Read Chothe Naga GALATIYA 5 Bible Online

GALATIYA 5 - Chothe Naga bible

GALATIYA 5

¹Khristana anita pakna hup ah si hei thou ah hlapi soae, chuna chetta ngir oh; woiha leya pak suuk changsir ang ae no oh.

²Pol karilim hi thei oh, nangna asartan rang ngaita lea chu Khrista hi nakolla ite phao kanat am ni oh ae.

³Woihako leya nangeita rilsir ing ae, nangeina asartan hita ahra adiek aeta lata lea chu nangei na rouphun lim yuirang am song ae.

⁴Nangei sunga atuyong na rouphun yuiweta Chungthieng na adiek changpi ae tilea chu amoha Khrista kolhei thou wa mathei chak shukka thing so ae. Nangha Chungthieng ringrei ngaipi hana awao ah amso che ae.

⁵Muihla hana thou ah ngoiring yarra Chungthieng na anita adiek changpirang anina atam aral hekta halla am ae.

⁶Khrista Kolla asartan tanno ti iko am no ae. Khrista na aditchu anina lungsi ah ngoiring weta tullu lu tihi chak ae.

⁷Nangeina ahra ngan thinga amlea chu atunako nangeita harm nea ang no ae.

⁸Chungthieng na atreem rang ah nangeita kok ah no sa ae.

⁹Chol ahuitena heng sihakta shuk pihek ti sa ae.

¹⁰Nangeina mee adang adangei rou lano lutta Khrista amo hitta hlongno lutta amha ang ae tihi ngoiring ing ae. Nangeita alou thuchu ngeiha Chungthieng na aol pe ange.

¹¹Ulenao ngei oh keina asartan tihi ae no hrano ae ta sui lea chu keita manina eje sarukka atun phao keita aol ana pepi ah meh? Mani ril hana adiek ah lea chu Khrista na thitpi Khros maram ah karil hina aol shukrang am niyo ae.

¹²Nangeita lung longpi maniha asartan ta lella mani pumlim tan lea chu ta kalunga halsing ae.

¹³Ulenao ngei oh nangeita ahup hla ah kokpi hi nangei pumna dit ae rang ah no ae, lungsi hlakka akha lea kha thui ah am hlak rang ah sa ae.

¹⁴Maram chu rouphun lim hi rouphun akha chak na suipi nea pi ae, “Hachu nangeina nangei inn ning tung ting ngeita natak hekta lungsi ngai hlak oh.”

¹⁵Chutiweta nangeina ram sha ngeihekta phit hlak reihlak ah am lea chu anungting ah chu nangeilim ripta mang ang ae.

¹⁶Karil numchu muihla hana nangei ringchangha lamkaipi su oh. Chuti lea pumna dit hana thing nea ang no ae.

¹⁷Tichu ani pumna ditha muihla na ngaino ae akha chu muihla na ditha pumna ngaino ae. Manui aniha ngaihlak no ae, tichu na pumna ae numha ae nea no ae.

¹⁸Muihla na lamkai lea chu rouphun thui ah am niyo che ae.

¹⁹Pumna ae num chu; lal num hlak, thinglou aphing aphai,

²⁰kutna sem hlawang ta mok, doihla-aihla, anda ansi, phithlak reihlak, anarhlak, kamee mamee naihlak, ashuk-apal nailou, matarang chak ngai; hranhlak, kuihlak,

²¹yurui burui, ayak ati sal, akha chu hiyongpa tullu ae ah am hana etika ako wanram pha nea ang no ae ta amatinga ko rilhou sing ae, atunko rilla am ing ae.

²²Chutiweta muihla na; Lungsi, ariem, adai, sotta adongthei, ringrei dang, ahra, ngoiringa ngai,

²³meethui dongnea akha chu matakta mannea tihi shukpi ae, hilim hi rouphun diekno ae ta ril no ae.

²⁴Khrista kolla amlim ngei chu pumna ae num adit limpa thipi so ae.

²⁵Muihla na anita aring pepiphur so ae, Muihla ta ani ringchang hi lamkai pi ei oh.

²⁶Anina khale kha hungthei ah rasit rabun lhakka akha chu ansi anda ae hlak no ei oh.