Read Chothe Naga 1 TIMOTHI 2 Bible Online

1 TIMOTHI 2 - Chothe Naga bible

1 TIMOTHI 2

¹Masha tekka, keina nangeita kadangpi num chu, meelim taranga Chungthieng kolla nie oh rillo akha chu adom ti ha donna pe oh.

²Hana Rengpa akha chu rouril trongril nea meelim na kom adai ringchang ringweta ahra lamchat nei ah Chungthieng mamai kunga ani na ajak atri mee shak chang ranga.

³Na hi anita sanpipa Chungthieng na adit ahra sa ae.

⁴Amo hana chu malmashi lim pa hi sanpi pha pi num meh hana adiek ha dangpi num meh.

⁵Rouram chu Chungthieng chu akha chakkae, hana Chungthieng lea malmashi karrakka trong thou hlak rang hi Khrista Jisu amo chakkae.

⁶Amo ha chu matak mak ha pe malmashi lim san rang pi ae Chungthieng na madit apha cha ah amo na sanpi ae.

⁷Hana sarukka ae keita ahal sha rui akha chu ocha changa gental ngei taranga hla ae adiek ngoiring rang rou ha chu pi takpi ranga na hi nangei kolla keina murthui ah rilla nonge adiek takka rillinge.

⁸Hoi ah mun hal kom, hoi ah mum hal kom keina apa ngei na nie juija lungsha tha na am no lutta nangei kut dom ma kal weta nie pi num minge.

⁹Hana namei nu ngei na kom apun ani asam ana lim ha ajon ahra sengweta amant tam sona rupa akha chu shalea thei chang no lutta niek ha di inge.

¹⁰Chu na namei nu ngei na mani ahra tullu lu hana Chungthieng ningtienga ajak ati chang shu oh.

¹¹Namei ngei na lungnem akha chu adai ha chu shu oh.

¹²Kei na namei nu ngei na apa ngei chunga chupi takpi tarang angei pe nonge mani ha dai am shu oh.

¹³Rouram chu masha ah Adam ta sha mee sha ae hana nutienga Eve ta sem meh.

¹⁴Hana Adam na hungpher ae ano weh; namei nuna hungpher ae phurra Chungthieng rouphun kui pi phur ae.

¹⁵Chutiweta namei nuna hana sanpi pha ange unga mani don jui ja, ejong mani na thienga lungshi ngoiring ha am hang jui ja.