Read Chothe Naga KOLOSIYA 2 Bible Online

KOLOSIYA 2 - Chothe Naga bible

KOLOSIYA 2

¹Keina nangei lea Laodicea akha chu keita hrabakta dangno mee taranga eja ah olla tullu lu meh ti ha nangei kolla ril tikkae.

²Mani lung sunga aratna na shihakti ha kei na di inge, akha chu rachun na lungshi hlakka Chungthieng hina thuppa shi Khrista masha makhi mani lung sunga sungjel thei ah am shu oh.

³Amo hi ae Chungthieng hina thuppa shi lungsing lungwar hata pha rang ha ae.

⁴Chuna keina rillinge atu akha na nangei ta mee dieklou ta ang wurra hung thei no shu oh mani na eja ah ahra kai hal kom.

⁵Rouram chu nangei karra katak makhi am tol no hal kom ka muihla chu nangei hitta am ha ae hana ka riem na akha na nangei na shilung akha chakka Khrista ta nangei ngoiring ka ri juija ae.

⁶Khrista Jisu ta nangei na Arengpu ae ta laa sou chu, amo hitta ring ha oh.

⁷Makolla nangei tro thukka shan, machung nga nangha ring rang sem sa oh, hana chu nangoiring ha hella ratta hang ange, nangei ta chupi hekta hana chu ariem na shihak ti ange.

⁸An no, Malmashi ngei thei sing na nangei akha tro phao ta rui ah thing no shu oh, akha chu aleiram ma hrano muihla na kom Khrista kol hai thou ano wa.

⁹Khrista hina apum maring chang hi Chungthieng makkae.

¹⁰Chuna nangei ringchanghi amo hita shihakta am ha rang pe so weh. Amo chu muihla akha chu anea angam ngei lim chunga ronna am ha ae.

¹¹Amo hita nangei am ha jarra nangei hi asartan so ae malmashi ngei na asartan ano lutta, Khrista mak na sem asartan ha ae nahana na pak pum hai thou shukka thingso ae.

¹²Rouram chu baptias ae lei apha ah nang ha Khrista hita ui then so ae, hana nangoiring jar hana Khrista hita baptias ae hana ringthou so ae Chungthieng jaitha hana athi sa hai thou amota ringpi so ae.

¹³Nangei pak hana jarra apha akha ah chu muihla ah thi sa so ae hana chakno wa rouphun am no gental sarukka chuti weta Chungthieng Khrista hitta ringha rang ruiphao pi so ae. Chungthieng na ani pakkom shilpi so ae.

¹⁴Sanpi ngeilou ani landon makhai kom amona tan na hou so ae hana huppa shi chatnabi hakom khross chunga thirjum ham na jarra pak lim ha la ah hou so ae.

¹⁵Khross chung Khrista na ane angam mitpu ngei ta nea ah amona wairol riha ngei maikunga ripi ae.

¹⁶Chuna sarukka atu akha na kom nabak na een taranga akha chu athieng rungnie, anolea hlathar reen anolea sabbath taranga routreem no shu oh.

¹⁷Na lim pa hi chu anutieng taranga ahla sa ae; adiek tak ha chu Khrista sa ae.

¹⁸Atu jong akha na danga mari nea jar na akha chu meelou wanrui ta mok hana kei, kei sange ta hal atujong akha na nangta hungthei no shu oh. Hajong ngei ha chu mani hal pa na jarra areem salla mang ange.

¹⁹Alu chang Khrista kolla hijongpa ngei na am num no ae pum lim hi chu Khrista hana thuija akha lea akha jom hlakka lokka hanga Chungthieng nakom lokka hang ha madit sha ae.

²⁰Nangei hi Khrista hitta thi ha so ae chuna simlei chung ane angam ngei muihla kut chung hai thou wa shuk so ae chulea chu alo sarukka na aleiram hina taranga ringa am ma che? Elo wa hajong ane angam ngei ril trong jui ah am ma che?

²¹“Choi kom choi no ah,” “bakka kom an no ah,” “adang ha ta kom tong no oh?”

²²Na limpa hi areem sal rukkae, apha akha ah choi houphur hal kom mani ha mee na sem lam sha ae akha chu, chupi sha ae.

²³Hajong lam ha mani na hrano muihla ta mok sharukka hajongpa lungsing shukka sha ae. Alou lunghal akha chu pum ta aol ana pe ah ae, hana pum ta mant rang kanant ekom am no ae.