Read Chothe Naga 2 THESOLONIKIYA 1 Bible Online

2 THESOLONIKIYA 1 - Chothe Naga bible

2 THESOLONIKIYA 1

¹Pol, Shailas akha chu Timothi kol haithou wa Thesolonikiya ah akok sha Pa Chungthieng akha chu arengpu Jisu Khrista.

²Pa Chungthieng akha chu arengpu Jisu Khrista hina lungshi adai nangei chunga am shu oh.

³Uleanao nangei sarukka kani hi apha chang honna Chungthieng ta dom munge na hi adiek takkae, rouram chu nangei ngoiring hi naha, naha hella hang akha chu nangei lim pa lungshi hlakka akha lea akha lungshit hel hlak jarra ae.

⁴Chuna sarukka Chungthieng na akok sha ngei karra kani na nangei ta ana-asa dongthei akha chu ngoiring lingno am hi na sarukka lung lok kunge.

⁵Nalim hina meelung ngir ae Chungthieng routreem hi adiek rou ae. Hina jarra nangei hi Chungthieng rengram taranga masing tel then na rakit che ae ha chu aol ana nangei dongthei hana.

⁶Chungthieng na adiek ha emo tiha ae ange. Hana amo na nangeita aol ana pe ngei ta aol ana pe pi ange.

⁷Hana aol ana pha nangei tana amo na aol ha pe ange akha chu kani ta kom Nalim pa hi arengpu Jisu na wanram hai thou wa wanruei ngei hit majung jui ja ri ange.

⁸Chuna Arengpu Jisu hina ahra tronglam hita akha chu Chungthieng marou matrong juino ngei ta chu dan di pek ranga sarmei hita jung ange.

⁹Mani hata atreem nei no amang atah phana sunga dandi shi ange hana arengpu hina ahung ajai hai thou wa hran nange.

¹⁰Rungnie hana majung juija chu atheing mamee ngei ta mahung majai phu pi ange Hana amota ngoiring lim na amota ajak atri ange Nahi sunga nangei kom tol so ae rouram chu kani rouril hi nangei na ngoiring ae.

¹¹Hina sarukka kani na apha chang honna nangei tarang nie ah am munge. Nahana Chungthieng na kom nangei ta kok khi rakit cha na kom chang shu oh akha chu majaitha hana nangei eheilim tullu lu na akha chu ngoiring ha shihakti pi shu oh.

¹²Kani niek chu arengpu Jisu hina mahung majai hi nangei kolla pha shu oh, hana Arengpu Jisu na kom nangei kolla ahung ajai ha nangei na kom makolla ani Chungthieng akha chu arengpu khrista Jisu hina ma lungshit pha shu oh.