Read Chothe Naga TAITAS 2 Bible Online

TAITAS 2 - Chothe Naga bible

TAITAS 2

¹Chuna na chupi ang hi ngoiring na lam ma angai ha ae.

²Ulienchang apa ngeita chupi oh, adong thei rang lunghal thei rang matakna matakta nea rang mani ngoiring lungshi adongthei ah am ranga.

³Na hitta munt ha ah namei ulien changei ta kom chupi oh, mani kom namei nu akha na ring nga am hekta ling lu shu oh akha mani ringchang ha thienga am shu oh, mee hratno rang ae no shu oh, akha chu ju inn mee no shu oh. Mani na ahra ha chak chupi anga ae.

⁴Athourul namei ngei na achu ranga mani pashal akha chu asanao ngei hrabakta chupi takpi shu oh.

⁵Matak na matukta nea weta athieng akha chu inn shunga ahra namei changa apishal ta atri ajak mee chang shu oh. Chu lea chu atu akha na kom Chungthieng kol hai thou phao ahra rouril hi hrano rouril no shu oh.

⁶Chuna chu hekta unga ngei ta kom matakna matak ta nea ah am ranga ril pi oh.

⁷Eheilimpa ah nang natak makna ahra tullu ah mee na achu rang am shu oh naling nalu wa nalung thienga hra bakta chupi takpi oh.

⁸Ahra rou choi ah rourillo jethlak shukhlak am no ranga. Chulea chu nangta anda mee ngei ha ajakkange ani sharukka ejongpa hrano rou mee na ril no shu oh.

⁹Kor ngei oh nangei mitpu thuija am mo akha chu eheilimpa ah mani na lungshit ranga ae oh mani nutieng rou ril no oh.

¹⁰Akha chu mani kol hai thou aru aran ae no oh, mani na nangei ta ngoiring rang tullu ah ri pi oh. Chu lea chu lampi lim ma anita sanpi Chungthieng chupi takpi hi ehehta hra ange.

¹¹Rouram chu Chungthieng na malungshit aringkaetlo ha mee lim ta ri pi ae.

¹²Malungshit na chupi anita pekpi chu ani ringa Chungthieng ditlou akha chu alei ramma adit apam lim hou wa matak na matak ta nea weta adiek athienga aleiram ma ring ang sha ae.

¹³Ani na lungrang ae weta hakka am jaihra rungnie akha chu Chungthieng akha chu anita sanpi pa Jisu Khrista mahung majai tolla ani ta ripi ang ha.

¹⁴Amo matak mak anita pepi ah hrano tullu hai thou sanpi weta athieng ringchang ringa mamee changa ahra tullu lu num chang rang sha ae.

¹⁵Mani ta nahi nachupi juija atri am no lutta thanum thathou pi oh akha chu routreem oh narou thei ja am ngai na. Atu akha na kom nangta hantha ah an no shu oh.