Read Chothe Naga EBRIYA 12 Bible Online

EBRIYA 12 - Chothe Naga bible

EBRIYA 12

¹Ani taranga chu ani hi wairul riha na mee lungir ngei ahul tunga am meh, chuna sharukka ani lamma hanna am pakna ani ta chetta kolla am hei thou wa shuksei oh, akha ani matienga am lam ha adong thei hitta munt ha ah tansei oh.

²Ani ngoiring thouna akha chu atreem na chang Jisu ta ani mit denna shi ei oh, amo na khross hana ha hla ah hou no ae, maram chu ariem hana amota hakka am jarra, amona khross chunga thi ang ajak atri lim eko halnowe, amo hi atun Chungthieng phomlu changtieng nakka onga am meh.

³Maram chu nangei muihla ha nulea no oh, sreng amo ta jaishi ngei na hija anshi anda, akha chu tronglok lim dong ha hallo.

⁴Nangei na atun phao shung pak hitta maituk hlakka ane rang hot nat ha athit phao ah ae rang pha no shonge.

⁵Chungthieng na nangei ta asanao ngei hekta thanum thathou trong pekha nangei na mak jou chou? “Kasanao oh, Rengna rakjuija hrabakta hallo, akha chu amona nangta raan juija nulea no oh.

⁶Maram chu Rengna malungshit meelim ta raan nea, akha chu asanao chang angei ta amo na leichoi ae.”

⁷Mapa na raan hekta ngai ah aol dongo, na ol nanat hana Chungthieng na asanao ngeita ae hekta nangei ta ae ah sha ae maram chu mapa na raan lou asanao atu am ma meh?

⁸Ejong nangta asanao ngei oh hekta raan no lea chu, nang chu adiek asanao no che ae, chuti weta nangchu shatun rai so che ae.

⁹Anita raan rang ani pa am meh, hana anina mani ta atri ajakkae, ani na eja ah lella ani muihla mapa pathieng ta ajak atri ang no meh!

¹⁰Ani malmashi apa ngei na apha te taranga raan nea, mani na diek kae ta hal nujuija, chuti weta Chungthieng hina athieng tum lim pha ranga ani na ahoi ranga arengpu amo na raan nea.

¹¹Araan pha hi atun, atun tarang ariem rang ano weh chuti weta aol sha ae, hana anutienga chu nahana jarra jui ja am ngei ta adai hina ara akha chu dramochel ringchang ha pepi ae.

¹²Hamma am nakut ngei ha dokshukjou oh, akha chu hirra nahukha dokjou oh!

¹³Kaetlikpa na lampi ah kae mathui no wa adam ahra chang ranga nangei na nangei lampi ha hra ah shemmo.

¹⁴Meelim pa hitta deija am rang hot na oh akha chu athieng ringchang ring rang hot na oh maram chu nahi tol no wa atu akha na ko arengpu ta ripha ang no ae.

¹⁵Chungthieng ringrei ngei hei thouwa nulea no rang ratta am mo, atu akha na ko akha thingkung hekta tou ah hanga tour changa aol ana shukpi no shu oh.

¹⁶Atu akha na kom Eso hekta woklou, akha chu muihla am no wa bu chara akha ta taranga asanao ulienpa chunga mapha phungshuk ha jurra hou ae.

¹⁷Maram chu nangei na dange, anutienga chu Eso na jaihra phanum halkom amota ngaipi no ae amona mitui tulla ratta jung halkom ma ae sha ha chu woiha lea ah ahlong rang am no weh.

¹⁸Israel mee ngei na wak hekta nangei chu wa no chou ae maram chu sarmei kanga am Sinai mulla ahang athiem thirang phaibu ah.

¹⁹Mee ngei na tumpet tum arasha akha chu shanrol hina tara theijuija mani na adang arasha rou thei no rang rillea.

²⁰Maram chu ashe na phao amul hatta tonglea chu thi ange ti rou ha mani na ngai nea no ae.

²¹Hana mitta ri ah phao ehekta atri rang am meh, maram chu Moses na phao hitta rillea, kei na atri hai shulla hirra am minge.

²²Hana hutta aring Chungthieng wan ramma Jerushalem Zion amulla nangei na wa oh, wanrai lashingei hitta.

²³Wanram ma ming jieksha masha don sanao ngei lim ariem ma bomtul na akha chu akoksha lim ngei routreem, akha chu ahra meengei muihla ta rakitpi Chungthieng kolla waso che ae.

²⁴Athar roungir shempipa Jisu kolla akha chu Abel thee ta lella ahra rou trongshuk rang saro eihitta munt ha ah athi thee sha kolla nangei na wa so chou ae.

²⁵Rourilla am arengpu ta nangeina ngaino ae no rang chekshillo maram chu nangei ta mitsing kursingpi pa amota manina ngai no sharukka ringphur no lea chu. Wanram tienga mitsing kursingpipa arengpu makal hei thou ani na hamma thing lea chu eja lella ring ang nowa meh.

²⁶Apha hana Arengpu amona mashanrol na shimlei ta hirpi ae chuti weta atun chu keina shimlei chak ano wa wanram ta ko lingpi ange ta saro ai so weh.

²⁷Rou hana ko woiha lella thienga muh pi ae ti chu ashomsha lim hi lingpi ange akha chu lah ah hou ange, chutilea chu lingpi ngailou pot ha hata am mange.

²⁸Ani na dommei oh, maram chu ani na linga ngaina Rengram akha ha pha so weh, ani na ariem ma Chungthieng ta ajak atri akha chu mapel rang lam ma mokkai oh.

²⁹Maram chu ani Chungthieng chu kanga mangpi nea sarmei ae.