Read Chothe Naga 1 THESOLONIKIYA 3 Bible Online

1 THESOLONIKIYA 3 - Chothe Naga bible

1 THESOLONIKIYA 3

¹Apha shotta hakneno sharukka kani na Athen na kani chak am ranga rou ngir so ae.

²Kani hitta Chungthieng matullu ron ha am uleanao Timothi ta Khrista marou ahra tronglam sam ranga akha chu nangei ngoiring ling no wa am rang hana thanum thathou ranga hla unge.

³Chu lea chu nangei akha phao na kom aol ana pha juija nulea ang no ae nangei natak mak na dang ha ae hajong aol ana pe ha chu ani kolla Chungthieng ahal akha ae.

⁴Nangei hitta kani am ha lei ah nangei kolla apha chang honna ril phur ha adiek takkae, ani hi aol ana pha ange nangei na hella danga am ha mak jou chou?

⁵Hana sarukka amthei no wa keina Timothi ta nangei am na ah hla singe rouram chu ejongpa ahlem na hlem weh ta, kani tullu lu phur lim ariem salla tullang mo weta nangei ngoiring ha an ranga hla inge.

⁶Atun chu Timothi hi lea ah, amo na nangei ngoiring nga akha chu lungshi hlakka am na ariem rou ron na phao ae hana kani ta amo na ri hlak num ma kani na nangei ta rihlak mum hek ta hal ahra ha ril pi ae.

⁷Uleanao nangei ngoiring na jarra kani na eheilim ma aol ana tukhlak hi hella thanum thathou na changpi ae kanita.

⁸Maramchu atan routakka kani na ring unge nangei na nangei ringchang hi Khrista hitta chetta am lea chu.

⁹Nangei tarang sarukka atun kani na Chungthieng ta riem ma dom num munge. Ma am na ah riem nea unge nangei sharukka.

¹⁰Lutta nanangei akha, akha ta rihlak rang akha chu nangei ngoiring darkar am lim san ranga suon jan nei no wa ni ah amunge.

¹¹Ani Pa Chungthieng matak mak akha chu ani arengpu Jisu na nangei am na tung rang lam sat pi shu oh!

¹²Arengpu na nangei akha lea akha lungshi hlak pi shu oh, kani na lungshit hekta nangei lungshit kom naha naha hel pi shu oh.

¹³Na lampi hina amo na nangeita rat pi ah ani arengpu Jisu na mamee ngei hitta jung ha juija Pa Chungthieng maikunga nangei hi athieng rakit pha mee chang ange.