Read Chothe Naga 1 THESOLONIKIYA 4 Bible Online

1 THESOLONIKIYA 4 - Chothe Naga bible

1 THESOLONIKIYA 4

¹Atreem na ah, uleanao ngei oh, nangei na alota ring ang akha chu thing ang Chungthieng na pel changrang, kani kolla nangei na dangpha sho weh chu hekta naha, naha hella hang rang arengpu Jisu minga kanina mokka akha chu rilla am munge.

²Nangei na danga am areng Jisu hina ane jaitha hana kani na nangeita chupi takpi ha.

³Chungthieng na nangei hi thienga am di no ae, hana namei apa vokno hi am pi num no ae.

⁴Apa lim pana nangei namei ngei hita alota thienga ajak atri ah ring ha ang meh dang phung shukkae.

⁵Chungthieng mel dangno jat adang ngei hekta hrano mitta adi hrano lunghal hal thingno oh.

⁶Hina sarukka atu akha na matonpi akha ta dieklao tullu lu no shu oh akha chu tancha lah no shu oh. Nangei maikunga kani na rilphur ha ae akha chu hajong ae no rang akal rou ril ha ae.

⁷Rouram chu Chungthieng na ani ta kok hi thiengno ranga no ae, thienga ring ranga sha ae.

⁸Chuna sarukka, atujong amo na na chupi takpi hi ta ngei num no lea amo na malmashi ta ngeinum no ano ae, nangei ta a thieng mamuihla pe pi Chungthieng ta ngei num no wa sa ae.

⁹Chuna nangei ngoiringei kar sunga lungshi hina rou wa jiekka hla rang darkar am no ae. Rouram chu nangei mashel akha lea akha lungshi hlak ranga Chungthieng na chu pi takpi phur so ae.

¹⁰Adiek tak chu nangei na hata Mesedoniya ulea nao ngei ta lungshi ah am meh chutichun hella, hella lungshi hlak rang kani na nangei kolla hlem unge.

¹¹Adai ringchanga ringa am rang denna shi oh, matullu matullu lu rang hallo akha chu naring rang ratta tullu lu oh. Amatienga kom hitta rillunge.

¹²Chuna hita ae ah naring nga ngoiring no ngei kolla nangna thangshuk maipak pha ah akha chu nangna atu akha kolla bei no wa ring nea ange.

¹³Uleanao ngei oh, athi sa ngei ta ranga nangei kolla adiek rou ha nangei ta dangpi num munge chu lea chu lungrang am no ngei na olla am hekta nangei na aol pha ang no ae.

¹⁴Ani ngoiring chu Jisu na thi weta lea ah ringthou ae chuna amota ngoiringa thi lim ta Chungthieng amo na Jisu hita woiha lea rui tum mange.

¹⁵Atun kani na nangei ta chupi hi arengpu machu pi aearengpu majung rungnie phao wa ringa am ani hi athi sha ngei matienga etikkom masha nea ang no ae.

¹⁶Apha hana wanram tienga aring sanrol, akha chu wanrui ngei sanrol na auw wa hana Chungthieng tumpet, san rol thei juija Areng matak mak na wanram hai thou jung ange. Hana Christa ta ngoiringa thi ngei na masha ah ring thou ange.

¹⁷Hana nutienga houphur ringa am ani na mani kom arengpu hitta tukhlak ranga sumphai karra areng hitta tukhlak ranga rui ah kallange. Chuna ani na atreem nei no wa arengpu hitta am ha ange.

¹⁸Chuna sarukka na rou hina akha lea akha thanum thathou pi hlak ko.