Read Chothe Naga KOLOSIYA 3 Bible Online

KOLOSIYA 3 - Chothe Naga bible

KOLOSIYA 3

¹Khrista hitta ringa thou su ta lea chu wanram tienga taranga nalung shioh hana Khrista na Chungthieng phomlu chang tienga onga am meh.

²Chuna nalunghal kom hana chetta den na am mo, na aleiram hina pot tarang ano lutta.

³Rouram chu mathit na sha rukka naring chang hi Khrista hitta Chungthieng am na ah thuppa shi so ae.

⁴Chuna Khrista hi adiek takka naringchang so ae hana mamal maripi jui ja nang kom hata ri pha nea ang nge hana amo hitta mahung majai tum ha pha ha ange.

⁵Aleiram ma nadit natullu lim ha thi pi oh, na ngei ha chu, namei apa vokno, thienglou, hrano adi trongchop trong akha chu hopla pella lim.

⁶Hina sarukka Chungthieng lungshat hi jong ang so ae aril juino ngei chunga.

⁷Chuna apha akha ah chu nangei hi hajong adi hana ringphur ae rouram chu hajong ngei hana nangei chunga am phur ae.

⁸Atun chu lungsha rat, anshi anda, anar don, akha chu trongshi trongbau haithou wa chan jou oh.

⁹Akha lea akha murthui trong hlak no oh, rouram chu hajong nangei ringchanga hrano lim ha lah ah hou so ae.

¹⁰Hana natak na natakta athar punchoi dirchoi jou oh nahana sempipa hina amel akha chu lungsing lungwar shukna chang ange.

¹¹Hina sharukka Jihudi akha chu gental am mang ni jo weh, hana asartan lea tan no kom am mang no ae, hana shuklea mitpu kom am mang no ae; Khrista eheilimpa mitpu ae!

¹²Nangei hi Chungthieng mee ae, amo na nangeita lungshi ae akha chu mataranga nangei ta hal so ae chunna ringrei thei adong thei hina natakta punchui derchoi hekta choi oh, meethui donga.

¹³Akha lea akha santhei hlakko ejonga akha na akha kolla aral amjuija, arengpu na nangei kolla san chu hekta chuna nangei kom hata ae anga sa ae.

¹⁴Nalim chunga lungshi thei hi hla no oh, nahina eheilimpa ta akha chakka rakit pha pi nea ae.

¹⁵Hana Khrista hina adaina nalung sunga am shu oh hina tarang sarukka nangei ta pum akha chak tulla Chungthieng na koksha ae chuna adom thei oh.

¹⁶Khrista rou na nalunga shi hakta am shu oh lungsunga chupi takpi ah ahrat ranga akha lea akha ril hlakka. Chungthieng kolla muihla riem na laa sha ah dammo.

¹⁷Hana nangei na tullu lu halkom rou ril halkom eheilimpa arengpu Jisu minga ae oh, majarra pa Chungthieng ta ariem ma dom mo.

¹⁸Khristen akha changa namei na ngei oh napishal thuija am mo.

¹⁹Pashal ngei oh nangei namei ngei ta lungshi pi oh, hana mani ta aol pe no oh.

²⁰Unga ngei oh apha chang honna nanu napa ril trong jui oh nahi Khristen ngei ae phung shuk tullu sa ae.

²¹Mapa ngei oh, nangei unga ngei ta lungsha pi no oh mani ha nung lea ange.

²²Kor ngei oh eheilimpa ah nangei mitpu ngei ril trong jui oh, mani na an na am lei chak no wa mani na lungshi pha rang chak no wa nalung thiengo, rouram chu nangta ajak atri pha rang sha ae namitpu na.

²³Natullu lu lim changhonna nalung lutta ae oh. Mee ngeita ae no lutta Arengpu taranga ae ta hallo.

²⁴Arengpu na malmashi ngei taranga mashi olnamant. Maram chu Khrista hi adiek namitpu ae.

²⁵Chuna aral tullu lu ah am mee taranga ma ae na nujui ja amota pe ange rouram chu Chungthieng na akha chakka malmashi lim ta routreem ange.