Read Chothe Naga 1 THESOLONIKIYA 2 Bible Online

1 THESOLONIKIYA 2 - Chothe Naga bible

1 THESOLONIKIYA 2

¹Uleanao ngei oh, nangei kolla kani phao hi ariem sal no ae ti hi nangei tak mak na kom dang ange.

²Nangei am na kani tungma tienga Philipi ah kani ta ajak tukpi ah aol ana eja kom pha ha, nangei na dang ang nge hana chunga anshi anda eja am hal kom Chungthieng kol hai thou ah ahra tronglam nangei kolla ril shuk nea rang kanita atri am pi no ae.

³Nangei kolla rouram kani ril num chu dieklou thienglou tarang akha chu hungpher ae rang no ae.

⁴Hajong hutta apha chang honna Chungthieng na kanita madit hachak trongshuk kunge, rouram chu Chungthieng na kani ahra tronglam sam ranga angei pe ah routreem pe so ae, chuna kani na malmashi lungshi pha rang tullu lu nonge chuti weta meelung dang Chungthieng malungshit rang tullu lu unge.

⁵Rouram chu nangei na hrabakta dang nga am meh nangei kolla ahra sa ah ae nonge hana ka hella kani tarang hal na kom am no ae, Chungthieng na meelung ngir sha ae.

⁶Kani na atujong akha kolla adom pha rang nga kom hot na no ae nangei nahal kom adang mee na halkom.

⁷Khrista rouron rui akha chang halkom nangei hitta kani am ha lei sung hina chu kani kom nangei hek ti unge manu akha na asanao ta ngei hekta ngai unge.

⁸Nangei ta kani lungshit sarukka Chungthieng ahra tronglam chak no lutta kani ringchang kom nangei taranga pe unge. Rouram chu nangei ha kani na ehekta lungshiae

⁹Routakka nangei na dang chou ae. Uleanao ngei oh, nisuon janting aol ana donga tullu eja ah ae sha ti ha, rouram chu kani na Chungthieng ahra tronglam nangei kolla peklei sunga nangei kolla ahan apan am no rang sa ae.

¹⁰Thieng ngoiring, adiek akha chu dieklou am lou nangei kolla kani na alo ta thienga meh ti ha nungei akha chu Chungthieng na meelung ngir ae.

¹¹Mapa na asanao ta an hekta kanina nangei lim pa ta an ma am meh ti ha nangei na dang pha chou ae.

¹²Kani na nangei ta thanum thawak pi ah akha chu ariem pi ah hana nangei ta kokpi Chungthieng na lungshit pharang akha chu marengram ma mahung majai saruk phu ranga nangei ta ril ung nge.

¹³Hana Chungthieng ta apha chang honna kani dom na akha na, Chungthieng marou ha kani na nangei kolla ronna phao juija malmashi ngei rou hekta lah no wa nangei thei pha len riemma ngei pi ha, ngoiringei nangei shunga Chungthieng na matullu lu ah am meh.

¹⁴Chuna uleanao ngei oh, nangei hi Jihudiah ah Chungthieng ahalsha mee ngeina Khrista Jisu awong lak hekta nangei na kom nangei ram sunga am mee ngei kut chunga aol pha hi hana lei ah ahalsha ngei na Jihudi ngei kut chunga aol ana pha hek ti ae.

¹⁵Mani na arengpu Jisu akha chu thiempu ta that ta akha chu kani ta aol ana pe ae. Mani ha Chungthieng lungshit pha mee changno ae, akhana mani ha malmangshi lim ta jiekna mee ae!

¹⁶Mani na jat adang ngai lung hlong ranga kani rouril thing phao hanna shi ae chuna mani ae na pak tullu hi na atreem na tungjui ja chu, atun hi mani chunga Chungthieng malungshat tung so ae!

¹⁷Uleanao ngei oh, kani taranga chu lunghal no lutta pum na ani hi adang, adanga hran hlakka am hi, kanina nangei ta woiha ri hlak num ma hot na sha.

¹⁸Chuna kani na nangei am na phao num munge Pol katak makhi woihata lella nangei kolla lea sier rang hot na inge, chuti weta saitan na kanita hanna shi ae.

¹⁹Rouram chu arengpu Jisu jung juija maimai kunga ral nea na lubur pha rang lungrang akha chu ariem ha nangei chak ta no meh?

²⁰Routakka nangei hi kani lokrang akha chu ariem rang ha ae!