Read Chothe Naga EPHESIYA 5 Bible Online

EPHESIYA 5 - Chothe Naga bible

EPHESIYA 5

¹Nangei na Chungthieng sanao akha changa amo hekti rang hotna oh.

²Nangei ringchangha lungsina lamkai su oh, Khristana lungsi ah maring chang anita pephur ah Chungthieng angei changa amona ariem ahoi akatpot changpi so ae.

³Chungthieng mee changa namei apa oklou akha chu karam paicha hopla pellah rou hi nangei karsunga tong hlak no oh.

⁴Thinglou semsak, khrim elsel tongkong sulou nangei na ae phung shukno ae, chu ang saruk chu nangeina Chungthieng dom ou oh.

⁵Nangeina dang ou oh, dieklou mee, anole kutta sem hlawang mokngei ahop apel amno mee ngeina itikka kom Khrista akha chu Chungthieng Rengram ha phaphung eko amno ae.

⁶Nangeita atunako alou rou rilweta dieklou lamting thing oh, hiyongpa ae sarukka aril juino ngei chunga Chungthiengna lungsa bun ae.

⁷Chuna sarukka mani hekti ha changno ou oh.

⁸Nangei natak mako amating chu athim thui ah amphur ae, atunchu nangei Arengpu mee ah so chou ae, awar hana ringso chou ae, chuna awar sanao ngei hekta thing ou oh.

⁹Maram chu awar hana ara chu; ahra, darmochel akha chu adiek hi ae.

¹⁰Arengpuna ariem rang ratta hutna oh.

¹¹Eko kanalou athim tullu ae ah am ngei hitta tonha no oh, chuna hutta awar choisuk ou oh.

¹²(Manina aru ah lu tullu ha rillang phao ajakpi ae).

¹³Eheilimpa awarra choishuk yui ah chu mani lu tullu ha thienga ripha sei yo ae.

¹⁴Maram chu thienga ripha dangpha hi awar chunga sa ae, maniha awar sa ae, chuna saruk hita rilphur ae, “Thou jou oh jalla enna am nangei ha, akha chu athi hei thou ah ringthou jo oh, hana Khrista na nachunga warpi ang ae.”

¹⁵Chuna nangeina singa thei ah ring ou oh, lungmoh ngei hekta ano lutta asingei hekti oh.

¹⁶Ae ang apha napha lei ah ahra ae jo oh. Maram chu apha hi hrano ae.

¹⁷Lungmo no oh Arengna nangeita e ae pinumsa tiha dangrang ratta jongo.

¹⁸Tuisik een na arui aba ae nou oh, nangei mang ang chou ae, chuna hutta Muihla na sihakti ou oh.

¹⁹Nangei kha lea kha adomna laa, amokna laa, anikna laa sahah tongha ah nangei lungsung arengta dom ou oh.

²⁰Ani arengpu Khrista minga apha changhon eheilimpa taranga mapa Chungthiengta adom pe ou oh.

²¹Khrista ta ati ajak changa nangei akhana akha thui donghlak ou oh.

²²Namei ngei oh Rengta ajak atri pek hekta napishal ta ajak atri oh.

²³Maramchu Khristana mapum sakka am akoksha ngeita sempipa changa mani chunga amhekta apisalna anamei chunga am ang ae.

²⁴Hana sarukka akoksha ngeina Khrista thui dong hekta eheilim ah namei ngeina apisal thui ah am su oh.

²⁵Pisal ngei oh Khristana akokshata lungsi ah maring chang pekhekta nangei namei ngeita lungsi oh.

²⁶Athieng changranga Khrista tronglam yarra tui ah thienga silpi so ae.

²⁷Chuna akoksha ngeita ajiek akoi, chuklip chuklop amno lutta makolla katranga sa ae.

²⁸Apa ngeina mani namei ngeita mani pum hekta lungsit phung shuk ae. Atuyong apa akhana anameita lungsi lea chu matak makta lungsi ah ae.

²⁹(Atunako matak makta ittik ako atir no ae, atir ang hutta atak hratrang abak een ah Khristana akoksha ngeita ann pi hekta ae ae,

³⁰Maram chu ani hi Khrista mapum matak chang mee ngei sa ae.)

³¹Athieng abai na hita rille, “Hina sarukka apana mapa manu hla houweta anamei hitta amha su oh, akha chu manui anina pum akha chak chang so ae.”

³²Abai hina sunga ehekta athuk athup, athieng adiek adangrang am ae, hachu Khrista lea akoksha ngei lungsit hlak hisa ae ta keina laing ae.

³³Hihekta nangko ae oh; Apisal limna anameita matak hekta lungsi ngei oh; akha chu anamei limna apisalta ajak ati ou oh.