei ta san pi inge.” Thei oh! Apha hi Chungthieng lungshit tung rang apha sho weh; Awoni hi nangei ta sanpi rang rungnie sho weh.

³Kani na atu akha phao aral am mee di nonge kani tullu hina chuna atu akha takom kae mathui rang lampi sam no rang hot na ah am munga.

⁴Hana hutta eheilim ma tullu lu hi Chungthieng suuk kunge ta ri pi ah am munge, adong thei ah, aol ana pha juija adong ja lou akha chu khudong thit jui ja kom.

⁵Kani ta phitta reija aral inn shunga shi ah dieklou tullu dol pi ah kani na bakno enno no wa tullu ka hella ae.

⁶Kani na, thienga, lungshi thei ah, wakhal halla dong thei ah muihla athieng jarra kani adiek lea lungshit hi Chungthieng suukkae ta ri pi shonge.

⁷Adiek kani rouril akha chu Chungthieng jaitha jarra dramochel hina kani ral ae na chang unge ral ae na akha kani tak ta ngakthuk rang ani mak taranga ae.

⁸Kani ta ajak ati jui kom am meh, hana lungshit no jui kom am meh, kani hita ajak pi jui kom am meh, hana adom jui kom am meh.

⁹Kani ta dang no ae ti ha kom meelim pa na chu danga am meh mee na thi so weta hal, hal kom nangei na ri ah am meh, nangei ri juija kani hi dandi pha ah am hal kani hi athi chu pha no ae.

¹⁰Na limpa hi edang dang hou no hal kom kani chu apha changhonna ariem ma am munge kani sara mal hal kom kani na chu mee ngeita chongpi unge kani hi ekom am no hekti ae, chuti weta adiek takka chu eheilim pa hi am munge.

¹¹Koren na am lungshit tonpi ngei oh, nangei kolla tonpi changa rouril unge; kani lung lokka am munge.

¹²Kani lung hi thinga shi nonge nangei taranga; nangei na ae kani ta nangei lung thinga shi ah ae.

¹³Kasanao ngei hekta halla nangei kolla rourilla am minge chuna chu hekta nangei lunghal kom kani ta ri pi oh, kani na nangei taranga theng lokka honga shi hekta, nalung thong ha lokka hongo.

¹⁴Ngoiring no ngei hitta mana ah tullu lu ha no oh. Alota adiek lea dieklou na thing ha ang meh, chuna na ha khak ngei no ae? Alota awar lea athiem am ha ang meh?

¹⁵Alota Khrista lea saitan ngei hlak kang meh? Alo so ae ta ngoiring mee na ngoiring no ngei hitta am ha ang meh?

¹⁶Alota Chungthieng mok na inn takom hlawang mok na changpi ang meh? Chuna ani aring Chungthieng mokna inna ae, Chungthieng matak mak na rillea, “Keina ka inn hi kamee ngei hitta na aring tol ange; kei hi mani Chungthieng chang ange hana mani ha kamee chang ange.”

¹⁷Arengpu na kom rillea, “Nangei na mani kol hai thou shukko akha chu adanga nang na mani kol hai thou am mo. Hana thieng no ephao tong no oh chulea chu kei na nangei ta la shil pi ange.

¹⁸Kei hi nangei pathieng chang ange, hana nangei na kasanaopa kasanao nu chang ange na hi, Arengpu marou ril ae.”